¹ Nakabili kuta ku kwibukisha kabumba obe munshiku shabu musepela bobe, libe inshiku shakushupa tashilaisa, elo kabili libe impuka tailafika uluntu ukulanda ati, ''Ntakosansamukilamo muli fyena''; ² cita ici libe ulubuto lwa kasuba elo no lwa mwenshi elo no lwa ntanda talulafita, elo amakumbi ya fita tayabwelela pauma ya mfula. ³ Iyo ikaba ni nshita uluntu abacingilila umusumba wa bufumu bakakutuma, elo abaume bakukosa baima, elo na banakashi abapela baleka pantu na bacepa, elo nabo abalengela pa mawindo baleka ukubwenesha. ⁴ Iyo ikesa kuba ni nshita uluntu ifiibi fikesalwa mu musebo, elo ne ciunda cakupela cikaleka, uluntu abaume bashibuka ku kulila kwa cuni, elo na mashiwi ya kwimba kwa banakashi yashima. ⁵ Iyo eikaba ni nshita uluntu abaume bakesa kuba no mwenso wa butali bwa fimo, elo pamo no kutinya kwa mu nshila, kabili uluntu umuti wa almonde ukabalula, elo ifipaso fikoikulula fye pamo, elo no luntu ifyakubilisha tafisangile. Eluntu umwaume nao aya ku ng'anda yakwe iya muyayaya elo na baloosha bakoendauka mu misebo. ⁶ Ibukisha kalenga obe libe umwanado wa silfere taulaputuka, nangula imbale ya kufonka iya golide italapelwa, nangula umutondo waku kamfukumfuku inshila onaika, nangula umupeto wa pa cishima taulatobaika, ⁷ libe ulukungu talulabwelelamo ku mushili uko wafumine, elo no mupashi ukubwelela kuli Lesa uwaupele. ⁸ ''Fyafye! Fyafye!'' efyalanda Kafundisha. ''Ifintu fyonse fyafye!'' ⁹ Kafundisha ali uwamano elo kabili afundile abantu ukwishiba. Kabili akotontonkaya sana no kufwailisha sana pakuti ekalemba bwino amapinda ayengi. ¹⁰ Kafundisha alefwaisha ukulemba ifingaboneka elo kabili ifya cishinka. ¹¹ Amashiwi ya bantu abamano ya bange cakusonkwelako. Ngafilya fine imisomali yapampamikwa yaba efyaba na mashiwi yakwa shikulu mu kulonganika amapinda ya yako, ayafundilwe na kacema umo. ¹² We mwana mwaume wandi, ucenjele ne fintu fimo Ukupanga kwa fitabo ifingi, takwakwata impela elo no kufwaisha ukwishiba kuletafye ubunake ku mubili. ¹³ Impela ya fintu panuma fyonse filyumfwikile, ifyakuti ufwile ukutina Lesa elo no kusunga amafunde yakwe, pantu uyu emulimo wa muntunse. ¹⁴ Pantu Lesa akaleta ubupingushi paficitwa fyonse, pamo na fyonse ifintu fya fiswa, cibe fya bune nangu fya bubi.