¹ Ngepi kughuwa ghomapadhi ghoye edi ghamonekakanga muyicapa mwana fumu ghombuyama! Makunungero ghomatami ghoye ne yira yiyengitha, yiruwana yamuyuwi. ² Dikoro dyoye ne yira karonga; mbadi dyapumbwanga vinyu ghokuvunga. Dira dyoye ne yira thirambo thomavumbukiro hana dhingumwetwedha nomitemo. ³ Mere ghoye mawadi ne yira tuyama ghana tuwadi; tufumbo tomayovu. ⁴ Thingo ne dhoye ne yira nyangata dhokutenditha kumayegho ghondhovu; meho ghoye ne yira thiviya dhaHeshbon kudikorogho dyaBath-Rabbim. Diyuru dyoye ne yira mushoke gho muLebanon oghu wapirukera kuDamascus. ⁵ Dishukeka pamutwi ghoye ne yira ngameno; huki mumutwi ghoye ne yira thina diwiru. Fumu ne yina mukwata yitondo yoye. ⁶ Ngepi ghuwa ghoye muhakwa wange ghodirura noyishamberitha yoye! ⁷ Shongo dhoye ne yira ghure ghothitondo thombare nomere ghoye ne yira mute ghombuyo ghombuyo. ⁸ Nakughamba eshi nakudhina kuthitondo thombore; nakukwaterera kumite dhatho. Mere ghoye ne ngogha kare yira marudhi ghovinyu nothiwe thomayuru ghoye ne yira mbuyo dhothina dihenga. ⁹ Kanwa koye ne yira vinyu ghomuwa, vinyu ghana kukuherera thiwana, wange ghodirura; kuyenda thiwana miromo dhowa hana rara. ¹⁰ Ame ne yame wamuhakwa wange noghani rumbera. ¹¹ Wiye ne muhakwa wange ghodirura, wiye tuyende mudipya; tukahungere mumikunda. ¹² Tumenekere kuthikwinino; tukamone eshi mbuyo ne dhema endi ngepi, pamweya dhahora nomitemo ne dhafikuka nopamweya yitondo yombuyo ne yahoka mitemo. Naka kupa ruhakitho rwange. ¹³ Thitondo tho mandrakes ne kuhupuka thiwa thatho; nopa dikorogho dyo apa tuna kutunga ne payara mbuyo dhokuku thiya-thiya, dhodhipya nodho kurukuru edhi nakupungwera muhakwa wange ghodirura.