¹ Apa dyapwire kutenda dirapa nomathero ne ghapwire kuturako, nohakungi makorogho, hembi nawa Levite ne hapwire kutorora. ² Natapire marawero ghaJerusalem kwawa minange ha Hanani na-Hananiah ghomuraghuri wawa ghaturi homumbara, yoyishi aye ne ghakarire katughuru gho ghutawedhi nogha yapire Nyambi kupiterera hengi. ³ No naghambire kukwagho eshi; "Mbadi mwakona kuyandhurura makorogho gha-Jerusalem ene kate diyenye diyuwa. Apa shoha kare hakungi mukukunga ne mwakona kuyandhera mathero nokugha tjapera nomutorore hakungi awa hatunga muJerusalem, hamweya kudyango dyoyiruwana yagho ene hamweya ne paghutho dhomandhugho ghagho." ⁴ Thitata ne thakarire thiyaghuyu nothikuru ene hanu awa hatungire mo ne hapu nomandhugho ne mbadi ghapwire kutendurura. ⁵ Ndani Nyambi wange ne ghaturire mumutjima wange dighano dyokughongawedha hamayami, haraghuri nawanu waheya eshi waheya ngohapwe kutjangitha kukutha mutukuru twagho. Nona wanine mbapira dhawa kerekandongo nohana hoka awa hakahukire muthiyendo thokutanga nona wanine eshi hatjangamo wano. ⁶ Awa ne hohanu homumukunda awa hakahukire kashwagha kughupika, awa ghana shimbire Nebuchadnezzar ghofumu waBabylon noha kahukire kuJerusalem naJuda nokehe yuno kuthitata thagho. ⁷ Awa hakeyire naZerubbabel neJeshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum naBaanah. Thivarero thawa tutughuru wa-Esreali: ⁸ Hana hoka waParosh ne mayovi mawadi nodithere dyofotji nomakumi kwoko-wadi nohanu hawadi. ⁹ Hana hoka waShephatiah ne mathere mahatu nohanu makumi makwoko-wadi nohanu hawadi. ¹⁰ Hana hoka wa-Arah ne mathere kwoko-fotji nomakumi kwoko nohanu hawadi. ¹¹ Hana hoka wa-Pahath-Moab mwa Jeshua naJoab ne mayovi mawadi nomathere kwoko-hatu nohanu dikumi noha kwoko-hatu. ¹² Hana hoka wa-Elam ne diyovi dyofotji nomathere mawadi nomakumi kwoko nohanu hane. ¹³ Hana hoka waZattu ne mathere kwoko-hatu nomakumi mane nohanu hakwoko. ¹⁴ Hana hoka waZaccai ne mathere kwoko-wadi nomakumi kwoko-fotji. ¹⁵ Hana hoka wa Binnui ne mathere kwoko-fotji nomakumi mane nohanu kwoko-hatu. ¹⁶ Hana hoka waBebai ne mathere kwoko-fotji nomakumi mawadi nohanu kwoko-hatu. ¹⁷ Hana hoka wa-Azgad ne mayovi mawadi nomathere mahatu nomakumi mawadi nohanu hawadi. ¹⁸ Hana hoka wa Adonikam ne mathere kwoko-fotji nomakumi kwoko-fotji nohanu kwoko-wadi; ¹⁹ Hana hoka wa Bigvai ne mayovi mawadi nomakumi kwoko-fotji nohanu kwoko-wadi. ²⁰ Hana hoka wa-Adin ne mathere kwoko-fotji nomakumi kwoko nohanu hakwoko. ²¹ Hana hoka wa-Ater mwa Hezekiah ne makumi kwoko-ne nohanu kwoko-hatu. ²² Hana hoka waHashum ne mathere mahatu nomakumi mawadi nohanu kwoko-hatu. ²³ Hana hoka wa Bezai ne mathere mahatu nomakumi mawadi nohanu hane. ²⁴ Hana hoka wa Hariph ne dithere dyofotji nodikumi nohanu hawadi. ²⁵ Hana hoka wa Gibeon ne makumi kwoko nomane nohanu hakwoko. ²⁶ Hatutughuru hoku Bethlehem naNetophah ne dithere dyofotji nomakumi kwoko-hatu nohanu kwoko-hatu. ²⁷ Hana hoka wa Anathoth ne dithere dyofotji nomakumi mawadi nohanu kwoko-hatu. ²⁸ Hana hoka wa Beth Azmaveth ne makumi mane nohanu hawadi. ²⁹ Hana hoka wa Kirjath Jearim, Chephirah naBeeroth ne mathere kwoko wadi nomakumi mane nohanu hahatu. ³⁰ Hatutughuru hoku Ramah naGepa ne mathere kwoko-fotji nomakumi mawadi nomunu yofotji. ³¹ Hatutughuru hoku Michmas ne dithere dyofotji nomakumi mawadi nohanu hawadi. ³² Hatutughuru hoku Bethel na-Ai ne dithere dyofotji nomakumi mawadi nohanu hahatu. ³³ Hatutughuru hoku Nebo ne makumi kwoko nohanu hawadi. ³⁴ Hana hoka wa Elam ne diyovi dyofotji nomathere mawadi nomakumi kwoko nohanu hane. ³⁵ Hana hoka wa Harim ne mathere mahatu nomakumi mawadi. ³⁶ Hatutughuru hoku Jericho ne mathere mahatu nomakumi mane nohanu hakwoko. ³⁷ Hatutughuru hoku Lod, Hadid na-Ono ne mathere kwoko wadi nomakumi mawadi nomunu yofotji. ³⁸ Hatutughuru hoku Senaah ne mayovi mahatu nomathere kwoko nomane nomakumi mahatu. ³⁹ Hapristeri: Hana hoka waJedaiah {Homu mundhugho dhaJeshua} ne mathere kwoko nomane nomakumi kwoko-wadi nohanu hahatu. ⁴⁰ Hana hoka wa-Immer ne diyovi dyofotji nomakumi kwoko nohanu hawadi. ⁴¹ Hana hoka waPashhur ne diyovi dyofotji nomathere mawadi nomakumi mane nohanu kwoko nohawadi. ⁴² Hana hoka wa Harim ne diyovi dyofotji nodikumi nohanu kwoko-nohawadi. ⁴³ HaLevite: Hana hoka waJeshua, kupitera mohana hoka wa Kidmiel mwawa tukuru waHodaviah ne makumi kwoko nomawadi nohanu hane. ⁴⁴ Hembithi: hana hoka wa-Asaph ne dithere dyofotji nomakumi mane nohanu kwoko nohahatu. ⁴⁵ Hakungi makorogho: Hana hoka waShallum, hana hoka wa-Ater, Hana hoka waTalmon, Hana hoka wa-Akkub, Hana hoka waHatita nohana hoka waShobai ne dithere dyofotji nomakumi mahatu nohanu kwoko nohahatu. ⁴⁶ HaNethinim; Hana hoka waZiha, Hana hoka wa Hasupha, Hana hoka waTabbaoth, ⁴⁷ Hana hoka wa Keros, Hana hoka wa Sia, Hana hoka wa Padon, ⁴⁸ Hana hoka wa Lebana, Hana hoka wa Hagaba, Hana hoka waShalmai, ⁴⁹ Hana hoka waHanan, Hana hoka wa Giddel , Hana hoka wa Gahar. ⁵⁰ Hana hoka waReaiah, Hana hoka waRezin, Hana hoka Nekoda, ⁵¹ Hana hoka wa Gazzam, Hana hoka wa-Uzza, Hana hoka waPaseah, ⁵² Hana hoka waBesai, Hana hoka waMeunim, Hana hoka waNephusim. ⁵³ Hana hoka waBakbuk, Hana hoka waHakupha, Hana hoka waHarhur, ⁵⁴ Hana hoka waBazluth, Hana hoka Mehida, Hana hoka waHarsha, ⁵⁵ Hana hoka waBarkos, Hana hoka waSisera, Hana hoka waTemah, ⁵⁶ Hana hoka wa Neziah, Hana hoka wa Hatipha. ⁵⁷ Hana hoka ghohapika Salomon: Hana hoka waSotai, Hana hoka waSophereth, Hana hoka waPerida, ⁵⁸ Hana hoka waJaala, Hana hoka waDarkon, Hana hoka wa Giddel, ⁵⁹ Hana hoka waShephatial, Hana hoka waHattil, Hana hoka waPokereth-Hazzebaim, Hana hoka wa Amon. ⁶⁰ Waheya haruwani homungirishe nohana hoka ghohapika Salomon ne mathere mahatu nomakumi kwoko nomane nohanu hawadi. ⁶¹ Awa ne hoha tutughuru awa haka shwayire kuTel Melah, Tel Harsha, Cherub, Addon na-Immer ene mbadi hana konine kudimuka maghumbo ghawa wihawo noha kerekandongo wagho eshi nagho haka Esreali endi ngepi. ⁶² Hana hoka wa Delaiah, Hana hoka wa Tobiah nohana hoka wa Nekoda ne mathere kwoko-fotji nomakumi mane nohanu hawadi. ⁶³ Hapristeri: Hana hoka waHabaiah, Hakkoz naBarzillai, oyu ghayekire mbuyama ghomwana Barzillai ghoku Gileadite noha mwithire padina dyawa kamuyekero wendi. ⁶⁴ Awa ne hakondjire hashane patjangwa powano hatjangire kukutha mwawa tukuru wagho ene mbadi hawa wanine po; Yodiyo hawa shwayithire patjangwa dhawa pristeri pamurandu eshi hawa monine keho eshi hanyata. ⁶⁵ Nanguvuru ne ghaghambire kukwagho eshi; Mbadi hakona kudya yokupongoka thikuma kate mupristeri hakuwane maghano ku-Urim naThummim. ⁶⁶ Mbunga dhodhiheya kudhipakerera ne mayovi makumi mane nomayovi mawadi nomathere mahatu nomakumi kwoko-fotji. ⁶⁷ Kuwedherera po hapikagho hotutughuru noho hambuyama ne mayovi kwoko-nomawadi nomathere mahatu nomakumi mahatu nohanu kwoko-nohawadi. Hakarire nohembithi hoha tutughuru noho hambuyama ne mathere mawadi nomakumi mane nohanu kwoko. ⁶⁸ Tukambe twagho ne mathere kwoko nomawadi nomakumi mahatu notukambe kwoko-nokofotji. Murutiya {Tumoghure} twagho ne mathere mawadi nomakumi mane notukwoko. ⁶⁹ Ngameno dhagho ne mathere mane nomakumi mahatu nongameno dhikwoko noyidongi yagho ne mayovi kwoko-fotji nomathere kwoko nomawadi nomakumi mawadi. ⁷⁰ Ghamweya manduraghumbo ne ghatapire maghushwi kuyiruwana. Nguvuru ne ghatapire masherenyi ghokukuma kudiyovi dyofotji dyoNgorondo, yindeyi-ndeyi makumi kwoko noyishupata yawa pristeri mathere kwoko nomakumi mahatu. ⁷¹ Manduraghumbo ghamweya ne ghatapire mayovi makumi mawadi ghoNgorondo nomayovi mawadi nomathere mawadi ghoSiliveri. ⁷² Hokuthiyara ko ne hatapire mayovi makumi mawadi ghoNgorondo nomayovi mawadi ghoSiliveri nomakumi kwoko-no dyofotji noyishupata yawa pristeri nokwoko-noyiwadi. ⁷³ Yodiyo hapristeri, Ha levite, hakungi makorogho, hembithi, hanu hamweya, haruwani homutembeli no ha Esreali waheya awa hatungire muyitata yagho. Mukaghonda koghukwoko noko ghuwadi ne ha-Esreali ghomuheya ghana hungumana muyitata yagho.