¹ Awa ne haPristeri nawa Levite awa hakeyire naZerubbabel ghomwana Shealtiel naJeshua: Seraiah, Jeremiah, Ezra, ² Amariah, Malluk, Hattush, ³ Shekaniah, Rehum naMeremoth. ⁴ Iddo, Ginnethon, Abijah, ⁵ Mijamin, Moadiah, Bilgah, ⁶ Shemaiah, naJoiarib, Jedaiah, ⁷ Sallu, Amok, Hilkiah naJedaiah. Awa ne hapiterithi wawa pristeri nawa yendhagho mumayuwa ghaJeshua. ⁸ HaLevite ne Jeshua, Binnui, Kadmiel, Sherebiah, Juda, naMattaniah, mupiterithi ghomembo ghomatumero nawa yendhendi. ⁹ Shime karo naBakbukiah na-Unni nawa yendhagho ne hemanine mutara ghumweya ruvedhe romandapero. ¹⁰ Jeshua ne wiha Joiakim, naJoiakim ne wiha Eliashib, na-Eliashib ne wiha Joiada, ¹¹ Joiada ne wiha Jonathan naJonathan ne wiha Jaddua. ¹² Mumayuwa gha-Joiakim, haPristeri, hamanduraghumbo: Meraiah ne mupiterithi ghodidhiko dyawa Seraiah naHananiah ne mupiterithi ghodidhiko dyawa Jeremiah, ¹³ Meshullam ne mupiterithi ghodidhiko dyaka-Ezra, Jehohanan ne mupiterithi ghodidhiko dyaka Amariah, ¹⁴ Jonathan ne mupiterithi wawa Malluk naJoseph ne mupiterithi ghodidhiko dya-Shebaniah. ¹⁵ Adna ne mupiterithi ghodidhiko dya Harim, Helkai ne mupiterithi ghodidhiko dyaMeraioth, ¹⁶ Zechariah ne mupiterithi ghodidhiko dya-Iddo, Meshullam ne mupiterithi ghodidhiko dya-Ginnethon ¹⁷ naZkri ne mupiterithi ghodidhiko dya-Abijah; Piltai ne mupiterithi ghodidhiko dya-Minjamin naMoadiah. ¹⁸ Shammua ne mupiterithi ghodidhiko dya-Bilgah, Jehonathan ne mupiterithi ghodidhiko dyaShemaiah, ¹⁹ Mattenai ne mupiterithi ghodidhiko dyaJoiarib, Uzzi ne mupiterithi ghodidhiko dyaJedaiah, ²⁰ Kallai ne mupiterithi ghodidhiko dyaSallai, Eber ne mupiterithi ghodidhiko dya-Amok, ²¹ Hashabiah ne mupiterithi ghodidhiko dya-Hilkiah, Nethanel ne mupiterithi ghodidhiko dyaJedaiah. ²² Mughuraghuri waDarius fumu wawa Persian, mbudhi dhawa Levite nawa Pristeri awa hakarire hapiterithi ne dhapwire kupungura patjangwa, mumayuwa gha-Eliashib, Joiada, Johanan naJaddua. ²³ Hana hotutughuru waLevi, awa hakarire hamanduraghumbo kate mumayuwa ghaJohanan ghomwana Eliashib, hayi tjangire mumbapira dhoyithimwetwedha. ²⁴ Nohapiterithi wawa Levite ne; Hashabiah, Sherebiah naJeshua, awo ne hana hotutughuru waKadimiel, nawa yendhagho muthambo muya mukutapa makughero nomatumero, mbunga dhokukupa marufo kukutha kumarawero ghaDavid, katughuru waNyambi. ²⁵ Mattaniah, Bakbukiah, Obadiah, Meshullam, Talmon na-Akkub, awa ne hakungi makorogho ghokumangonda ghomapungwero. ²⁶ Awo ne haparire mumayuwa ghaJoiakim ghomwana Jeshua, mwana Jozadak nomu mayuwa ghaNehemiah ghonguvuru na-Ezra ghamu pristeri nomu kamarukwaro. ²⁷ Kumatungekero ghoditete dyomawe dyaJerusalem, hanu ne hashanine haPristeri kokuheya oku hatungire mukawareta kuJerusalem noha shogherere matungekero noyishamberera, nomatumero nomumembo, noyishika yokukutjaka-tjaka. ²⁸ Hana hotutughuru wawembithi ne hapongire pofotji kudhingumwetwedha Jerusalem kutunderera kumikunda dhawa Netophathite. ²⁹ Kutunderera kundhugho dhaGilgal, nokutunderera kudipya dyaGeda na-Azmaveth; Hembithi ne hatendire mandhugho ghagho kudhingumwetwedha Jerusalem ghomuheya. ³⁰ Ndani ha Pristeri noha Levite ne haku kenithire hathinda, noha kenithire hanu waheya, noha kenithire makorogho noditete dyomawe. ³¹ Yodiyo, naretire hapiterithi waJuda kuditete dyomawe nonatorore mambunga ghawembi mawadi ghongcamu ghokutapa matumero. Mbunga dhimweya ne dhayendire kurudyo roditete kutamba kuDikorogho dyamamwaghero. ³² Munyima dhagho ne ghayendire Hoshaiah mukwaterimo wawa piterithi waJuda, ³³ Munyima dhendi ne Azariah, Ezra, Meshullam, ³⁴ Judah, Benjamin, Shemaiah, Jeremiah, ³⁵ nohana wawa pristeri hotutughuru ne hayendire nomarumbendo, Zechariah ghomwana Jonathan, mwana Shemaiah, mwana Mattaniah, mwana Michaiah, mwana Zaccur, mwana Asaph. ³⁶ Hayendhendi hamweya ne Shemaiah, Azarel, Milalai, Gilalai, Maai, Nethanel, Judah, na Hanani noyishikitha ya-David katughuru waNyambi na-Ezra ghomukamarukwaro ne ghayendire paghutho dhagho. ³⁷ Apa dyakarire Dikorogho dyoThiviya eshi paghutho dhagho didi ne, hadhinine pandhira dhokuyeyuka kutamba kuthitata tha-David, pandhira dhokudhina paditete dyomawe, kapiterera ndhugho dha-David kate kudikorogho dyomeyu kudiva. ³⁸ Mbunga dhimweya dhomembo ghomatumero ne dhayendire kurumoho nona karire munyima dhagho nohanu hamweya paditete dyomawe, kapiterera mushoke wa-Ovens kate kuditete dyodiyaghuyu. ³⁹ Nopawiru dhoDikorogho dya-Ephraim, pawiru dhoDikorogho dyokare, pawiru dhoDikorogho dyoThi, kumushoke wa-Hananel, mushoke wawa Dithere, kate kuDikorogho dyoNdjwi, noha kemanine kuDikorogho dyokashitiko. ⁴⁰ Yodiyo, mambunga mawadi ghokwimba matumero ghemanine mundhugho dhaNyambi, name nodihenda dyawa raghuri ne twemanine pamango ghetu. ⁴¹ Noha Pristeri yira Eliakim, Maaseiah, Minjamin, Michaiah, Elioenai, Zechariah, na-Hananiah ne hemanine nomatorombita. ⁴² Shime karo hembi ha-Maaseiah, Shemaiah, Eleazar, Uzzi, Jehohanan, Malchijah, Elam, na-Ezer ne hembire nomaywi ghomakuru na-Jezrahiah ne mupiterithi wagho. ⁴³ Ndani karo mudiyuwa di ne hatupure ndupu dhodhingi noha shamberere, Nyambi ne Ghawa shambererithire thikuma; hambuyama nohanuke ne nagho hashamberere, yodiyo eshi yishamberera ya-Jerusalem ne hayiyuvire kokayenda. ⁴⁴ Muruvedhe roro, hamweya ne hawa torore hapiterithe ndhugho dhomapungwero ghomuyambo, mukesho ghokutanga ghombuyo, thofotji kudikumi, mukaghongawedha yinu yi kushwagherera mumapya ghoyitata yokukutjaka-tjaka dihenda dyoyi haturapo pamuragho wawa pristeri nawa Levite; Juda ne ghashambererire kwawa Pristeri nawa Levite awa hayi ruwanine. ⁴⁵ Waheya hembi noha kungi makorogho ne hakumithiremo yitumbukera eyi ghawapa Nyambi wagho, nothitumbukera thokukukenitha, kukutha kumarawero gha-David na-Salomon ghomwanendi. ⁴⁶ Mumayuwa gha-David na-Asaph, awo ne hakarire hapiterithi ghohembi waheya, hembithire membo ghomakuyero nogho matumero kwaNyambi. ⁴⁷ Mumayuwa gha-Zerubbabel nomumayuwa gha-Nehemiah, Esreali ghomuheya ne ghatapire dihenda kwawembi noha kungi makorogho, dihenda di mukehe diyuwa. Nagho haku pongwedhere yinu yokupongoka yawa Levite, noha Levite ne nagho hayi royithere hana Aaron.