¹ Hapiterithi wawanu ne hatungire muJerusalem nohanu hokuthiyarako ne hatorore yofotji mohanu dikumi ghakuna tunge muJerusalem, thitata thokupongoka; nohanu kwoko-nohane ne hakatunge muyitata yimweya. ² Hanu wa ne hafiyere hatutughuru awa hakudjambere katunga muJerusalem. ³ Agha ne manduraghumbo agha ghatungire muJerusalem. Ngambi kemo, muthitata thaJuda ne kehe yu ghatungire paghushwi wendi, naJerusalem kemo; HaPristeri, haLevite, haruwani homungirishe nohana hoka wohapika Salomon. ⁴ Mu-Jerusalem namo ne hatungiremo hana hoka waJuda nohana Benjamin. Hana Juda ne; Athaiah mwana Uzziah, mwana Zechariah, mwana Amariah mwana Shephatiah, mwana Mahalalel, mohana hoka wa-Perez. ⁵ Maaseiah mwana Baruch ghomwana Kol-Hozeh ghomwana Hazaiah ghomwana Adaiah ghomwana Joiarib ghomwana Zechariah, hana hoka wa-Shelah. ⁶ Hana hoka waheya wa-Perez awa hatungire muJerusalem ne mathere mane nomakumi kwoko-nodyofotji hanu kwoko-nohahatu. Awo ne handwarume. ⁷ Awa ne hana Benjamin: Sallu ghomwana Meshullam, mwana Joed, mwana Pedaiah, mwana Kolaiah, mwana Maaseiah, mwana Ithiel, mwana Jeshaiah; ⁸ Munyima dhendi Gabbai na-Sallai ne hatutughuru mathere kwoko nomane nomakumi mawadi nohanu kwoko-nohahatu. ⁹ Joel ghomwana Zichri ne mukuru wawo naJuda ghomana Senuel ne mwanuke wendi muthitata. ¹⁰ Hapristeri: Jedaiah ghomwana Joiarib naJachim; ¹¹ Seraiah ghomwana Hilkiah, mwana Meshullam, mwana Zadok, mwana Meraioth, mwana Ahitud no aye ne mupiterithi mundhugho dhaNyambi. ¹² Hayendhagho awa haruwanine nagho mungirishe ne mathere kwoko nomahatu nomakumi mawadi nohatutughuru hawadi, pofotji na-Adaiah ghomwana Jeroham, mwana Pelaliah, mwana Amzi, mwana Zechariah, mwana Pashhur, mwana Malchijah. ¹³ Hayendhagho ho hamanduraghumbo ne mathere mawadi nomakumi mane nohatutughuru hawadi; Amashai ghomwana Azarel, mwana Ahzai, mwana Meshillemoth, mwana Immer. ¹⁴ Nohayendhagho, hatutughuru hongcamu hoku Valor, waheya ne dithere dyofotji nomakumi mawadi nohatutughuru hakwoko nohahatu. Mupiterithi wagho ne Zabdiel mwana wayofotji pawa mandwarume. ¹⁵ Ha Levite: Shemaiah ghomwana Hasshub, mwana Azrikam, mwana Hashabiah, mwana Bunni; ¹⁶ Shebbathai naJozadab ne hapiterithi wawa Levite nohodiyo hapiterithire karo yiruwana yopanunda dhondhugho dhaNyambi. ¹⁷ Matttaniah ghomwana Micha, mwana Zabdi, mwana Asaph, mupiterithi yu ghatamekire nondapero dhomatumero; Bukbukiah ne yoghuwadi mwawa yendhendi na-Abda ghomwana Shammua, mwana Galal, mwana Jeduthun. ¹⁸ HaLevite waheya muthitata thokupongoka ne mathere mawadi nomakumi kwoko nomakumi mahatu nohanu hane. ¹⁹ Hakungi makorogho: Akkub, Talmon, nawa minagho awa hakungire makorogho ne dithere dyofotji nomakumi kwoko nomawadi nohatutughuru hawadi. ²⁰ Noha Esreali waheya, haPristeri nawa Levite ne waheya hatungire muyitata yaJuda nokehe yu ne ghatungire padyango edi ghapingire. ²¹ Ene haharuwani homungirishe ne hatungire mu-Ophel, Ziha naGishpa, mango gha ne ghakarire munyara dhawa ruwani mungirishe. ²² Mupiterithi wawa Levite muJerusalem ne Uzzi ghomwana Bani, mwana Hashabiah, mwana Mattaniah, mwana Micha, mwana Asaph, hembithi muyiruwana yomundhugho dhaNyambi. ²³ Pakarire marawero ghafumu kuhatera dyango edi haroghere kutapa kwawembithi, dihenda dyadyo mukehe diyuwa. ²⁴ Pethahiah ghomwana Meshezabel, hana hoka wa-Zerah ghomwana Juda, aye ne ghakarire mwanuke wafumu pathiruwana kuhatera hanu waheya. ²⁵ Mukunda nomapya ghagho, hamweya hanu homu Juda ne muKiriah Arba nomikunda dhimweya moha tungire, hamweya ne Dibon nomu mikunda dhamo, nohamweya ne muJekabzeel nomikunda dhamo. ²⁶ Nomango yira Jeshua, Moladah, Beth Pelet, ²⁷ Hazar Shual, naBeersheba nomikunda dhamo. ²⁸ Hamweya hanu homu Juda ne hatungire muZiklag, Mekonah nomikunda dhamo, ²⁹ En Rimmon, Zorah, Jarmuth, ³⁰ Zanoah, Adullam, nomikunda dhamo, muLachsh nomapya ghamo no mu-Azekah nomikunda dhamo. Awo ne hatungire kutunderera ku-Beersheba kate kumuronga waHinnom. ³¹ Shime nohana hoka waBenjamin ne hatungire muGeba, Mikmash, Aija, Bethel, nomu mikunda dhamo, ³² Anathoth, Nob, Ananiah, ³³ Hazor, Ramah, Gittaim, ³⁴ Hadid, Zeboim, Neballat, ³⁵ Lod, Ono, naHarashim. ³⁶ Hamweya haLevite hatungire muJuda ne mwaBenjamin hakarire