¹ Ture dipori kukanwa kayo, Mbogha neya yira n'wanyi kwiya gharwithe Fumu Nyambi, pamurandu eshi hatjora makuyuvero ghange nagho. Nokutjora muragho Wange. ² Esreali mboghana direra kukwange; "Nyambi wange nakudimuka!" ³ Esreali ne ghanyatha maghuwa nomunyathi ne mboghana mukuthu. ⁴ Awo ne kuturithapo mafumu ene mbadi pamahimeno Ghange; awo ne kuturithapo mafumu ghana ene mbadi nawa dimuka Me. Siliveri noNgorondo wagho ne kutendithako yitjwandjo, podiyo eshi hayitete ko. ⁵ Ndana ghoye ne Namushwena, owe Samaria! Ghupata wange ne ghuna tamba kwawanu. Norure rokukuma kupi shoha pire matjwathaneno? ⁶ Kutunderera ku-Esreali hayitendera, yiruwana yonyara mbadi Nyambi; Ene ndana wa-Samaria ne mboghana pu kutetaghura yipindhi yipindhi. ⁷ Awo ne hakunine mupepo nokakesha kakundu-kundu. Dithina dyothitondo thokupira mahako ghomapya, mbadi mbogha yangura yidya. Ngeshi ghakuyangure, hamutundakure ne mbohana yi yipitha. ⁸ Esreali ne ghapwa kungambwathana; Awo ne mwawa hayidena hadi, yira yiruwanitha eyi yina piri maghuwa. ⁹ Hapita ku-Assyria, noyira mbi ghomumuthitu pithendi no papendi thinda. Ephraim ne gharuwera hahakwa wendi. ¹⁰ Kemo, ngambi kenge eshi kwawa ruwera mumatunga; Pano keho ne mbona waghongawedha nombohana diri kapupi kamanana, pamurandu gho muremenena wafumu nawa mafumu ghana. ¹¹ Pamurandu eshi Ephraim ne ghatenda yinyaku yomaharwero yoyingi ene yana kara keho eshi yinyaku yokutendera maharwero. ¹² Namutjangera yinu yishokuru kuhatera muragho Wange ene hayishimbire yinu yokuyapitha. ¹³ Kuyiruwana yokutupura muyambo, awo ne kutupura nyama nokumudya ene Fumu Nyambi ne mbadi wakukona Ghayitambure. Aye mboghana vuruka maharwero ghagho nokuwahumbitha pamurandu wagho. Hakona kuhuka ku-Egyptena. ¹⁴ Esreali ne ghavurama Yu ghamumba, nokatenda mangirishe; Juda naye ne ghadi noyitata yoyingi ene mbona tumu mudiro payitata yendi nomboghuna tumeka mbara dhendi.