Chaandano 72 84
8
Takukwe umwi wezyanisya nduwe akati kabaleza, Mwami. Takukwe zichito zilimbuli zichito zyako.
9
Zisi zyoonse nziwakabumba ziyosika akukukotamina kunembo lyako, Mwami. Bayolemeka izina lyako.
10
Nkambo uli mupati alimwi uchita zintu zigambya; webo biyo uli Leza.
11
Ndiyiisye inzila zyako, Jehova. Eelyo ndinoyeenda mukasimpe kako. Jatanisya moyo wangu kuti ukulemye.
12
Mwami Leza wangu, Leza wangu, ndiyokudundiizya amoyo wangu woonse; ndiyolemya zina lyako kwalyoonse.
13
Nkambo chizuminano chako nchipati chili syomekede; wakavuna buumi bwangu kuzwa kunikide nikide kulufu.
14
Leza, basikamikami bandibukila. Kabunga kabalumi bapilingene bayanduula buumi bwangu. Takwepe nibakuyeeya.
15
Pesi webo, Mwami, uli Leza siluse asiluzyalo, utafwambani kunyema, alimwi siluyando lutamani alimwi ulisyomekede.
16
Chengunukila kuli ndime akuba aluse alindime; mupe nguzu mulanda wako; futula mwana mulombe wamulanda wako mwanakazi.
17
Nditondezye chitondezye chakundiyanda. Eelyo aabo bandisula bayochibona mpawo bakafwisigwe bweeme nkambo webo Jehova, wakandigwasya mpawo akundumbulizya.