² Muzuba lyamapenzi aangu njoyanduula mwami; mansiku ndatambika maboko aangu, alimwi takoyo kkatala. Muuya wangu wakkaka kumbulizigwa. ³ Ndayeya Leza nendali kutanawukaa; Ndayeeya ataala anguwe nindakomena chabuuya. Sela ⁶ Chiindi chamansiku ndakayeeya mumizezo lwiimbo ndundakimbiide. Ndakayeya akuchenjelesya akweezya kumvwisisya chakachitikide. ⁷ Nkubona Mwami ulandikakila limwi? Ngatakozonditondezya lubo na choolwe? ⁸ Sa chizuminano chakwe chisyomekede cheendela aatu? Kuti chisyomezyo chakwe chakachila na? ⁹ Kuti Leza waluba kufwa buuya? Kuti kunyema kwakwe kwajala luse lwakwe? Sela ¹⁰ Ndakati, ''Ooku nkokufwa bweeme: kusanduka kwa boko kwachilisyo kwa Mupati Kampatila atala andiswe.'' ¹¹ Pesi njoyibaluka mumizezo inchito zyangu, Jehova; Njoyeesya ataala amilimo mibotu yachiindi. ¹² Njobikka milimo yoonse alimwi iyolibonia. ¹³ Inzila yako, Leza, ilasalala; nguuli leza ngonga ulezyanisya a Lezamupati? ¹⁴ Nduwe Leza uchita zigambyo; watomdezya nguzu akkati kabantu. ¹⁵ Wakapa bantu bako kuzunda changuzu zyako mpati -ilunyungu lwa Jakkobbu alwa Jozefu. Sela ¹⁶ Imanzi akakubona webo, Leza; imanzi akakubona alimwi akakuyoowa; ibulamfu mbwakakankama. ¹⁷ Mayoba akatila manzi aansi; imayoba akujulu akapa ijwi; imivwi yakali kwendeenda. ¹⁸ ljwi lyamuzuzumo lyakuvwikka muuwo; Indabo akamunika nyika; inyika yakateketa akukankama . ¹⁹ Inzila yako yakiinda mulwizi anzila yako yakiinda mumanzi malamfu, pesi maanu aako takalikuboneka pe. ²⁰ Wakeenzya bantu mbuli butanga mumaboko a Mozesi a Aaloni.