⁴ Nkambo kaluyando lwangu bandibejelezya, pele ndabakombela. ⁵ Bandibwedezezya bubi kububotu, alimwi basula luyando lwangu. ⁶ Bikka muntu mubi atala abasinkondo mbuli aaba bantu; bikka sikubejelezya ayime kukuboko kwakwe kwakuchilisyo chakwe. ⁷ Eelyo nabetekwa, ngajanwe amulandu; inkombyo yakwe ngayibe abubi. ⁸ Mazuba akwe ngaacheye; alimwi umwi ngabweze busena bwakwe. ⁹ Bana bakwe ngababule wisi, abakkazi bakwe ngababe mukamufu. ¹⁰ Bana bakwe ngababe basimutuntuli nkabayobukkumbila, nkabayo bukkumbilila zyakupegwa nkabasiya munzi wabo tongo. ¹¹ Sikukweleta ngabweze zyoonse nzyalazyo; beenzu ngababweze nzyafola. ¹² Kutabi utondezya luzyalo kulinguwe; kutabi muntu ufwida luzyalo bana bakwe batachikwe wisi. ¹³ Lunyungu lwakwe ngalulobe, mazina aabo azimwe kuzyalane litobela. ¹⁴ Milandu yabasikale bakwe ngiyambwe kuli Jehova; amilandu yabanyina italubwi. ¹⁵ Milandu yabo ngayibe kunembo lya Jehova; Jehova ngazime kuyeegwa kwabo munyika. ¹⁶ Jehova ngachite eezi nkambo muntu oyu takalikkatazya kukutondezya chizuminano chisyomekede, pele wakapenzya badyamizigidwe, babulide, abatyompeledwe kufwa. ¹⁷ Wakayanda kutuka; ngalubole kulinguwe. Wakasula kulongezegwa; kutabi chilongezyo chiza kuli nguwe. ¹⁸ Wakalizwatika lutuko mbuli chikobela chakwe, alutuko lwakwe lwakanjila mukati kakwe mbuli maanzi, mbuli mafuta mukati kamafuwa aakwe. ¹⁹ Lutuko lwakwe ngalube mbuli zikobela zizwatwa kukulivumba, mbuli lutambo ndwalyanga kwalyoonse. ²⁰ Eechi ngachibe chaabilo chabasikundibejelezya kuzwa kuli Jehova, abo baamba zintu zibi aatala ambebo. ²¹ Jehova Leza wangu, ndichitile chaluzyalo nkambo kazina lyako. ²² Nkambo chizuminano chako chisyomekede nchibotu, ndivune nkambo ndidyamizigidwe alimwi alimwi ndibulide, amoyo wangu uleechilonda muli ndime. ²³ Ndiyobumana mbuli mwenzule wagolezya; ndatapuulwa mbuli nsozi. ²⁴ Mazwi aangu awizuka nkambo kakulyiimya kulya, Ndasyala chikumba amafuwa. ²⁵ Ndaba chisampu abasikundi bejelezya; elyo nibandibona, batikinya mitwe yabo. ²⁶ Ndigwasye, Jehova Leza wangu; ndivuna achizuminano chako chisyomekede. ²⁷ Ngabazibe kuti oku nkuchita kwako, kuti iwebo Jehova, nduwe wazichita ezi. ²⁸ Nikuba banditukila mebo, ikaka ndilongezye, nibandibukila, abawusigwe bweme; pele muzike wako ngabotelwe. ²⁹ Basinkondoma ngabasamikwe bweeme; abasame bweme bwabo mbuli chikobela. ³⁰ Amulomo wangukondipa kulumba kupati kuli Jehova; Ndiyomutembawula akkati kama bbunga. ³¹ Nkambo uyoyima kukuboko kwakuchilisyo kumuchete, kumuvuna kuli babo bamubeteka.