¹ Mpakkala kuti alye amwendelezi, langisisya loko zilikenembo lyako, ² ulyiinge kafulo na koli muntu uyandisya kulya. ³ Uteemuzyi zinono noyolya, nkaambo nkulya kwakubeja. ⁴ Utabeleki changuzu kuti ujane buvubi; baa busongo bwakuziba akulekela. ⁵ Menso ako ayomweka alinzizyo na? zinoli zyiinka , nkaambo nchobeni chilaba amababa mbuli sikwaze uwulukila kujulu. ⁶ Utalyi chakulya chamuntu ulaaliso bbi- alimwi utemuzyi zinono zyakwe, ⁷ nkambo nguumwi wabaalumi balanga muulo wachakulya. ''Lya unywe!'' mbwatatwambile, pesi moyo wakwe tuwope alinduwe. ⁸ Uyoluka ziche nziwalya alimwi unoli wasowa biyo majwi aako mabotu. ⁹ Uutambuli chifubafuba kachuumwide, nkambo chiyonyanyisya busongo buli mumajwi ako. ¹⁰ Utasunzululi mugaano wachiindi naa kunjila mumuunda wabamuchaala, ¹¹ nkambo mufutuli wabo ujisi nguzu uyoyiminina kaambo kabo. Uyoluka ziche nziwalya alimwi unoli wasowa biyo majwi aako mabotu. ¹² Uutambuli chifubafuba kachuumwide, nkambo chiyonyanyisya busongo buli mumajwi ako. ¹³ Utaleki kunolaya mwana, nkambo kuti wamuzyotolola, takoofwa pe. ¹⁴ Nduwe uyelede kumuuma amusako ufutule muuya wakwe kuzwa kulufu. ¹⁵ Mwanangu, kuti moyowako kuli abusongo, moyo wangu awulawo uyokondwa; ¹⁶ njokondwa kapati kuti milomo yako yakwambuula ziluleme. ¹⁷ Utaleki moyowako uyemuzye basizibi, pesi yinkilila kunembo akuyoowa Jehova izuba lyoonse. ¹⁸ Nchobeni kuli lyejunza alimwi bulangizi bwako tabukoyonunsulwa pe. ¹⁹ Swilila--webo!--mwanagu, ube abusongo alimwi ululamike moyo wako munzila. ²⁰ Utalyidilani abachankoolwa nakuti akati kamadyanyama, ²¹ nkambo bachankoolwa adyanyama baluba bachete alimwi butolo buyobasamika zidelukide. ²² Swilila wuso iwakakuzyala alimwi utanyansyi banyoko mubuchembele. ²³ Wula lusinizyo, pesi utakaluuzyi; wula busongo, ilulayo, akumvwisisisya. ²⁴ Wisi wamululami uyobotelwa loko, alimwi oyo ujana mwana uyokondwa mulinguwe. ²⁵ Botezya wuso abanyoko alimwi chita kuti ooyo wakakuzyala akondwe. ²⁶ Mwanangu, ndipe moyo wako alimwi chita menso ako abone nzila zyangu. ²⁷ Nkambo sibwamu ndidindi libbila alimwi simamambi mugodi umanikide. ²⁸ Ukkala kateyede mbuli babba alimwi uyungizya bapilingene akati kabantu. ²⁹ Ngwani ulabuusu? Ngwani ulamibunda katakwe kaambo? Ngwani ulamenso asalala? ³⁰ Mbaaba bakkalilila bukkande, abo beezya bukkande buvwelene. ³¹ Utalangi bukkande mbubusalala, nibwebeka munkomesi, kabuselela kabotu. ³² Kumamanino bulaluma mbuli nzoka alimwi bulazapula mbuli chipile. ³³ Menso aako ayobona zintu ziyosya alimwi mooyowako uyowambuula zipilingene. ³⁴ Uyooba mbuli aabo boona mulwizi na kasamu kandembela. ³⁵ ''Nduumwa,'' mbutakambe, ''Pesi tendalichisa pe. Banduuma, pesi takwe nchindamvwa. Ndilabuka lili? Ndilayandula chakunywa chiimbi.''