¹ Izina bbotu lweelede kusalwa kwiinda buvubi bwiingi alimwi choolwe nchibotu kwiinda nsiliva angolide. ² Ibachete abavubi baleendeleni kuleezi - Jehova mulengi wabo boonse. ³ Mwaalumi uuchenjede ubona penzi alimwi ulaliyuba, pesi uutakwe luzibo uliinkilila kunembo akuoenzegwa andilyo. ⁴ Bulumbu bwakulifwiinsya akuyowa Jehova mbuvubi, kulemekwa abuumi. ⁵ Mwaamvwa atukole tuliteedwe munzila yabapilingene; kufumbwa uubamba buumi bwakwe uyofutulwa kulinzizyo. ⁶ Yiisya mwana inzila njayelede kweenda aayo aazokomena takozoozwa pe mululayo oolo. ⁷ Bavubi beendelezya bachete alimwi ooyo uucheneka muzike kuli oowo uumucheneka. ⁸ Ooyo uubyala kutabeteka kabotu uyotebula mapenzi alimwi musako wabukkali bwakwe uyomaninina. ⁹ Ooyo waaba uyolongezegwa, nkaambo waaba chinkwa chakwe abachete. ¹⁰ Tanda sikusampawula, alimwi nkondo iyomana, akutamvwanana azisapi zilamana.'' ¹¹ Ooyo uyanda moyo uusalala uulatwaambo twaluzyalo, uzooba mwenzinyina wamwami. ¹² Menso aaJehova alilangide luzibo, pesi ulasowa majwi aabapilingene. ¹³ Imukandu ulaamba kuti, ''Kuli mulavu munzila! Ndiyojiigwa mumusena.'' ¹⁴ Imulomo wasibwaamu ndidindi libbila; akunyema kwaJehova ngakwaba aatala awoyo uwida mulindilyo. ¹⁵ Bufubafuba bulaangwa mumoyo wamwana, pesi musako walulayo ulabutanda. ¹⁶ Ooyo udyamizya bachete kuti ayungizye buvubi bwakwe, na kuti ape bavubinyina uzooba muchete. ¹⁷ Chenjekezya matwi aako, uswiilile majwi aabasongo, bika moyo wako kuluzibo lwangu, ¹⁸ nkaambo nchinooli nchibotu kuti ubambe majwi aangu mulinduwe na woonse alibambidwe amilomo yako. ¹⁹ Kuti lusyomo lwako lukabe muliJehova, ndilikwayisya sunu kulinduwe - nikuba kulinduwe. ²⁰ Tendakakulembela na maambilambali aali makkumi aatatu aalulayo aluzibo, ²¹ kuti ndikuyiisye kasimpe mumajwi aasyomekede, kuti ukape nsandulo isyomekede kuli baabo bakakutuma? ²² Utabbidi muchete nkaambo muchete, na kuuma bapengede aamulyango, ²³ nkaambo Jehova uyoyiminina kaambo kabo, alimwi uyobabbida buumi aabo bakababbida. ²⁴ Utachiti buzolwane amuntu weendelezegwa akunyema alimwi towelede kweenda awoyo uukalala, ²⁵ nkaambo ulayiya zibi zyakwe ulyangilile mukakole ²⁶ Utabi ooyo uupachitondeezyo aawo nakonka, na ooyo usyomezya kuliya zyakuchenekwa abamwi. ²⁷ Kuti kotakwe zyakuliyisya niinzi zinga zilakachizya umwi muntu kuti agwisye bulo bwako kolede? ²⁸ Utagwisyi ibbwe lyamugaano lyachiindi bamataata bako ndibakabikide. ²⁹ Ulimubwene na mwaalumi uuli aaluzibo kumubeleko wakwe? Uyoyima kunembo lyabaami; takoyoyima kunembo lyabantu biyo pe.