¹ Ibukande bulasampawula alimwi zyakunywa zikola zilapilingania; kufumbwa uleyesegwa azyakunywa talimusongo. ² Ikuyoosya kwamwami kulimbuli kuyasya kwakuvuta kwamwana wamulawu, ooyo umunyemya ulalibisizya mwini. ³ Zipa bulemu kuchija kukkazyania, pesi zyoonse zifubafuba zisotokela mukukazyania. ⁴ Imuntu mutolo talimi muchilimo; uyandula zilyo achindi chakutebula pesi takwe nchayojana. ⁵ Makani alimumoyo wamuntu alimbuli maanzi abbila, pesi muntu ulakumvwisisisya ulayubununa. ⁶ Chiindi chingi muntu ulipekezya kulemeka, pesi ngwani unga ulajanika kasyomekede? ⁷ Imusalali weenda mubusalali, abana bakwe bamutobelezya bayolongezegwa. ⁸ Imwami ukkala achuuno chakwe kalokuchita mubeleko wabasikubeteka, ulamwayisya bubi boon se bulikunembo lyakwe. ⁹ Ngwani unga ulamba kuti, ''Ndabamba moyowangu usalede; Ndisalede kuzwa muzibi zyangu''? ¹⁰ Zipimyo zisiyene azyelesyo zisiyene--zyoonse ulizisulide Jehova. ¹¹ Naba uchikula uzibinkana anchito zyakwe ikuti ulijatana obotu na, akuti uliluleme na. ¹² Imatwi amvwa amenso abona - Jehova nguwakalenga zyonse. ¹³ Utayandisyi koona uzofwaba; jula menso ako mpawo ulajana chakulya chiingi. ¹⁴ ''Zibi, Zibi!'' mbwamba sikuula. pesi asosoloka ulalikankayizya. ¹⁵ Kulinguweamabwe mayandisi miingi, pesi milomo yaluzibo ndibbwe yandisi, ¹⁶ Bweza chikobela chawoyo ukwabilila mweenzu, alimwi uchiliye muchiindi akwabililwa mwanakazi utalilemeki. ¹⁷ Chinkwa chijanwa mulweno nchinono, pesi musule mulomo wazula lubwebwele. ¹⁸ Makanze azwidilizigwa alulayo alimwi busongo bwakulibamba bulayandwa mukuchita nkondo. ¹⁹ Ikuvwiya kuyubununa nsiswa alimwi toyelede kuliswanizya abantu batakkalwinzi amulomo. ²⁰ Ikuti muntu watukila wisi na banyina, alampe lyakwe liyozima akkati kamudima. ²¹ Ilukono lujanwa kufwambana kumamanino ngataluyoboti pe. ²² Utambi kuti, ''Ndizokubwedezya kuchibi eechi!'' Lindila Jehova uyokufutula . ²³ Zyelesyo azipimyo zyaandene zilamusesemya Jehova, nzibi. ²⁴ Inyendo zyamuntu zibambwa a Jehova, ulazimvwisisisya byeni muntu inyendo zyakwe? ²⁵ Nkuliteya kuti muntu wachijanina kuti, ''Echichintu chilasalal,'' alimwi azotalike kuchilingula kaliwakonka kale. ²⁶ Imwami musongo ulapupulula basizibi akubaziya. ²⁷ Imuuya wamuntu ndilampi lya Jehova, lilalingula monse kamoyo. ²⁸ Luyando lwini akusyomeka nzizyo zibamba mwami; chuno chakwe chibambwa aluyando. ²⁹ Bulemu bwabachikula ninguzu zyabo alimwi kweebeka kwabachembeede nimvwi zyabo. ³⁰ Mfayindi ichita chilonda ilagwisya chibi alimwi kumwa kulasalazya mukati kamoyo.