¹ Ooyo ulipambula uutobela ziyandisyo zyakwe alimwi ulakazyana akubeteka kwini. ² Ichifuba fuba tachibotelwi mukumvwisisisya , pesi mukwaambula zili mumoyo wacho. ³ Muntu sizibi kuti asika, weeta kuyeyelana - ansoni alutuko. ⁴ Imajwi amuntu maanzi aabbila ; kasensa kabusongo mulonga weenda. ⁵ Tenkubotu kuba aluzyalo kumuntu sizibi, naa kutabeteka kabotu baluleme. ⁶ Imuilomo yachifubafuba ichetela nkondo amulomo wachi ucheetela kuumwa. ⁷ Mulomo wachifubafuba nkumwayuka kwachio alimwi chilaliteya amilomo yacho. ⁸ Majwi aakuvuya alimbuli mikwindu iinona alimwi alaselela kanjila mukati kazizo zyamubili. ⁹ Alimwi, ooyo uutajati ubelekomwakwe changuzu munyina wayooyo uumwayula loko. ¹⁰ Izina lyaJehova ningazi; ibaluleme bachijanina kulinjiyo alimwi balafutuka. ¹¹ Ibuvubi bwabavubi bulimbuli muunzi uuyakilidwe, alimwi bo babubonaanga mbulambo butatantiki. ¹² Muntu kuti katanawa ulalisumpula, pesi kulivbombya kweetwa kulemekwa. ¹³ Ooyo uusandula katana swiilila - mawuse aakwe alimwi nchufubafuba. ¹⁴ Imuuya wamuntu ula futuka kukuchiswa, pesi ngwani uunga ulatambula muuya uutyokede? ¹⁵ Imoyo wabachenjede ujana luzibo alimwi kuswiilila basongo kuleta luzibo. ¹⁶ Ichipo chamuntu chilamujulila nzila alimwi chilamweeta kunembo lyabapati. ¹⁷ Ooyo uutanguna kweeta uboneka kuulemeka mane kusike ngwaalikukazyana aawe. ¹⁸ Kuwaala nkakata kulamana kutamvwanana akwaanzanisya batamvwanani. ¹⁹ Munyina uunyemede nkuyumu kumujana kwiinda kwiinda kujana muunzi uusimide, alimwi kukazyaniya kiulimbuli muunzi muyumu. ²⁰ Kuzwa kumichelo yamulomo, bula bwakwe bulakutisigwa, akutebula kwamilomo yakwe ulakutisikana. ²¹ Ilufu abuumi zizyolololwa aalulimi, alimwi abo bayanda lulimi bayoolya michelo yalo. ²² Ooyo ujana mukayintu, ulijanina chintu chibotu, ulajana choolwe kuzwa kuliJehova. ²³ Imuntu muchete ukombelelela luzyalo pesi muvubi muvubi usandula chabukkali. ²⁴ Ooyo ulaabenzinyina biingi ulajayigwa ambabo, pesi mpali mwenzuma ukkala afwiifwi kwiinda munyina.