¹ Kumazuba aayo, kwakaba lubo bantu bayingi loko, alimwi kabatajisi chakulya. Jesu wakayita basikwiiya bakwe mpawo wakati kulimbabo, ² ''Ndabeetelela bantu aaba nkaambo baba aamazuba aatatu katuli amwi kale alimwi tabakwe chakulya. ³ Ndabambila kuti kabaya kumyuunzi yabo kaatakwe nchibalya, bayoowizuka munzila. Bamwi babo bazwa musinzo mulamfu''. ⁴ Basikwiiya bakwe bakamusandula, ''Nkookuli nkotuyoojana chinkwa chizulide chiyookkutya bantu aaba, mubusena butakwe chintu buliboobu?'' ⁵ Wakababuzya, ''Mujisi zinkwa zyongana?'' Bakaamba kuti, ''Musanu azibili''. ⁶ Wakalayilila nkamu kuti ikkale aansi. Wakabweza zinkwa musanu azibili, wakapa kulumba alimwi wakazikwamuna. Wakapa basikwiiya bakwe kuti bape bantu, alimwi bakabapa bantu. ⁷ Bakalijisi lubo nswi nche. Naakamana kubalumbila, wakalayilila basikwiiya kuti baabe azeezi lubo. ⁸ Bakalya bakkuta, mpawo bakabwezelela bufwefwelenga bwakachaala, zizuma zipati zilimusanu azibili. ⁹ Kwakali bantu bakonzya kuba zyuulu zyone. ¹⁰ Mpawo wakabaambila kuti bamwayike. Nibakanjila mubwaato abasikwiiya bakwe, bakaya kuchisi chakuDayimanuta. ¹¹ Mpawo baFalisi bakazwida aanze batalika kumukazya. Bakakumbila zitondeezyo zyakujulu, kabamusunka. ¹² Wakagamba kapati weefula, wati, ''Nkaamboonzi izyalane eli niliyandula zitondezyo? Nchobeni ndamwambila kuti, taakwe chitondeezyo chiyoopegwa kuzyalane eli''. ¹³ Mpawo wakabasiya, wanjila lubo mubwaato, wabweeda mutala eeliya. ¹⁴ Lino basikwiiya bakaluba kubweza chinkwa. Tebakachilikwe chinkwa nikuba chomwe mubwaato. ¹⁵ Wakabalayilila wakati, ''Amuchenjele kubumena bwabaFalisi akubumena bwaHelodi''. ¹⁶ Basikwiiya bakabonisyania umwi awumwi, ''Nkaambo kakuti tatukwe chinkwa?''. ¹⁷ Jesu wakaziziba eezi, wakati kuli mbabo, ''Nkaamboonzi nimulikubonisyania aatala akubula chinkwa? Sa tamunaakubona? Tamumvwisisisyi na? Teemujatilakule makani ngendimwaambila? ¹⁸ Meso mulijisi, tamuboni na? Matwi muli aawo, tamumvwi na? Sa tamwiibalukwi? ¹⁹ nindakakwamuna zinkwa zilimusanu aakati kabantu balizyuulu zilimusanu, nzingana zizuma zyakazula zyabufwefwelenga bwazinkwa nzimwakabwezelela? Bakati kulinguwe, ''Ikkumi azibili. ²⁰ ''Nindakakwamuna zinkwa zilimusanu azibili aakati kabantu balizyuulu zyone, nzingana zizuma zyabufwefwelenga bwazinkwa nzimwakabweza?'' Bakati kulinguwe, ''Musanu azibili''. ²¹ Wakati, ''Sa tamunakumvwisisisya na?'' ²² Bakasika kuBetisayida. Bantu bankuko bakamwetela umwi mwalumi mofu alimwi bakakumbila Jesu kuti amugume. ²³ Jesu wakamujata kuboko mwaalumi mofu, akwiinka aawe aanze eegunzi. Lino wakamuswida mate aamenso aakwe akumubika maboko, wabuzya kuti, ''Kuli ncholiikubona na?'' ²⁴ Wakalanga kujulu wakati, Ndabona baalumi balangika aanga misamu iliikweenda. ²⁵ Alimwi wakabika lubo maanza aatala ameso aakwe, aboobo mwaalumi wakabona, menso aakwe akapona, akubona zintu zyoonse kabotu. ²⁶ Jesu wakamutuma wakati koya kumuunzi wenu, ''Utakanjili mudolopo pe''. ²⁷ Jesu wakiinka abasikwiiya bakwe mugunzi lyaKayisala Filipo. Kabachili munzila wakabuzya basikwiiya bakwe, ''Bantu bandaamba kuti ndimeni?'' ²⁸ Bakamusandula bakati, ''Joni muBbizyi. Bamwi baamba kuti Elayija, alimwi bamwi bati nduwe uumwi wabasinsimi''. ²⁹ Wakababuzya beni, ''Pesi nywebo mundaamba kuti ndimeni?'' Pita wakati kulinguwe, ''Nduwe Kkilisito'' ³⁰ Jesu wakabalayilila kuti batambili nikuba omwi muntu aatala anguwe. ³¹ Wakasanguna kubayiisya aatala akuti Mwana waMuntu uyoofwabisigwa muzintu zyiingi, alimwi uyookakwa abapati, akubapayizi bapati akubalembi, akuyoojayigwa, pesi mumazuba aatatu uyoobuka. ³² Wakaamba makani aaya oobotu oobotu. Mpawo Pita wakamutola kumbali akumukalalila ³³ Pesi Jesu wakachebuka akulanga basikwiiya bakwe mpawo wakakalalila Pita wakati, ''Kozwa kusule lyangu, Satani! Tobikide miyeeyo yako kuzintu zyaLeza pe, pesi kuzintu zyabantu''. ³⁴ Mpawo wakayita makamu abasikwiiya antoomwe, wakabaambila kuti, ''Na kuli umwi uyanda kunditobela weelede kulitakata lwakwe mwini, abweze chingano chakwe, akunditobela ³⁵ Kufumbwa uyanda kufutula buumi bwakwe uyoobusweekelwa, ayooyo usweekelwa buumi bwakwe akuyanda kwangu akujwi lyangu uyoobujana. ³⁶ Chimugwasyaanzi muntu kuvuba nyika yoonse pesi akasweekelwe buumi bwakwe? ³⁷ Tachiwo pe muntu nchanga uleelanisya aabuumi bwakwe? ³⁸ Kufumbwa ufwa bweeme akaambo kangu amajwi angu muzyalane eeli lyabumambe achibi, Mwana waMuntu uyoowusigwa bweeme anguwe aakusika mubulemu bwaWisi antoomwe abangelo basalala''.