¹ Mpawonya Zofati waku Namati wakayingula wakati, ² ''Sena makani maanji aali boobu taayandi kwiingulwa? Uyelede kusyomwa na mwalumi ooyu kumakani maanji ngajisi? ³ Sa kuli kankayizya kwako nkwakuti bamwi bantu bakkale kabuumwide chakubula kaambo? Nuwanyaka, inga kulabulika sikukuusya nsoni? ⁴ Nkaambo uwamba kuti kuli Leza, 'Nzesyoma zilasalala, nsikwe kaambo mumenso aako.' ⁵ Pesi bona, Leza ulakonzya kwambula chakukulwana; ⁶ mukukutondezya nsiswa mubusongo! Nkaambo mupati Leza mukumvwisisisya zintu zintu zyonse. Koziba kuti nziche Leza nzyayandawula kuzwa kuli nduwe kwinda bupati bwamilandu yako. ⁷ Nkubona wamu mvwisisisya na Leza mukumuyandawula? Nkubona ulaziba mabelekelo aakwe na mubuzwide? ⁸ Aako kambo nkalamfu mbuli julu nkolibede; aboobo nkubona ulachita buti? Kuli nikide kwinda lufu; nkubona ulazibaayi? ⁹ Bulamfu bwayo buli mbuli nyika, alimwi bulikwankwamukide kwinda lwizi lupati. ¹⁰ Na wayinda akkati alimwi akujalila umwi mukati, na wayita umwi kulubeta, ngwani unga ulamukasya? ¹¹ Nkambo ulibazi bantu batali mbibaabo; kuti wabona chibi sena tachizibi? ¹² Pesi bafubafuba tabakwe kumvwisisisya; bazomvwisisisya mbongolo yazozyala muntu. ¹³ Pesi tuteedi wapeda moyo wako kububotuakutandabika janza lyako kuli Leza; ¹⁴ tutedi bubi buli mujanza lyako; pesi wabubikka kule anduwe, akulesya kukkazika busofwaazi muchikkalilo chako. ¹⁵ Mpawonya chabwini uyonyampula busyu bwako chakubula buusu; nchobeni, uyoyima chakutayoowa. ¹⁶ Uyoluba koonse kusesemya kwako; uyokuyeeya mbuli kweenda kwamanzi. ¹⁷ Buumi bwako buyomweka kwinda sikati; nekuba kuti kwaba mudima, kuyoba mbuli chifumofumo. ¹⁸ Unokwabililidwe nkambo kuli chilangililo; nchobeni, uyojana lukwabililo kalukuzyungulukide akulyokezya mulindulo. ¹⁹ Alimwi uyolala ansi kuyolyokezya, alimwi tawope uyokuyoosya; nchobeni, banji bayoyandawula luse lwako. ²⁰ Pesi menso abantu basizibi ayofwidilila; bayobula enzila yakuchijila; bulangizi bwabo bwamagozezyo mbwalufu.''