¹ Chakachitika oobo Jelemiya nakamana kwambila bantu boonse majwi wonse a Jehova Leza wabo ooyo Jehova Leza wabo ngakamwambila kuti awambe. ² Azaliya mwana mulombe wa Hosyayiya, Johanani mwana mulombe wa Kkaleya, alimwi bantu boonse bakali, bakambila Jelemiya kuti, ''Ulokwamba zyakubeja.'Jehova Leza wesu takabatuma kuti, waambe kuti, 'Utayinki ku Ijiputi kuyokkala nkuko.' ³ Nkaambo Bbalukki mwana mulombe wa Neliya nguwakasungilizya atala andiswe kuti utwangunune mujanza lyaba Kkaludiya, nkambo kanduwe kukuchita lufu lwesu akupa kuti tube mubuzike mu Bbabbiloni.'' ⁴ Aboob Johanani mwana mulombe wa Kkaleya, bana balombe boonse babaami babasilumamba, alimwi bantu boonse bakaka kuswilila ijwi lya Jehova kuti bakkale munyika ya Juda. ⁵ Johanani mwana mulombe wa Kkaleya abasilutwe boonse bampi bakabweza boonse bacheede kuba Juda bakabweda kuzwa kuzisi zyonse oko nkubakasanseene kuzokkala munyika ya Juda. ⁶ Bakabweza baalumi abanakazi, bana balombe abana basimbi bamwami, alimwi amuntu wonse oyo Nebbuzaladani, silutwe wabalindizi ba mwami, muleke bachaale a Gedaliya mwana mulombe wa Ahikkamu mwana mulombe wa Syafani. Alimwi bakabweza Jelemiya musinsimi a Bbalukki mwana mulombe wa Neliya. ⁷ Bakaya kunyika ya Ijiputi, ku Tahapanesi, nkambo tebakaswilila pe kujwi lya Jehova. ⁸ Aboobo, ijwi lya Jehova lyakasika kuli Jelemiyamu Tahanepasi, kalyaamba kuti, ⁹ ''Bweza mabwe mapati mujanza lyako, alimwi, mumenso abantu ba Juda, waasise mubulongo kukazila kali kumanjililo akung'anda ya Falo mu Tahanapesi. ¹⁰ Mpawo uwaambe kuti kulimbabo, ''Jehova wamakamu, Leza wa Izilayeli, waamba oobu, 'Bona, ndaamba kutuma batumwa kukubweza Nebbukadineza mwami wa Bbabbiloni mbuli mualnda wangu. Ndiyobikka chuno chakwe chabwaami atala amabwe ayo webo Jelemiya, ngwakavwikka. Nebbukkadineza uyoyala aatala alingawo. ¹¹ Nkaambo uyoza akulwania nyika ya Ijiputi. Kufumbwa wabilwa lufu uyotolwa kulufu. Kufumbwa waabilwa kubuzike uyotolwa kubuzike. Kufumbwa wambilwa kupanga uyotolwa kupanga. ¹² Mpawo ndiyokokutula mulilo mumaanda akombela baleza ba Ijiputi. Nebbukadineza uyobatenta na kubajata. Uyokukula nyika ya Ijiputi mbuli beembeli mbubasansamuna njina muzizwaato zyabo. Uyozwa kubusena oobo muluzundo. (kwinda kuti ndiyokutula mulilo, zimwi nsandululo zyachiindi azyalino zyamba kuti uyokutula mulilo). ¹³ Uyomwaya misemu yabbwe ku Heliyopolisi munyika ya Ijiputi. Uyotenta zikombelo zyabaleza ba Ijiputi.'''