¹ Imakani akaambwa atala a Kkuti lya Chilengano: Niinzi chapa kuti moonse mutante atululi twamaanda? ² Tamulindinywe na nimumvwa dolopo lizwide kusabilwa, dolopo lyalupyopyongano? Inchito zyaanu tezyakajayigwa na apanga, alimwi tebakafwa pe kunkondo. ³ Boonse bazululi banu bakachija antomwe, pesi bakaangwa kabatabelesezye kaanta pe; Boonse bakaangwa antomwe, nikuba bakachija kule. ⁴ Aboobo, ndati, ''Mutalangi kulindime, Njolila loko; Mutezyi kunduumbulizya pe atala akulunyonyooko lwamwana musimbi wabantu bangu.'' ⁵ Nkaambo buzuba bwamapenzi, abwakulyatawuka aansi, abwalupyopyongano bwazwa ku Mwami Jehova wamakamu, mukati ka Kkuti lya Chilengano, ikumwayisigwa kwamalambo aansi, abantu balakwila chakompolola muzilundu. ⁶ Elamu balabweza inkomo yamivwi ankamu yabantu batantide mabbiza, a Kkeli bakayubununa intobo antanganana. ⁷ Chilasika chiindi chamakkuti azwide inkalaki alimwi basimabbiza bayoyima mumindando yamilyango. ⁸ Wakabweza kukwabililwa kwa Juda; Nzyakalangide mubuzuba oobo mwakali kulangila ing'anda yazilwisyo zyamulusaka. ⁹ Wakabona muunzi wadolopo lya Davida, ikuti bakali biingi, alimwi bakatola maanzi kudambwa lyakunsi. ¹⁰ Mwakabala ing'anda zya Jelusalemu, alimwi mwakamwayisya maanda ansi kuti mumamike malambo. ¹¹ Mwakapanga ikkala akati kamalambo obile aziba lyamanzi. Pesi temwakalanga aabo basikupanga dolopo, ooyo wakazichita kale lyensiku. ¹² Jehova Leza wamakamu mubuzuba oobo wakayita bantu kuti bakwile, nkambo kakomooka akulinyoola mumitwe, akuzwata zisamo zyamasaka. ¹³ Pesi boona, kwiinda kuti, bakondwe akusekelela, bajaye ing'ombe akufunda mbelele, balye nyama, akunywa wayini; atulye akunywa, eelyo junza, tulafwa. ¹⁴ Eechi chakayubununwa kumatwi aangu a Jehova wamakamu: Nkasimpe zibi eezi tazikoyolekelelwa pe, nikuba mwafwa,'' Mbwaamba Mwami Jehova wamakamu. ¹⁵ Mwami Jehova wamakamu, waamba oobu, ''Yinka kumwendelezi wamali, kuSyebbina, mupati wang'anda akwamba kuti, ¹⁶ 'Niinzi nchochita aawa alimwi ngwani wakakupa mvumo kuti ulitemene kabanda lwako, ulalisyida kabaanda lwako mubulamfu akulifukila busena bwakulyooezya mubbwe?''' ¹⁷ Boona, Jehova waamba kukusowa webo, singuuzu, waamba kukusowela aansi; uyokuvuna chakuvungisya. ¹⁸ Nkasimpe uyokuzyungulusya akukuzyungulusya akukuwala mbuli ibbola munyika impati. Ooko uyofwa, ooko azyalo nkalaki zyabulemu nkuzibede; uyowusisya ng'anda yasimalelo wako insoni! ¹⁹ ''Njokusyoma kuzwa kumabelekelo aako akukugwisya mubusena bwako. Njokutontela aansi. ²⁰ Liyosika izuba eelyo ndenjoyita mwanangu Eliyakkimu mwana mulombe wa Hilukkiya. ²¹ Njomuzwatika chikobela chako akumuyumya alutambo lwako, alimwi bwami bwako njobwaaba mumaanza aakwe. Uyoba wisi wabantu bakkede mu Jelusalemu akung'anda ya Juda. ²² Njobikka chijaluzyo ang'anda ya Davida akkuko lyakwe; uyojula alimwi takwepe uyojula; unoli wajala, alimwi takwepe nikuba omwe uyojula. ²³ Njomukankamina, mbuli nkaanka mubusena mbwiigankamina, alimwi uyooba chikkalilo chachuuno chabulemu chang'anda ya Taata. ²⁴ Bayowanzika alinguwe boonse bulemu bwang'anda ya Taata, abana bazyedwe alunyungu lwakwe, azibelesyo zyoonse zinini kuzwa kunkomeki mpati zyoonse. ²⁵ Mubuzuba oobo -- Eechi chambilizyo kuli Jehova wamakamu -- inkaanka iyakagankamidwe mubusena mbwingangemene iyozungaana, iyogonkwa akuwa, awalo mukuli wakabikkidwe alinjiyo uyotemwa -- oobo Jehova mbwawaamba.