¹ Ndamwambila atala ankanda yalwizi. Mbuli tumbizi mbotunga twiinda mu Negevu akusika chakwiinda kuzwa munkanda, akuzwa munyika iyoosya. ² Ndayubunwida zilengaano zimvwisya machise: Baalumi bawuzyi babamba ziyoosya, alimwi abajayi balokujaya. Taanta ajulu alimwi ukabalwisye, Elamu; kobasinkilizya, Midiya; Ndiyoyimikizya kulila kwabo. ³ Aboobo mabbazu angu azwide machise; machise alimbuli machise akumyongwa kwamwanakazi andijata loko; Ndafugama aansi kuli nzendakamvwa; Ndakachelezeka azezyo nzendakabona. ⁴ Moyowangu ulawuma; Ndakankama chakuyoowa. ⁵ Bakandibambila ntafule, balabika zivumbyo alimwi balalya akunywa; amubuke, nobana bamwami, amunanike ntobo zyanu amafuta. ⁶ Nkambo mbubobu Mwami mbwandaambila, ''Koya ukabikke mulindizi; uleelede kwamba nchaabona. ⁷ Kuchindi nchaabona nkalaki, abasimabbiza bobile, abagade madonki, alimwi abagade nkamela, elyo uleleede kuswililisya loko alimwi alibambile.'' ⁸ Mulindizi ngawompolole mbuli mulavu, akwamba kuti, ''O Mwami, Ndilimvwi achilangilo changu buzuba boonse, amazuba woonse, alimwi achilindililo changu ndilimvwi busiku boonse.'' ⁹ Lino bona nkalaki zilaza abaluumi alimwi balibobile amabbiza. Wakompolola, ''Waawa, waawa, Bbabbiloni azikozyanioa zibezedwe zyabaleza zyapwachukila ansi.'' ¹⁰ Bantu bapoledwe alimwi kabapalwidwe, mbana balubuwa lwangu! Eecho nchindakamvwa kuzwa kuli Jehova wamakamu, Leza wa Izilayeli, ndamwambila nchichonya. ¹¹ Ndamwambila aatala a Duma. Kuli muntu uchiita kuzwa ku Seyili, ''Omulindizi, kwambwaanzi aano mansiku? ¹² Omulindizi wakamba wati, ''Mafumina alasika alimwi amansiku. Kuti koyanda kubuzya, elyo buzya; alimwi ukaboole lubo.'' ¹³ Ndamwambila aatala amakani a Alabbiya. Munkanda ya Alabbiya mumuyomaninsya busiku, nywebo nobasilweendo ba Dedani. ¹⁴ Amwetele balanyota meenda; bakkala munyika ya Tema, amuswanizye basikuchija achinkwa. ¹⁵ Nkaambo bakachija kuzwa kupanga, kuzwa kupanga lisomwedwe, akuzwa kubuta, alimwi kuzwa kunkondo ndemu. ¹⁶ Nkaambo mbuboobu Mwami mbwakandambila, ''Mukati kanyika, mbuli mubelesi wakapegwa mulimu nkambo kamunyaka uumwi uyobona kuti, boonse bylemu bwa Kkedali buyomana. ¹⁷ Kucheede basimata bache, abasilumamba babana baKkedali mbayoochaala,'' nkambo Jehova, Leza wa Izilayeli mbwazyambide.