¹ Ngaaya makani alatala a Ijiputi. Langa, Jehova ulaza katantide ajoba alimwi uzabuza ku Ijiputi; zikozyanio zya Ijiputi ziyokankama munsi lyakwe, alimwi myooyo yaba Ijiputi iloyaaya mulimbabo. ² ''Njobusya ba Ijipita aatala aba Ijipita: mwalumi uyolwana amukulana wakwe, alimwi mwalumi atala a simayakilane akwe; chisi aatala achisinyina, alimwi bwami aatala abwaaminyina. ³ Muuya wa Ijipita uyobula manguzu kuzwamukati. Njonyonyoona luchenjezyo lwakwe nikuba kuti bayanduula luchenjezyo lwazikozyanio, myuuya yabaalumi bafwide basondi, alimwi abalozi. ⁴ Ndiyowaba ba Ijiputi mujanza lyasimalelo mukali, alimwi mwami uusimide uyoyendelezya aalimbabo - aaya ngimalayilile a Jehova wamakamu.'' ⁵ Maanzi amulwizi ayoyuminina, alimwi mulonga uyoyuminina akubula nchuulacho. ⁶ Milonga iyonunka; tulonga twa Ijipita tuyoyuminina; matete ankubbu ziyoyuma. ⁷ Matete kunkomwe ya Nayili, kudomolomo lya Nayili, alimwi muunda woonse uugankidwe kumbali a Nayili uyoyumisigwa, uyotolwa, alimwi tukoyoba limbi pe. ⁸ Baalumi bazubi bayowompolola akukwiila, alimwi boonse aabo bawala tulobyo muli Nayili bayokwiila, abaabo bayanzala tunsabwe amanza bayopengeleka. ⁹ Babeleki batonje abaabo basuma masani aatuba bayosanduka akuusa. ¹⁰ Babeleki bazizwato bayopwayulwa; boonse aabo babeleka chakubbadalwa balowusigwa nsoni mulimbabo. ¹¹ Baana balombe babaami baku Zowani mbafubafuba chakumanina. Luchenjezyo lwaba sikuchenjezya balabusongo ba Falo baaba basikuchita zitamvwisisiki. Sa ngaulawamba kuti kuli Falo, ''Ndimwana mulombe wamwalumi mupampu, mwana mulombe wabaami basikale?'' ¹² Balikuli lino aabo baalumi basongo? Akube kuti bakwambile alimwi akukuzibya eezyo Jehova wamakamu nzyababimbide aatala aba Ijipita. ¹³ Bana balombe babaami baku Zowani bakaba zifubafuba, bana balombe babaami ba Mefisi bayenwa; bachitya kuti Ijipita ayeende asweka, aabo balimbabo chooko chamisyobo yakwe. ¹⁴ Jehova wavwelengania muuya walweeno aakati kakwe, alimwi balesya Ijipita akumusowa mulizyonse nzyakachita, mbuli mukolwi udadalika mumalusi aakwe. ¹⁵ Tachikwe uumwi nchaanga ulakonzya kuchitila Ijipita, naa mutwe nanka muchila, intabi yakakunka nanka itete. ¹⁶ Muzuba elyo, ba Ijipita bayooba mbuli banakazi. Bayokankama akuyoowa nkambo kwakusumpulisigwa kwajanza lya Jehova wamakamu ndyakabusya aalimbabo. ¹⁷ Inyika ya Juda iyooba makkazikilo akutatalika kwa Ijipita, choonse chiindi umwi nayobayeezya aanguwe, bayoyoowa, nkambo kamabambe a Jehova, aayo ngalokubamba aatala ambabo. ¹⁸ Mubuzuba oobo kuyooba zisi zili musanu munyika ya Ijipita aambuula mulaka waKkenani alimwi ukonka muzina lya Jehova wamakamu. Chimwi chazeezi Nkuti Chisi Chazuba. ¹⁹ Muzuba elyo kuyooba chipayililo cha Jehova aakati kanyika ya Ijipita, alimwi amunsende wamabwe kumugaano wa Jehova. ²⁰ Uyooba mbuli chitondezyo abukamboni kuli Jehova wamakamu munyika ya Ijipita. Ndibayoowa kuli Jehova wamakamu nkambo kaba sikudyamizya, uyobatumina mufutuli asikubatabilila, alimwi uyobavuna. ²¹ Jehova uyozibinkana ku Ijipita alimwi ba Ijipita bayotambula Jehova kubuzuba oobo. Bayomukomba azipayizyo alimwi azipo, akuchita zikonke kuli Jehova uyopenzya Ijipita, kubapenzya akubasilika. ²² Balobweda kuli Jehova; uyomvwa chikombyo chaabo alimwi uyobasilika. ²³ Muzuba elyo kuyooba migwagwa mipati izwa ku Ijipita kiiya ku Asiliya, alimwi ba Asiliya bayooza ku Ijipita, aaba Ijipita ku Asiliya, alimwi ba Ijipita bayokomba aba Asiliya. ²⁴ Mubuzuba oobo, Izilayili uyooba watatu a Ijipita a Asiliya, chilongezyo akkati kanyika. ²⁵ Jehova wamakamu uyobalongezya akwaamba kuti; ''Aalongezegwe Ijipita, bantu bangu, Asiliya, mulimu wamaboko aangu; a Izilayeli, lukono lwangu.''