Chaandano 18
1
Maawe kunyika yakusokonya kwamababa, iilikutala lyamilonga ya Kkusyi;
2
eyo ituma batumwa alwiizi, mumaato amapapulasi atala lyamanzi. Kamuya, nubatumwa basiluno, kuchisi chilamfu batetete, kubantu bakali kuyoosya kule aafwifwi, chisi chisimide akulyatawida ansi, nyika yabo yakaandulwa amilonga.
3
Moonse nywebo nobantu baanyika aanywebo nimukkala anyika, eelyo chitondezyo chiyosumpulwa aatala lyazilundu, langa; alimwi mweembo nuyosibwa, mukaswilile.
4
Kaambo mbuboobu Jehovambwandambila, ''Nkawumune akulangisisya kuzwa kumunzi wangu, mbuli mumuni wazuba mbekabeka, mbuli ijoba lyamune mukati kankaasaalo yakutebula.
5
Kabatana kutebula, malubaluba naamana, alimwi michelo yamusansa niitalika kubizwa kuba michelo, uyoogonka tumintentenga azizibyo, alimwi uyogonkelaansi akwiisowa mitabi itabete.
6
Iyoosiilwa bayuni antoomwe ataala lyazilundu aakubanyama baanyika. Bayuni bayosanizigwa chiindi chachilimo, alimwi abanyama boonse baanyika bayosanizigwa njiiyo chiindi champeyo.''
7
Kuchindi eecho Jehova wamakamu uyoyetelwa mutelo kuzwa kubantu balamfu banjenjeema, kuzwa kubantu bakali kuyoosya kule aafwifwi, chisi chisimide akulyatwiidwansi, abo nyika yabo yakaanzanisigwa amilonga, kubusena bwazina lya Jehova wamakamu, kuchilundu cha Ziyoni.