¹ Tumizya tubelele kumwendelezyi wenyika kuzwa kusela munkanda, kuchilundu chamwana musimbi wa Ziyoni. ² Mbuli bayuni batuntulika, mbuli chizumbo chimwaywidwe, aboobo banakazi ba Mowabbu bali azito zya Mulonga wa Alinoni. ³ ''Pa malayilile, beteka chabululami; chita mwenzule mbuli mansiku isikati; kosisa batandidwe utabawuzyi batandidwe. ⁴ Kobaleka bakkale akkati kanu, bayobuchija kuzwa ku Mowabbu; bachiyubilo chabo kuzwa kulisikubajaya.'' Nkambo budyamizi buyomana, alunyonyooko luyomana, abobalyatawuka bayochija kuzwa munyika. ⁵ Chuuno chabwami chiyoyimikila muchizuminano chisyomekede; alimwi umwi kuzwa kuchilawo cha Davida uyokkala chakusyomeka nkukooko, uyobeteka nkachiyabuyandula bululami akuchita bululami. ⁶ Twamvwa akuliyanda kwa Mowabbi, kulikankayizya, kulitunta, abukali bwakwe. Pesi kulitunta kwakwe takwe nchikwamba. ⁷ Aboobo Mowabbu uyolila Mowabbunyina -- boonse bayolila! Momooka, inywebo nimwanyonyooka chakumaninina, nkambo zinkwa zitakwe buswezyo zya Kkili Halesyeti. ⁸ Myunda ya Hesyibboni zyayuma azisiko zyamisansa zya Sibbima azilazyo. Bendelezi bazisi balyatawuka zisiko zyamisansa ezyo zyalikusika ku Jazeli akutandabala kusika kunkanda. Zisyukila zyatandabalila mutala; zyaya mutala alwizi. ⁹ Kasimpe ndiyolila antomwe a Jazeli nkambo kachilili cha Sibbima. Ndiyokutilila amisozi, Hesyibboni, a Eleyale. Nkambo munkuba zyamichelo yako yamiinza akutyola ndamaninsya mompololo walukondo. ¹⁰ Kubotelwa alukondo lwagwisigwa kuzwa kumichelo yamunsamu; alimwi tachikwe kwimba kana kompolola muzilili. Takwe ulyatuuka wayini muzisinino, nkambo ndakonzya mompololo wayoyo ulyatawuka. ¹¹ Nkambo moyo wangu ulalila mbuli kantimbwa nkulilila Mowabbu, amukati mulindime nkambo ka Kkili Haleseti. ¹² Elyo Mowabbu nalikatazya abusena bulajulu akunjila muntempele kukuyokomba, nkombyo zyakwe tazikoyoba ampindu pe. ¹³ Eli ndijwi ndyakamba Jehova atala a Mowabbu kale. ¹⁴ Alimwi Jehova ulaambula, mukati kaminyaka yotatwe, bulemu bwa Mowabbu bulamana; nikuba ulabantu biingi, batakasyale banooli bacheloko akutayeyegwa.