¹ Inkombyo yaHabbakkukku musinsimi. ² Jehova, ndavwa mulumbe wako, alimwi ndayoowa. Jehova, bukulusya mulimu wako muzyiindi eezi; aakati kaminyaka chita izibwe; yeya kuba aaluzyalo mubukali bako. ³ Leza wakasika kuzwa kuTemani, alimwi ooyo uusalala kuzwa kuchilundu cha Palani. Sela Bulemu bwakwe bwakavumba majulu, alimwi anyika yakazwide aakumutembawula. ⁴ Akumweka mbuli mumuni, mitungazubaiimweka kuzwa kuluboko lwakwe; alimwi ooko wakasisa manguzu aakwe. ⁵ Bulwazi bujaya bwakeenda kunembo lyakwe, alimwi chisubulo chakeenda kumbele lyakwe. ⁶ Wakiimikila alimwi wakeela nyika, wakalanga alimwi wasansa zisi. Nikuba zilundu zyalyoonse zyakamwayika, alimwi zilundu zyakutamani zyakafugamina aansi. Izila yakwe njakutamani. ^{7 8} Ndakabona matente aKkusyani kaali mumafwabi, alimwi milembo yamatente aakwe kaali munyika yamaMidia kukankama.Ai Jehova wakanyemenede mulonga naa? Bukkali bwako bwakali aamilonga, nikuba kunyema kwako aatala aalwizi, eelyo nwaakagada mabbiza aako alimwi ankalaki zyabuzundi? ⁹ Weeta idaantambwa lyako litakwe chijazyo; ubika kaanta adaantambwa lyako! Wakaanzaniya nyika amilonga. ¹⁰ Zilundu zyakakubona akumonywa mumachise. Kutika kwamaanzi kwakiinsila atala anzizyo; Lwizi lubbila lwakoompololo. Lwakanyampula mayuwe aalo. ^{11 12} Izuba amweezi zyakayima nji mubusena bazyo bwaatala kukumweka kwatunta twako nitwali kuuluka, kukalabi kasumu lyako limweka. Walyatuuka aatala lyanyika abukkali bwako. Mukunyema wakalyata zisi. ¹³ Wakazwida aanze nkaambo kalufutuko lwabantu bako, nkaambo kulufutuko lwabananike bako. Upwaya mutwe wang'anda yababi kuti ilale maya kuzwa kunsi kusikila munsingo. ¹⁴ Wakasa mutwe wabalwani bakwe amasumu aakwe mbukunga bakaza mbuli kambizi kuzotumweya; bulamgazi bwabo bwakali mbuli ooyo unyonyoona bafwaba bali mubusena bwakuyubila. ¹⁵ Walyatuuka aatala aalwizi amabbiza aako, akubanyanga aamwi maanzi miingi. ¹⁶ Ndakamvwa, alimwi zizo zyagu zyamukati zyakakankama! milomo yangu yakabwibwima kumuzuzumo. Kubola kwasika mumafuwa aangu, alimwi kunsi kwangi kwakankama kandilokulindila chiwumunizi buzuba bwamapenzi kuti busike aataala lyabantu aabo batunjilila. ¹⁷ Nikuba mukuyu kutasyuuki katakwe michelo mudabala; alimwi nikuba michelo wamusamu wamu oliva itabotzyi aamunda kitakwe chikkafu; alimwi nikuba imbelele zijeegwe mubbondo alimwi kaakwe ng'ombe muzyaata, eechi nchicho nchitakuche. ¹⁸ Nikubaboobo, nditokondwa muliJehova. Ndiyoba aakukondwa nkaambo kaLeza walufutuko lwangu. ¹⁹ Mwaami Jehova ninguzu zyangu alimwi ulachita mawulu aangu mbuli nsya. Undichita ndiye kunemboaabusena bwangu bwaatala. - Kumuzululiwakwiimba, azilizyo zyatukole.