¹ Imukuli ooyo Habbakkukku musinsimi ngwakabona. ² ''Jehova kuyosikila lili kandililila lugwasyo, alimwi kotayoomvwa? Ndalilila nduwe, 'Bukali!' pesi taakwe nuyofutulwa. ³ Nkamboonzi nundichita kuti ndibone bubi alimwi wachitya ndalanga ndalanga aatala kuchita bubi? Lunyonyoono akukali zili kunembo lyangu; kuli lukazyaniyo ampyopyongano zyayima nji. ⁴ Nkinkaako mulawo wamaninsigwa nguzu, lululamo taluchikali nikuba chiindi chili. Nkambo ibubi bwazyunguluka balulami; ndululamo ipilingene yazwida aanze.'' Jehova wasandula kuli Habbakkukku. ⁵ ''Langa langa kuzisi alimwi uzilangisisye; gamba alimwi ukankabale! Nkaambo nkasimpe ndamba kuchita chimwi chiintu mumazuba aako eecho nchutakayosyoma elyo noyoochibuzigwa. ⁶ Nkambo langa! Ndaamba kubsya baChaladiya - bayobweenda nyika yoonse kuti bakamaninsye myuunzi yakatali yabo. ⁷ Balagambya akuyoosya; bubeteki abweebesi bwabo buzwa kuli mbabo. ⁸ Mabbiza aabo aalawao alaaluno kwiinda basiluwe, kaafwambaana kwiinda bawumpe bagolezya. Aboobo mabbiza aabo alalimvwa, alimwi basimabbiza babo bazwa kumusinzo mulamfu - baluuluka mbuli chuungwe uufwambanina kulya. ⁹ Boonse bazida bukali; buvule bwaabo buleenda mbuli luuwo lwamunkanda, alimwi bulabunganiya baande mbuli muse. ¹⁰ Aboobo balaseka baami, alimwi beendelezi mzisesyo biyo kuli mbabo. Balaseka mayubila abo moonse, nkambo balalundika amwi nyika alimwi akwiimaninsya. ¹¹ Mpawo iluuwo luyayinda aatala; lulayenda kalwiinda - baalumi bali amilandu, abo basinguzu zyabo nguleza wabo.'' Habbakkukku ubuzya Jehova uumbi mubuzyo. ¹² ''Teensi uzwa kuchiindi chachiindi loko, Jehova Mwaami wangu, Usalala wangu? Tatuloofwa pe. Leza wabamanikila lubeta, anduwe, Bbwe, wababusizya nzotololo. ¹³ Meso aako alasalalisya kukulanga aatala abubi, alimwi tikonzyi pe akuchita kubi kuli alweetelelo; Nkamboonzi mpawo nwaalanga chalweetelelo kulibaabo bawuzyi? Nkamboonzi nuwumwide kakuli bataluleme balanyonyoona abo basalali kwiinda mbubabede. ¹⁴ Ulachita bantu mbuli baswi mulwizi, mbuli zintu ziyavula kazitakwe mweendelezi alinzizyo. ¹⁵ Ulayobolola aantomwe mbuli kalobyo; ulakwela baalumi kule mukanyandi kakwe; ulabunganiya aamwi mukanyandi kakakwela; aboobo ulakondwa alimwi uliboteledwe. ¹⁶ Nkinkaako ulapayilila kanyandi kakwe alimwi akutenta tununkilizyo kukanyandi kakukwela, nkaambo akanyandi kakwe upona ,ukubotelwa, alimwi kulya kwakwe nkwaatala. ¹⁷ Nkinkaako nga ulayinkilila kagwisya kanyandi kakwe, alimwi nga ulayinkilila kagwisya kanyandi kakwe, alimwi nga nga ulayinkilila kajeya zisi kaatakwe luzyalo.