¹ Lino eezzi nzinzyo nzyotakachite kukubasalazya kuchitila kuti bandimanine milimu mbuli mupayizi. Bweeza musune momwe muniini a mbelele zyobile kakutakwe katongauka, ² chinkwa chitakwe buseezyo, azibunge zitakwe busezyo zyavwelanisigwa amafuta. Aboobo mubweze zibunge zitakwe busweezyo zinanikidwe mafuta. Muchite zibunge kubelesya busu bunante bwewiti. ³ Mukazibikke muchizuma chomwe, mukazyeete muchizuma alimwi mukazitondezye amusune wangombe alimwi amigutu yobile yambelele. ⁴ Mwelede kutondeezya Aloni abana bakwe balombe kumulyango watente lyakubunganina. Mwelede kosanzya Aloni abana bakwe balombe mumaanzi. ⁵ Mwelede kubweza zizwaato akuzwatika Aloni ejansi, chikole cha efodi, efodi, achipanzi chakukango mwaange chitete- chikumba chalukkumba lwamuchikungu cha efodi kachimuzungulukide. ⁶ Ukabikke tebbeni amutwe wakwe akubikka musini usalala aajulu engwani. ⁷ Eelyo bweza mafuta aakunanika alimwi uwatile ejulu lyamutwe wakwe, alimwi muleyi nzila uwananike. ⁸ Welede kweeta bana bakwe balombe akubazwatika majansi aali mboobo. Welede kuzwatika Aloni abana bakwe balombe alutambo akubazwatika zikobela amunene mumutwe yabo. ⁹ Milimu yabupayizi iyoba yabokwamilayo myinimyini. Muleyi nzila welede kulangisisya Aloniabana bakwe balombe kuli mbaabo kuti bakandimanine milimu. ¹⁰ Mwelede kuyeta basunu boonse kunembo lya tente lyakubunganina, alimwi Aloni abana bakwe balombe belede kubbikka maanzi aabo ajulu amitwe yazyo. ¹¹ Mwelede kujaya basune kunembo lyaJehova amulyang watente lyakuswangano. ¹² Mwelede kubweza limwi gaze lyabasune akulibika ameja akuchipayililo aminwe gaze, alimwi mwelede kuyotila limwi gaze alubuwa lwachipayililo. ¹⁴ Mwelede kubweza oonse mafuta avumbidwe zipanzi zyamukati, alimwi mubweze kabiyo chivumbyo chachini ensa zyobile amafuta aali azninzyo, mukazitente zyoonse achipayililo. ¹³ Pesi mbuli nyama yabasune, kabiyo azikkumba zyabo amasya , mwelede kozitente aanze alubuwa lwakuswanana. Chiyoba chipo chabubi. ¹⁵ Mwelede kubweza kabiyo mugutu wa mbelele womwe, Aloni abana bakwe balombe beleede kubika maboko aabo amitwe yazyo. ¹⁶ Mwelede koojaya kagutu kambelele eelyo mukabweze mgazi lyazyoakwisansila kuli oonse mabazu achipayililo. ¹⁷ Mwelede konenga kagutu wambelele muzipanzi zipanzi akusanzya zyamukati amawulu awo aachipayililo. ¹⁸ Eelyomukatente yoonse mbelele. Chiyoba chipayizyo chitentendwe kuli Jehova, bwema bobotu, chipayizyo chichitidwe kuli Jehova aamulilo. ¹⁹ Mwelede kabiyo kuyobweza umwi mugutu wambelele, alimwi Aloni abana bakwe balombe beleede kuyobikka maanza aabo amutwe wacho. ²⁰ Eelyo welede kuyojaya mugutu wambelele akobweeza alimwi ngaze lyawo. Mukabikke kumpela lyakutwi lwa Aloni lwakuchilisyi. Alimwi akumpela lyamatwi akuchilisyo abana bakwe balombe, aazyala zyako zyamaboko achilisyo, akutunwe twabo tupati twakumaulu akuchilisyo. Eelyo mwelede kosansila gaze kamwimina achipayilo kumabazu oonse. ²¹ Mwelede kobweza alimwi gaze eelyo liiliachipayililo aamwi mafuta akunanika, alimwi mukamusansuile oonse Alonoi azisamo zyakwe, alimwiaboobo kubana bakwe balombe akuzisamo zyabo. Aloni uyosalazigwa eelyo kulindime, nkikaakoezisamo zyabo, abana bako balombe anguwe. ²² Mwelede koobweza mafuta amugutu wambeleele , emuchila unenede , amafuta aayo avumbide zyamukaati, chivumbyo chaachini, insa zyobilezyakuchilisyo- chamugutu wanbeleleoyu chamupayizikukunanikwa kwakwe kulindime. ²³ Bweza chinkwa chomwe, chibunge chachinkwa chchitwa aamafuta aamafuta achitwa achibunge chomwe kuzwa muchizuma chachinkwa chitakwe busweesyo eecho chili kunembo lya Jehova. ²⁴ Mwelede kubika eezi mumaboko a Aloni amumaboko abana bakwe balombe akuzinyampula kunembo lyangu kuchipo chinyampwidwe kunembo lyaJehova. ²⁵ Mulelede eelyo kuyobweza chakulya chizwa mumaboko aabo akuchitenta kuchipayililo achipo chitentendwe chiyogwisya bwema bubotu kulindime, chiyooba chipayizyochichitimdwe kulindime amulilo. ²⁶ Mwelede kobweza mpongo kuchisamo chakaango. Aloni kakupedekezegwa kwakwe akunyampuka kujulu kuchipo chinyampwidwe kunembo lya Jehova , alimwi chiyoba chipanzi chako. ²⁷ Mwelede kondisalazya nkolo zyakunyampulwa kwazipo eezyo zinyampwidwe, achibelo eecho chakalikugwisigwa kumu payizi_ zyobile nkolo eezyo zyakanyampwidwe, achibelo eecho chaka gisisigwe Aloni abana bakwe balombe. ²⁸ Eechi chiyayinkilila anembo chipo cha Aloni abana bakwe balombe. Kuyoba kubunganisya kwazipo kuzwa kuma Izilayili kukupeda kuli Jehova kuzipanzi zyazipo zyabo. ²⁹ Zisamo zisalala zya Aloni ziyolondolwa kabiyo mulunyungu lwakwe musule lyakwe. Bayonanikwa muli mbabo amulimu mupati kulindime muli mbaabo. ³⁰ Mupayizi umuzwidilizya kuzwa akati kabana bakwe, ooyo uza mutenti lyamuswangano kukuzondimanina mulimu aabusena busalala, uyozwata nzizyeezyo zisamo kwamazuba musanuaabili. ³¹ Mwelede koobweza mugutu wambelele kulindime kukupegwa busena bwaba payizikulindime alimwi mukajike nyama yawo mubusena busalalisya. ³² Aloni abana bakwe balombe welede kulya nyama yamugutu wambelele achinkwa eecho chilimuchi zuma chili amulyango watenti lyamuswangano. ³³ Belede kulya nyama achinkwa eecho chakapedwe kukubbadala kuli mbaabo akubananika, kuti basalazigwe kuli ndime. Taakwe naba oomwe uyolya chakulya eecho nkaambo bayochibweza mbuli chisalazigilwe kuli ndime, chilondendwe kulindime. ³⁴ Kuti imwi nyama yachipo chabunanike, nikuba chimwi chachinkwa, chisyaala buseni butobela, eelyo mwelede kochitenta. Tachelede kolyiigwa nkaambo chiindi chasalazigwa kulindime. ³⁵ Muli eeyi nzila, kukutobela zyoonse eezyo nzindamulayilila kuti muchite, mwelede kobweza Aloni abana bakwe balombe. Kwamazuba musanun aabili mwelede kobabambila. ³⁶ Woonse mazuba mwelede kpeda musune mbuli chipo chisofwede chakubweda lulana. M welede kusalazya chipayililo akuchichita lubwedululano kulinchincho, alimwi mwelede kuchinanika kuchitila kuti chisalazigwe kulindime. ³⁷ Kwamazuma musanu aabili mwelede mwelede kubweda kuchipayililo akuchisalazya kuli Jehova. Eelyo chipayilo chiyosalazigwa bumaninide kulindime. Nikuba chijata chipayililo chiyosalala kuli Jehova. ³⁸ Mweledekuyindulula kupa achipayililo buzuba abuzuba mbelele zyobile zilaminyaka womwe wakuzyalwa. ³⁹ Mbelele yomwe mwelede kwipeda kuseni alimwi imwi mbelele mwelede kwipeda nilyabbila zuba. ⁴⁰ Embelele ntaanzi, pa chakkumi cha efa chabusu bunante buvwelanisigwe achipanzi chane che hini yamafuta kuzwa kumafuta a Oliva adinidwe , alimwi achipanzi chachinechahini ya wayini ⁴¹ Mwelede kupeda mbelele yabili kumabbililo azuba. Mwelede kupeda chipo kuzilyo zikonzyania mbuli chilyo chakuseni, achipo chakunwa chikonzyania. Eezi ziyoyeta bweema bununkilila kulindime, chiyoba chipayizyochachitwa kulindime amulilo. ⁴² Eezi ziyoba zipayizyo zitentwa kwindilundwi kuzwa kumazyalane eenu, kumulyango watente lyamuswangano kunrmbo lya Jehova, oko nkutakaswanane andime kukuyowambula anywebo nkuko. ⁴³ Ooku nkuko nkwitakaswanane abana ba Izilayili, itenti iyosalazigwa kulindime mubulemu. ⁴⁴ Ndiyosalazya tenti lyamuswanganoachipayililo kuli eezi kuti zikabe zyangu andikke. Aboobo ndiyosalazya Aloni abana bakwe balombe kuti bakandimanine milimu mbuli bapayizi. ⁴⁵ Ndiyopona aakati kabana ba Izilayili akuyoba Leza wabo. ⁴⁶ Bayoziba kuti ndime Jehova Leza wabo wakabagwisya kuzwa kunyika ya Ijipiti kuchitila kuti ndikapone aakati kaabo. Ndime Jehova, Leza wabo.