¹ Mumwaka wamakkumi aabili aatatu wa Jehohazi mwana mulombe wamwami wa Juda Ahaziya, Jehohazi mwana mulombe wa Jehu wakatalika kwendelezya Izilayeli ku Samaliya; wakendelezya kwamyaaka ilikkumi amusanu ayibili. ² Wakachita zintu zibi zya Jelobbowamu mwana wa Nebbati, wakachitide kuti ba Izilayeli babisye; a Jehowazi takwe pe nakazichija. ³ Bukali bwa Jehova bwakaselukila Izilayeli, akubaaba mumaanza amwami Hazayeli waku Alamu, akumaanza a Bbeni Hadadi mwana wa Hazayeli. ⁴ Aboobo Jehohazi wakoompolola akulibombya kuli Jehova, a Jehova wakamuvuwa nkambo wakabona kupengaana kwa Izilayeli, enzila mwami waba Alamu jaali kupenzya ayo. ⁵ Aboobo Jehova wakapa Izilayeli muvuni, akubavuna kujaanza lyaba Alamu, abantu ba Izilayeli bakabweeda kumaanda aabo mbuli mbubakakkede chiindi. ⁶ Nekuba boobo; takwepe nibakaleka kubisya azibi zyamung'anda ya Jelobbowamu wakachitide kuti Izilayeli abisye, bakinkilila kunembo muzibi ezi; azikozyanisyo zya Asyela zyakasyigwa mu Samaliya. ⁷ Ba Alaminzi bakasiya Jehohazi kalabasimabbiza bali makkumi musanu, nkalaki zilikkumi, antomwe azyuulu zilikkumi zyabalui balwana kabendamaulu, nkambo mwami wa Alamu wakali wabanyonyoona akubachita mbuli lusuko lwakuchipolelo. ⁸ Lino amwi makani alatala a Jehohazi azyoonse nzyakachita amanguzu aakwe, tazilembedwe na mumalembe anchito zyabaami ba Izilayeli? ⁹ Aboobo Jehohazi wakazikwa amasyanyinakulu akwe ku Samaliya. Jehohashi mwana wakwe nguwe wakaba mwami abusena bwakwe. ¹⁰ Mumwaka wamakkumi otatwe amusanu ayibili yamwami waba Juda, Jehowasyi, bwami bwaJehowasyi mwana wa Jehohazi bwakatalika ku Izilayeli mu Samaliya; wakeendelezya kwamyaaka ilikkumi amusanu awumwi. ¹¹ Wakachita zibi mumenso a Jehova. Takwepe nakasiya nikuba chomwe chazibi zya Jelobbuwamu mwana wa Nebbati, ezyo nzyakachitisya Izilayeli kuti abisye, pesi wakeenda mulinzizyo. ¹² Lino amwi makani aatala a Jehohasyi, azyonse nzyakachita, amanguzu akwe ngakalwanisya mwami waba Juda Amaziya, taalembedwe na mumalembe anchito zyabaami ba Izilayeli? ¹³ Jehowasyi wakazikwa amasyanyinakulu akwe, a Jelobbowamu wakabweza bwami bwakwe. Jowasyi wakazikwa ku Samaliya abaami ba Izilayeli. ¹⁴ Lino Elisya wakachiswa bulwazi bwakwelelezya bwakuti musule wakafwa, aboobo Jowasyi mwami wa Izilayeli wakamuswaya akumulila. Wakamwambila, ''Ndeende wangu, ndeende wangu, inkalaki zya Izilayeli abasimabbiza balikukutola!'' ¹⁵ Elisya wakamwambila kuti, ''Bweza buta amivwi,'' aboobo Jowasyi wakabweza buta amivwi. ¹⁶ Elisya wakaambila mwana wa Izilayeli, 'Bika janza lyako abuta,'' elyo wakabikka janza lyakwe alindilyo. Elisya wakabikka manza akwe amanza amwami. ¹⁷ Elisya wakamwambila, ''Amujule impulungwizyo yakujwe,'' aboobo wakajula. Elyo Elisya wakamwambila, ''Fusa!'' wakafusa. Elisya wakamwambila kuti, ''Oyu muvwi waluzundo lwa Jehova, muvwi wakuzunda ba Alamu, nkambo uyokoma ba Alamu ku Apekki mane ukamaninizye.'' ¹⁸ Elyo Elisya wakati, ''Bweza mivwi,'' nkinkaako Jowasyi wakabweza. Wasikwambila mwami wa Izilayeli kuti, ''Iyumye aansi,'' aboobo wakuuma aansi totatwe, wasikwiima. ¹⁹ Pesi muntu wa Leza wakamukalalila akumwambila kuti, ''Welede kuuma aansi zyindi zyosanwe nikuba zyosanwe achimwi. Elyo walikunozunda ba Alamu mane kobamaninsya, pesi lino uyobakoma tutatu kupela.'' ²⁰ Elyo Elisya wakafwa, bakamuzika. Lino tubunga twaba Mobbayiti bakasala nyika mwaka kuchitalika. ²¹ Kabali kuzika umwi mwalumi, bakabona kabunga kama Mobbayiti, aboobo bakawalila mutunta mukkumbu lya Elisya. Mutunta oyu niwakaguma mafuwa a Elisya, mwalumi oyu wakabuka wimikila amawulu akwe. ²² Heziyeli mwami wa Alamu wakapenzya Izilayeli mazuba wonse a Jehowazi. ²³ Pesi Jehova wakaba aluzyalo kuli Izilayeli, akubafwida luzyalo, nkambo kachizuminano chakwe a Abbulamu, Ayizeki, a Jakkobbu. Aboobo Jehova takabamwaya pe, akubatanda kubuliwo bwakwe. ²⁴ Hazayeli mwami waba Alamu wakafwa, Bbeni Hadadi mwana wakwe mulombe nguwakaba mwami mubusena bwakwe. ²⁵ Jehowasyi mwana wakwe mulombe wa Jehowahazi wakanyanzya Bbeni Hadadi mwana wa Heziyeli myunzi yakali yabwezegwa kuli wisi Jehowazi munkondo. Jehowasyi wakamukoma zyindi zyotatwe, akubweza myunzi ya Izilayeli.