¹ Lino Ahabbu wakajisi bamukowa wakwe balimakkumi musanu aabili mu Samaliya. Jewu wakalemba magwalo akwaatumina ku Samaliya, kubeendelezi baku Jezileli, kubikilizya abasilutwe antomwe abasikubamba balunyungu lwa Ahabbu, kawamboobu, ² ''Basimalelo balunyungu lwenu bali anywebo, alimwi inywebo mulijisi inkalaki amabbiza antomwe achisi chisimide alumamba. Nkiinkako, olu lugwalo mbolutasike biyo kuli ndinywe chakufwambana, ³ musale uyeelede chakwiindilila alunyungu lwa simalelo wenu alimwi mumubike achuuno chawisi chabwami, alimwi mulwanine chuuno chasimalelo wenu.'' ⁴ Pesi bakapengeleka alimwi bakambula obu akkati kabo, ''Amubone, baami bobile techali kukonzeka kuti bimikile kunembo lya Jewu. Eelyo mbobuli mbotunga swebo tulimikila ?'' ⁵ Eelyo mwalumi wakali kulanga chisi, antomwe abasilutwe, kubikilizya abasikukomezya bana, bakatumina ijwi lyakabweeda kuli Jewu, kalyamba oobu, ''Swebo tulibalanda bako. Tuyochita zyoonse ezyo nzyoyotulayilila. Tatukoyobika naba umwi mwalumi mubwami. Kochita ezyo zibotu mumenso oko.'' ⁶ Mpawo Jewu wakalemba lugwalo lwabili kulimbabo, kati, ''Nakamuli kubbazu lyangu, alimwi na muyotelela kujwi lyangu, mulelede kubweza mitwe yabaalumi balunyungu lwasimalelo wenu, alimwi muze kulindime ku Jezileli ijunza chindi echino.'' Lino basimukowa bamwami, makkumi musanu aabili kumweelwe, bakali antomwe abaabo balemekwa baalumi bamuchisi, aabo basikubeeta. ⁷ Elyo lugwalo nilwakasika kulimbabo, bakabweza bana balombe bamwami akubajaya, bantu makumi musanu aabili, babika mitwe yabo muzizuma, alimwi bakazitumina kuli Jewu mu Jezileli. ⁸ Simubweza twambo wakaza kuli Jewu, wakati, ''Biyeeta mitwe yabana balombe bamwami.'' Elyo wakati, ''Amwibike mumalwi obile kumanjililo amulyango mane kukabe kuseni.'' ⁹ Nibwakacha kuseni Jewu wakabbuda aanze akwimikila, alimwi wakati kubantu boonseni, ''Tamukwe chibi pe. Amubone, ndakayeeya bubi atala a simalelo wangu alimwi ndakamujaya, pesi ngwani wakajaya boonse aba? ¹⁰ Kwalino uyelede kubona kuti takwepe bbazu lyajwi lya Jehova, ijwi ndyakaambula aatala empuli ya Ahabbu, elyo liyowida aansi, nkambo Jehova wakachita ezyo nzyakaambula anzizyo kwinda mumulanda wakwe Elayija.'' ¹¹ Elyo Jewu wakajaya boonseni bakacheede mumpuli ya Ahabbu mu Jezileli, alimwi abalumi bakwe bapati, bazolwani bakwe baafwifwi, antomwe aba payizi bakwe, mane do nikwakakusyala kaatachikwepe muntu wakasyala. ¹² Mpawo Jewu wakabuka alimwi weenda, wakaya ku Samaliya. Mpaakamba kusika ku Bbeti Ekkedi yaku mwembezi, ¹³ wakakuswana bakkulana ba mwami Ahaziya. Jewu wakati kuli mbabo, ''Ndinywe bani?'' Bakamusandula, ''Tuli bakkulana ba Ahaziya, alimwi tuyobukunuka kuya kukujuzya bana bamwami antoomwe abana ba Namalelo Jezebbelu.'' ¹⁴ Jewu wakambila bantu bakwe kuti, ''Amubatole kabali bawumi.'' Elyo bakabatola kabali bawumi alimwi bakakubajaya kuchikala cha Bbeki Ekkedi, boonse bakali makkumi aane abantu bobile. Takwepe naba omwe ngwakasiya kapona. ¹⁵ Muchindi Jewu nakazwaawo, wakaswanana a Jehonadabbu keza kuzomusimuna. Jewu wakamujuzya alimwi wakati kulinguwe, ''Imoyo wako ulandime na, mbuli moyo wangu mbuli ayebo?'' Jehonadabbu wakasandula, ''Mbukubede.'' Jewu wakati, ''Kuti kakuli boobo, undipe kuboko kwako.'' Mpawo wakapa Jewu kuboko kwakwe, mpawo Jewu wakatola Jehonadabbu munkalaki yakwe. ¹⁶ Jewu wakati, ''Koboola kulindime alimwi uzobone chiyandisyo changu cha Jehova.'' Mpawo bakagada beenzyania aamwi munkalaki. ¹⁷ Muchindi nibakakusika ku Samaliya, Jewu wakakujaya boonse bakacheede kulunyungu lwa Ahabbu mu Samaliya, mane wakanyoonyona boonse baluzubo lwamulongo wabwami bwa Aahabbu, mbubonya mbuli mbobakabuzizigwe kumatalikilo ejwi lya Jehova, elyo ndyakambide kuli Elayija. ¹⁸ Mpawo Jewu wakabunganisya bantu boonse alimwi wakati kulimbabo, ''Ahabbu wakakomba Bbaalu bunini, pesi Jewu uyomukomba loko. ¹⁹ Lino kwayino kondiitila boonse basinsimi ba Bbaalu, aboonse bamukomba, antomwe abapayizi bakwe. Kutabi naba omwe utakasyale, nkambo ndijisi chipayizyo chipati nchenjanda kupela kuli Bbaalu. Kufumbwa utaleke kusika takoyofutuka pe.'' Pesi Jewu wakazichita ezi chalweeno, kalangilila kunyonyoona aabo bakkomba Bbaalu. ²⁰ Jewu wakati, ''Mubike chindi chakubunganina Bbaalu.'' Elyo zyakazibisigwa. ²¹ Mpawo Jewu wakatumina kuli boonse ba Izilayeli aboonse bakali kukomba Bbaalu bakasika, kwakuti takwepe wakasyaala wakaleka kuza. Bakaza muchikombelo cha Bbaalu, alimwi chakazula kuzwa kuli limwi bbazu kuyosika kuli limbi bbazu. ²² Jewu waakambila mwalumi wakali kubaamba chibikilo chempasya zyamupayizi, ''Amugwisye aanze zyoonse zizwaato zyabakombi ba Bbaalu.'' Elyo mwalumi oyo wakazigwisya aanze wazyeeta kuli mbabo. ²³ Lino Jewu wakiinka a Jehonadabbu mwana mulombe wa Lekkabbu banjila mung'anda ya Bbaalu, alimwi wakati kubakombi ba Bbaalu, ''Amuyandule alimwi mubone kuti akati kenu takwepe mulanda wa Yahuwe, pesi bakombi ba Bbaalu luzutu.'' ²⁴ Mpawo bakanjila mukati kuti bakape chipayilo antomwe achipayizyo chakuumpa. Kwalino Jewu wakali wasala baalumi bali musanu abatatu abo bakiimvwi aanze, alimwi wakabambiila, ''Kuti kwaba umwi mwalumi ngwensyete mumaanza enu utamuloboke, kufumbwa utazumizye oyo mwalumi utaloboke achije, buumi bwakwe buyotolwa kabutolelwa buumi bwayooyo utanoli waloboka wachija.'' ²⁵ Eelyo mpawo chakufwambana Jewu mbwakamaninsizya kupayila chipayizyo chakuumpa, wakati kuli sikulinda akuli basilutwe, ''Amunjile mukati mukabajaye. Kutabi naba omwe utazwe aanze.'' Mpawo bakabajaya boonse atufulo tubosya, alimwi basikulinda abasilutwe bakabasowela aanze alimwi bakanjila mung'anda yamukati ing'anda ya Bbaalu. ²⁶ Bakakwelela aanze ibbwe lyaminsi eyo yakali mung'anda ya Bbaalu, alimwi basikuba tenta. ²⁷ Mpawo bakatontela aansi munsi wa Bbaalu, alimwi bakamwayula ing'anda ya Bbaalu alimwi bakichita busena busofweede, mbochichibede ambuli sunu. ²⁸ Mbombubo Jewu mbwakamwayula bukombi bwa Bbaalu kuzwa mu Izilayeli. ²⁹ Pesi Jewu takwepe nakasiya zibi zya Jelobbowamu mwana mulombe wa Nebbati, mukuchita obu wakeetelezya Izilayeli kuti ibisye - chamba kuti, bukombi bwaching'ombe changolide mu Bbetele amu Dani. ³⁰ Elyo Yahuwe wakati kuli Jewu, ''Nkambo wakachita obotu mukugwisya zyakaluleme mumenso aangu, alimwi wakachita kung'anda ya Ahabbu mbuli zyoonse zyakali mumoyo wangu, baluzubo lwako bayokkala bwami bwa Izilayeli mane kuyosika kuzyalane lyaane.'' ³¹ Pesi Jewu takwepe nakayanda kweenda mumilawu ya Yahuwe, Leza wa Izilayeli, amoyo wakwe woonse. Takwepe nakasanduka kuzwa kuzibi zya Jelobbowamu zyakeetelezya kuti Izilayeli ibisye. ³² Mumazubayo Yahuwe wakatalika kufwiinsya masena amu Izilayeli, alimwi Hazayeli wakazunda ba Izilayeli amigaano ya Izilayeli, ³³ kuzwa kubuzwezuba bwa Jolodani, enyika yoonse ya Giliyadi, ba Gaditisi, antomwe aba Lebbeni, kubikilizya aba Manasiti, kuzwa Alowe, eyo iili mu Musena wa Aanoni, kwinda mu Gilyadi kusika ku Bbaasani. ³⁴ Kumakani amwi atwambo twendelana a Jewu, azimwi ezyo nzyakachita, anguzu zyakwe zyoonse, tazilembedwe na mubbuku lyamakani achiindi chabaami ba Izilayeli? ³⁵ Jewu wakoona abasikale bakwe, alimwi bakamuvwikka muSamaliya. Nkabela Jehohazi mwana wakwe mulombe nguwakalya bwami bwakwe mubusena bwakwe. ³⁶ Chindi Jewu nchakendelezya Izilayeli mu Samaliya chakali makkumi aabili amusanu -ayitatu minyaka.