¹ Mumwaka wamusanu ayibili, Jehoyiyada wakatondezya nguzu zyakwe alimwi wakanjila muchizuminano abasilumamba ba myaanda, Azaliya mwana mulombe wa Jelohamu, Ishumayeli mwana mulombe wa Jehohanani, Azaliya mwana mulombe wa Obbedi, Maseyiya mwana mulombe wa Adayiya, antomwe a Elishafati mwana mulombe wa Zikkili. ² Bakayinka ku Juda akubunganya ba Levi kuzwa mumyunzi yoonse ya Juda, akubikilizya abasololi ba n'anda yabasikale ya Izilayeli, alimwi bakaza ku Jelusalemu. ³ Yoonse imbungano yakachita chizuminano a mwaami mun'anda ya Leza. Jehoyiyada wakabambila kuti, ''Amubone, mwana mulombe wamwaami uyoyendelezya, mbuli mbwakaamba Jehova kazilangene alunyungu lwa Devidi. ⁴ Echi nchicho nchayelede kuchita: Chisela chatattu chenu chaba payizi aba Levi baza kunoyendelezya musabata banoli balindizi amilyango. ⁵ Chimwi chisela chatatu banoli aan'anda yamwaami, alimwi bamwi chisela chatatu banoli Amulyango wantalisyo. Boonse bantu banoli mulubuwa lwan'anda ya Jehova. ⁶ Mutakazumizya naba umwi akkati kanu kuti akanjile mun'anda ya Jehova, kusiya bapayizi aba Levi batanoyendelezye. Balelede kunjila nkaambo balasalala. Pesi boonse bantu bambi balelede kulemeka milawo ya Jehova. ⁷ Ba Levi balelede kuzyunguluka mwaami kumabazu woonse, awumwi muntu kajisi chilwanyo mumaanza akwe. Kufumbwa utakasike mun'anda, ngakajayigwe. Mukakkale a mwaami nayosika mukati alimwi anayobbuda anze.'' ⁸ Mpawo ba Levi aba Juda boonse batanoyendelezye munzila zyoonse bakachite mbuli mbakalayilila Jehoyiyada mupayizi. Awumwi wakabweza bantu bakwe, abo bakalikuza kuzobeleka mubuzuba butegwa Sabata, aboonse abo balikunoleka kubeleka mubuzuba ibutegwa Sabata, nkambo Jehoyiyada mupayizi takayungizya kufumbwa mipampo mipampo yabo. ⁹ Elyo Jehoyiyada mupayizi waketa kuli basilutwe bampi masumu amanini antobo mpati zyakali zyamwaami Devidi ezyo zyakali mun'anda ya Leza. ¹⁰ Jehoyiyada wakabikka basilumamba boonse, awumwi muntu achilwanio chakwe mukuboko kwakwe, kuzwa kulubazu lwakululyo lwatempele kusikila kulubazu lwakuchimweensi lwatempele, kumbali achipayililo chatempele, kabazyungulukide mwaami. ¹¹ Elyo bakeeta mwana mulombe wamwaami, bakamubika musini, akumupa chizuminano chamulawo. Mpawo bakamuchita mwaami, alimwi Jehoyiyada abana bakwe balombe bakamunanika. Mpawo bakamba kuti, ''Ngawongole mwaami.'' ¹² Muchindi Ataliya nakamvwa kuyowela kwabantu kabachijana akulumbayizya mwaami, wakeza kubantu mun'anda ya Jehova, ¹³ alimwi wakalanga, mpawo, wakabona mwaami wakalimvwi amusemu wakwe kumanjililo alimwi basilutwe abasikulizya mweembo bakali a mwaami. Bantu boonse munyika bakali kubotelwa akusiba myeembo, alimwi basikwiimba bakali kuuma zibelesyo zyakulumbayizya akwendelezya kwimba kwakulumbayizya. Eelyo Ataliya wakadabuula zisani zyakwe akoompolola, ''Nkubisizya chisi oku ! Nkubisizya chisi !'' ¹⁴ Mpawo Jehoyiyada mupayizi wakeeta basilutwe ba miyanda bakali kulanga basilumba akwaamba kuti kuli mbabo, ''Amumugwisye akati kamatente; kufumbwa uyomutobela, akajayigwe a panga.'' Nkambo mupayizi wamba kuti, ''Mutakamujayili mun'anda ya Jehova pe.'' ¹⁵ Mpawo bakamukwela nakenda kumanjililo amulyango wamabbiza wan'anda yamwaami, alimwi oko bakamujaya. ¹⁶ Elyo Jehoyiyada wakachita chizuminano lwakwe mwini, bantu boonse, amwaami, kuti belede kupa bantu ba Jehova. ¹⁷ Aboobo bantu boonse bakaya kun'anda ya Bbaali akuyoyimwaya. Bakapwachuula zipayilo zya Bbaali amituni yakwe, alimwi akujaya Matani, mupayizi wa Bbaali, kunembo ezipayililo ezyo. ¹⁸ Jehoyiyada wakasala babelesi ban'anda ya Jehova kunsi akuboko kwamupayizi, bakali ba Levi, abo Devidi mbakatuma kun'anda ya Jehova, kuti bakape zipayizyo zyakuumpa kuli Jehova, mbuli mbukwakalembedwe mumulawo wa Mozesi antomwe akubotelwa akwiimba, mbubonya Devidi mbwakapede malayilile. ¹⁹ Jehoyiyada wakabikka balindizi kumilyango ya n'anda ya Jehova, mpawo takwe pe nikuba wakasofwede nikuba mulimwi nzila wakali kukonzya kunjila. ²⁰ Jehoyiyada wakabwezelezya basilutwe ba myaanda anguwe, balemekwa, baleli babantu, abantu boonse banyika. Wakeeta mwaami kuzwa kun'anda ya Jehova; bantu bakazida kumulyango wakujulu wen'anda yamwaami alimwi bakakkazika mwaami achuuno chabwami. (zimwi zyalino lino zyasandululwa nzila, bakeeta mwaami) ²¹ Mpawo bantu boonse bamunyika bakabotelwa, alimwi muunzi wakaba muchumunizi. Mbuli kuti Ataliya, bakali bamujaya apanga.