¹ Jehosafati mwana wa Asa nguwakazoba mwaami mubusena bwakwe. Jehosafati wakaliyumya kukulwisya ba Izilayeli. ² Wakabikka basilumamba mumabaya woonse amyuunzi ya Juda, alimwi akubikka basilumamba munyika ya Juda amumyunzi ya Efulemu, eeyo Asa wisi njaakajata. ³ Jehova wakali a Jehosafati nkambo wakeenda munzila intaanzi yawisi Devidi, alimwi tewakalanguula ba bbaali. Amwi malembe taakwe Devidi, bumwi bupanduluzi bwakasiya kunze. ⁴ Kunze kwaboobo, wakabika moyo kuli Leza wa Wisi, akwenda amumilayizyo yakwe, kutali kuchita mbuuli munzila yaba Izilayeli. ⁵ Mpawo Jehova wakabumba mulawu mujanza lyakwe; ba Juda boonse bakaleta zipo kuli Jehosafati. Wakali abuvubi abulemu bwiingi. ⁶ Moyo wakwe wakali lipedelede munzila zya Jehova. Alimwi wakagwisya masena aatala amisemo ya Ashela kuli Juda. ⁷ Mumwaka watatu wabwendelezi bwakwe wakatuma basimilimu bakwe Bbeni-Hayili, Obbadiya, Zekkaliya, Netaneli, a Mikkayiya, kuti bayiisye mumyunzi ya Juda. ⁸ Bakali aba Levi: Shemayiya, Netaniya, Zebbadiya, Asahelu, Shemilamoti, Jehonatani, Adonija, Tobbija, a Tobbu-Adonija; ambakali abo bakali bapayizi Elisama a Jolamu. ⁹ Bakayiisya mu Juda, kabajisi bbuku lyamulawu wa Jehova ambabo. Kabaya bweenda mukati kamyunzi yoonse ya Juda akuyiisya akati kabantu. ¹⁰ Chiyoosyo cha Jehova chakawida bwami boonse bwanyika ezyo zyakazyungulukide Juda, kuti batachitili Jehosafati inkondo. ¹¹ Bamwi baba Filisitiya baketela Jehosafati zipo, ansiliva mbuli zipo. Ba Alabbiya abalabo bakamwetela matanga ambono 7,700 bagutu bambelele aa 7,700 mpongo. ¹² Jehosafati wakaba singuzu mpati. Wakayaka maanda amyuunzi yaziyoobwedo mu Juda. ¹³ Wakali ambono zyiingi mumyunzi ya Juda, abasilumamba-basimide, baalumi basinguzu - mu Jelusalemu. ¹⁴ Eezi zyakali zimpanzi zyabo zilembedwe azina lyamaanda awisi: Kuzwa kuli Juda, mupati wazyuulu; Adina mupati ambaakali aabo 300,00 baalumi basikulwana. ¹⁵ utobela kuli nguwe Jehohanani mupati wenkondo ambakali aabo 280,000 baalumi; ¹⁶ utobela kuli nguwe Amasiya mwana mulombe wa Zikkili, ooyo iwakalipeda kuyanda kubelekela Jehova; ambaakali abo 200,000 baalumi basikulwana. ¹⁷ Kuzwa kuli Bbenjamini: Eliyada, mwalumi singuzu iwakali achamba, antomwe ambakalabo bali 200,000 balumi bakalibambilide ezilwanisyo bakajisi buta antobo; ¹⁸ utobela nguwe wakali Jehozabbadi, ambakali abo 180,000 balibambilide inkondo. ¹⁹ Aaba mbakali aabo bakabelekela mwaami, kuzwa kwabaabo mwaami mbakabikkide mumabaya amumyunzi yoonse ya Juda.