¹ Mumwaka wamakumi aatatu amusanu awumwi wabwendelezi bwa Asa, Bbaasha, mwaami wa Izilayeli, wakatondezya chabukali aatala a Juda akuyaka Lama, kuti aleke kuzuminina naba uumwi kuzwa na kunjila munyika ya Asa, mwaami wa Juda. ² Elyo Asa wakagwisya nsiliva angolida aanze aamanda aakubikila mun'anda ya Jehova amun'anda yamwaami, akwiitumina kuli Bbeni Hadadi mwaami wa Alamu, ooyo wakali kukkala mu Damasikkasi. Wakaamba kuti, ³ ''Aakube chizuminano aakati kangu anduwe, mbuli mbukwakabede aakati kataata awuso. Bona, ndatumina kuli nduwe nsiliva angolida. Tyola chizuminano chako, aa Bbasa, mwaami wa Izilayeli, kuti andisiye endikke.'' ⁴ Bbeni Hadadi wakaswilila kuli Asa akutumina bapati bampii atala amyuunzi ya Izilayeli. Bakalwanisya Ijoni, Dani, Abbelu Mayimu, Busena butegwa Abbelu Mayimu mbombubonya butegwa Abbelu Bbeti Maakka. Langa 2 Samiyele 20:14-15, amadolopo woonse amaatala aa Nafitali. ⁵ Kwakaba kuti Bbasa nakamvwa eechi, wakaleka kuyaka Lama akuleka mulimu wakwe. ⁶ Eelyo mwaami Asa wakabweza ba Juda boonse anguwe. Bakagwisya mabwe amatanda aa Lama nzyakali wayasya madolopo Bbasa. Eelyo mwaami Asa wakabelesya zibelesyo nzizyonya kuyaka Gebba a Mizipa. ⁷ Kuchiindi echi Hanani sichilengano wakayinka kuli Asa, mwaami wa Juda, akwaamba kuti kulinguwe, ''Nkambo wakasyoma aamwaami wa Alamu, akutasyoma aali Jehova Leza wako, impii ya mwaami wa Alamu yapuzuka kuluboko lwako. ⁸ Sena ba Kkusyi aba Libbiya tebakali impii mapti, ankalaki zyiingi abeenzyi bamabbiza na? Nekuba boobo, nkambo wasyoma aali Jehova, wakakupa luzundo aalimbabo. ⁹ Nkaambo meso a Jehova alalanga langa koonse konse munyika yoonse, kuti alitondeezye nguzu muchibela chabaabo bali amyooyo iluleme kuli nguwe. Pesi muliyeeyi nkani wachita mbuli mufuba fuba. Kuzwa lino kaziya, uyooba ankondo. ¹⁰ Eelyo Asa wakanyemena sizilengano; wakamubika muntolongo, nkambo wakamunyemena aatala ankani eeyi. Kuchiindi nchichonya, Asa wakadyamizya bamwi babantu. ¹¹ Aamubone, milimu ya Asa, mitaanzi ayakumamanino, amubone, ililembedwe mubbuku lya baami ba Juda a Izilayeli. ¹² Mumwaaka wamakkumi aatatu amusanu aane mwaka wabwendelezi bwakwe, Asa wakajatwa aachilwazi mumawulu aakwe. Nekuba kuti chilwazi chakwe chakali chipati, taakwe nakalangula lugwasyo pe kuli Jehova, pesi kubasondi. ¹³ Mpawo Asa wakoona abasikale bakwe, wakafwa mumwaaka wamakkumi aane awumwi wakwendelezya kwakwe. ¹⁴ Bakamuvwika mukabanda kakwe, nkaakali walisyida mumuunzi wa Devidi. Bakamu woneka aabulo obo bwakazwide bweema bubotu atununkilizyo twamisyobo twakabambidwe ababambi batununkilizyo. Eelyo bakamuchitila mulilo mupati mululemeko lwakwe.