¹ Peru lii guní de ni naca casi pe modo gudxe lii. ² Ca bini gola naquiñe gapa xpia ca, gaca ca ni zanda, ni nachaui, guzuhua dxichi ca lu guenda runi cre', lu guenda ranaxhi ne lu guenda ribesa. ³ Ca gunna gola laaca naquiñe guchiña ca laaca laaca casi guna runi respetar, cadi ma canani' ca xtobi, cadi naquiiñe gaca ca ni cá yaga lu vinu. Naquiiñe gusiidi cabe ni jneza ⁴ Para guziidi cabe ca badudxapa ganaxhi ca ne guenda nachaui ca xheela ca ne ca xhiiñi ca. ⁵ Naquiiñe gusiidi cabe laaca gaca ca nachaui, nayaa, ni runi tender lidxi jneza, ne guzuba ca didxa xti xheela ca. Laacabe naquiñe guni cabe ca ndi para que xtidxa Diuxhi cadi cu'di guiruti laa. ⁶ aqueca cayaabe ca badunguiu gaca ca nachaui. ⁷ Lu de guira bichiña laaca lii casi ti ni runi dxiña nachaui; ne ora gusiidi lu, bilui naca lu jneza ne ni zanda laa. ⁸ Guní ti xtidxa Diuxhi ni gaca nazaaca ne ni guiruti que zanda cu' xqueja, para tutiica ni gucá lu ni, guitui lu, ti purti que gapa xhiixha ni nadxaba ni guiní de laanu ⁹ Ca ni runi dxiña sin guiaxha ca, naquiiñe guzuuba tu xtidxa xpixhuana tu lu de guira. Naquiñe guni tu ni racaladxi cabe ne cadi gucabi rua tu laacabe. ¹⁰ Laacabe cadi naquiñe cuana cabe, laga nga la?, naquiñe gului cabe guira guenda runi cre' jneza, para ganda lu de guira modo guzuchaui cabe guira ni cuziidi nu de Diuxhi ni bilá laanu. ¹¹ Ti purti guenda nachaui xti Diuxhi ma bihuini luguia de guira binni. ¹² Laani rusiidi ni laanu cue' nu guira guenda que ria' ne guira ni riuladxi binni guidxilayu'. Ruziidi laanu guibani nu ne guenda nachaui, jneza, ne guenda ria' guira dxi ¹³ Laga cayuuya nu delante para guica nu ni cabeza nu ni naca ndaya, ra guihuini guenda nandxo xti Diuxhi ni naro'ba ne ni bilá laanu, Jesucristu. ¹⁴ Jesus bidii laaca laa pur laanu, para gudxigueta laanu de lu guira ni cadi nexhe chaui ne guzia chaui laanu, para laaca laa, binni ni risaca ni iza racaladxi guni dxiña sicaru. ¹⁵ Guni' ne biziene ca ndi. Gudxi laacabe ra cuche cabe ne guira guenda ni bidii Diuxhi lii. Cadi gudi lu guiruti gunili huaxhie.