¹ Ra ma xhoopa' gubidxasi riaadxa ti gueendandá nabaan a la? beeda' Jesús Betania,guidxi ra nuu Lázaro,ni laabe gundisabe lade ca gue'tu'. ² Ngue runi bisiguedacabe goxhinecabe laabe raque',ne Marta la?laabe nga caguube ni gó ca' ne cagaabe ni gueca',ne Lázaro naca tobi ca ni zubane Jesús. ³ Raqué gucuaa Maria caadxi nisa zizi xti' nardo nagaguie' ni risaca xtale ne guxubibeni ñee Jesús ne raca la? bicuíídxíbe cañee Jesús ne ca guichaquebe.Bireecheca xho' naxhique guidubinaca n daaní' yooque. ⁴ Judas Iscariote,tobi de ca discípulo xtíbe,dxa ni chígudxíídeche laade que la?guni' sícarí': ⁵ ¿Xi ñee ndi que nidoo nisa ziziri' pur chonna gaguaa denaríu ne zaca nudíínu ca bídxíchíca cani huaxíe' napa pue? ⁶ Huaxa laabe guní' be sícaca la? tí nacabe gubaana,ne cadidí' tí rítuube xízaa runí ca ni huaxíe' napa:laabe ngue gupabe ra bídxá ca bídxíchíque ne gulanabe luni. ⁷ Jesús guni':zaanuube,tí laabe huayapabeni ra ñedanda' dxi naa nígache'. ⁸ Laatu guirá' dxi zapatu gaxha caní huaxíe' napa ne laatu,huaxa cadí guírá'dí dxí zapatu naa. ⁹ Gunnaca xtale Judío nuube raqué ne beedaca,ne cadi ti runísí Jesús,zaqueca tí guugaca Lázaro,ni Jesús gundísa lade ca gue'tu'. ¹⁰ Ca sacerdote gola la? bísíguendaca ti zaca ganda guutíca ne Lázaro. ¹¹ Ti runi Lázaro nga xtale Judíu guyeca ne binícréca Jesús. ¹² Xtí dxique guiza' xtale binni beeda' ra saaque.Ra binadíagabe zeeda Jesús Jerusalén la? ¹³ biruuxhacacabe bandaga ziña ne yechagalucabe laabe ne guni'cabe sícarí:"¡HOSANNA! GUISACA NI ZEEDA LU LÁ DIUXI,NI NACA XA IQUE XTI' ISRAEL. ¹⁴ Jesús la? bidxelabe ti burruhuiini' ne gudxi' babe laa;casica gucuá dxiqué: ¹⁵ "CADI GUIDXI'BU' SION,BI YA',RACA ZEEDA XA IQUE XTILU',ZUBA LUGUIA' TI BURRUHUIINI'. ¹⁶ Oraqueca la?qui ñenedi' ca discípulo xtibe ca diidxa'que,huaxa ra bisísacacabe la Jesús la? beedasilúca laacabe Jesús ngue nga caní'cabe lu ca diidxa'gucuaque ne laacabe bí'nícabe ca ngue guícaabe. ¹⁷ Yanna guiraxixe binni ni guyuune laabe ra gudxíbe Lázaro guiree ndaaní' baque ne zaque guín dísabe laa lade ca gue'tu'que la? cani'ca guirá' ni bi'yaca'. ¹⁸ Ne zaqueca runi ni bizaca raqueque la? guye' guiraxixee bínníque yechagulú laabe ti bínadíagaca laabe ngue bi'nibe dxa señalque. ¹⁹ Ngue runi guni' lisaa ca Fariseu sícarí': laguuya,gaxtidi' que zanda gunitu yanna,ma guirá' bínníca zínanda laabe. ²⁰ Guyuu caadxi griego lade ca binni ni gudxi'ba' ra saaque ne cusisacaca Jesús. ²¹ Ca grieguque la? guyeca ra nuu Felipe ni zeeda' de nadaani' guidxi Betsaída ní nuu Galilea, ne gunabadiidxa'cabe laa: Tiu, nuudu guuyadu Jesús. ²² Guyeca Felipe yetidxini Andrés,ne guiropacabe ye ti dxicabeni Jesús. ²³ Bicabi Jesús laacabe sícarí': Ma beedanda' dxi ra Xhiñi Binniguidxilayú gusisaca cabe lá. ²⁴ Ddxandi' dxandipe' nga ni cayabe' laatu di'i pa que ti bií dxi que guíaba lu layú ne gatini la? ziaanani xtubini,huaxa pa gatinisini la? zudiini xtale cuanana xhi. ²⁵ Ni nadxii xquendanabani la? zunitini, huaxa ni rixhacala' dxi' guendanabani napa ndaani' guidxilayúdi' la? zapa ti guendanabani ni que ziuu dxi guiluxe. ²⁶ Pa tu laa cayuni dxiiña' para naa la? sánanda naa,ne ra naa chuaa' la? racaca ziuu ni cayuni dxiiña para naa ca. Pa tu laa guní dxiiña' para naa la? zudxiiba bixhoze' laa. ²⁷ Yanna cadi nuudxidi' ladxidua': ¿ne xindi zanda guinie' ya'? Bixhoze',bilá naa nagasídí la? Ti para tidení nga naa beedan daya' rari'. ²⁸ Bixhoze',guísaca lalu'.Raque beedandá ti ridxi de guiná' ne guni' sicari': naa huayusisaca laabe ne susisacarua' laabe. ²⁹ Guiraxixe ca binni ni nuu raqué ne binadiagaca ridxi que la? guni' ti rayu ngue dxa ridxi guxidxique.Ne zaqueca guyuu tu guni' sicari': guni'ne ti ángel laabe. ³⁰ Bicabi Jesús ne guni':ridxi gucuáca la? cadi gunidi naa nga gucuani,guni laatu nga gucuani. ³¹ Yanna huaxa ma beedandá dxi gaca guira' ni nexhe chigaca.Yanna huaxa ma beedandá dxi ra xa ique xti' guidxilayúdi' guila ti ladu. ³² Ne Naa,ra ma guiasa de ndaani' guídxílagudi la?zabidxe guiraxixe ra nuaa. ³³ Ra guni'be zaque la? bisiacabe diidxa' xi guendaguti chigapabe. ³⁴ Ca binnique la? bicabi laabe sicari': Laadu huayuna diagadu cá lu xtiidxa' Diuxi que ziuudi dxi gati cristu.¿xi ñee ndi caniu'naquiiñe' nga guiasa xiiñi' binni guidxilayúca pue?¿Tu laa ndi naca xiiñi' binni guidxilayúca ya'? ³⁵ Raque bicabi Jesús laacabe sinarí':ziuuneru' biaani' laatu xcaadxi na'.Lasá laga naparutu biaani'ca,ti cadi malasi gutaagu guelacahui guiratu.Ni rizá lu guelacahui la? qui gannadi' pa neza ze'. ³⁶ Laga napatu biaanica la?laguni cre biaanica ti zaca gacatu xiiñi' biaani'.Ra biluxe guni'be ca diidxaque la? bireebe zeebe ne bicachilube de laaca. ³⁷ Ne ca Jesús bilui' laacabe xtale guendanandxó la? nin ne zaque qui ñunicrédicabe laabe ³⁸ ti guireeni modo guni' profeta Isaias,ra laa guni':"DIUXI,¿TU LAA HUAYUNICRE' DIIDXA' BISEENDANU YA'? ¿TU LAA HUASIGAA NÁ' DIUXI IU NE GULUI'BE LAA GUENDANAN DXO' XTIBE YA'?. ³⁹ Ngue runi laacabe que ñandadi' ñunicrecabe ca diidxa' que,ti zaqueca guni' Isaias sícarí': ⁴⁰ "LAABE BISICHEEPABE LÚCA',LAABE BIQUIDXIBE LADXIDO'CA,PA CA IA? ÑUUYACA NE ÑENECA' NE LADXIDO'CA,NE ÑACACABE XPINNI DIUXI NE DIUXI NUSIANDA LAACABE. ⁴¹ Guni' Isaías ca diidxa'ca ti laabe biiyabe guendanandxo' xti' Jesús ne guni'be de laa. ⁴² Ne neca zaqué,guyuu xtale de ca xaique ni binicréca Jesús, xisi runi ca Fariseu la? laacabe que nibee ruaadicabe diidxa',ti bidxibicabe ni ladxicabe laacabe de ndaani' ca yuduhuiinique. ⁴³ Laacabe jma' gunaxhiicabe guenda darusisaca xti' binni guidxilayú,jma que guendarusisaca xtí' Diuxi. ⁴⁴ Bicaa Jesús ridxi ne guni':"Ni runicré naa la? cadi naasia' runicré,laaca runicré ni biseenda' naa, ⁴⁵ Ne tu laa ruuya' naa la? cayuuyaca ni bis eenda naa. ⁴⁶ Naa naca biaani' ne be dandaya ndaani' guidxilayú ti zaca cani runicré naa la? que guibanidica' ra nacahui. ⁴⁷ Pa tu laa runadiaga ca xtiidxa' ne qui runi ni rabe la?Naa qui zudxiibadia' donda ique,ti naa cadi bee da gudxiibadia' dnda ique binni guidxilayu',naa benda' ti zaca guiaya' laaca. ⁴⁸ Ni rudxigueta naa ne que ricaa ne que ricaa ca xtiidxa la? ma napa tu laa gu dxiiba donda ique: ca diidxa' ni naa ma gunie' ca nganga zu dxiiba' donda ique ora ma guendadá dxi. ⁴⁹ Ti cadi naadia' nga gunie' guirá' ca diidxaca,bixhoze' ni biseenda naa laabe nga gudxibe naa xi guirá' guinie. ⁵⁰ Ne nana' guiá' ca xtiidxabe nacacani guendanabani, ti guirá' ni rinie' la? rinie' cani casica laabe rabibe cani naa.