¹ Andüüb miün, Jonás tandeacanaag makiiüb TEAT, MiDios nej, imiün teomeaats xeech cüet. ² Nej tapiüng: "Tanapaj minüt Teat andüy wüx xeyay monteomeaats samongoch quiaj Nej tangoch sandeac; ¡Sapaj napac mimbeol xic imiün tiül pojniüwüy Warraj Oxiüt! Ique tenguiay sandeac. ³ Landoj melox xic tiül najal omal ndec, marrey tiül najal omeaats ndec, acuiür miyow ndec ayey xic tiüt; meáwan nadamüy omal ajponch among wüx ximbás. ⁴ Xique tapiüngás: "Iniiüg lango majaw xic; masey atquiaj sanandilil najaw andüy nguiane ajlüy minangaj iüm" ⁵ Miyow ndec lamapal xic tiüt lapeay wüx xenic; lamayey xic tiüt najal ndec; lawinchay wüx xemal misoex ndec. ⁶ Tsoyotós tiüt tindec tanatüch nguiane witiow owil tiüc; mimanchiüc loliüt tapalüw xic nomiün. ¡Nganüy ique TEAT, XEDIOS tewün xic tiül najal loliüt saliün napac! ⁷ Wüx xemal xemeaats tandeow tiül xic, xemal tapaj minüt TEAT; ndoj miün leaw sandeac tapeay Niüng Ijlüy, tiül minangaj iüm. ⁸ Lamacueatiw nomiün mimonajneaj ajcüwa ajawüw narangüch dios ajawayej nejiw miün quiaj. ⁹ Xique nganüy, sanatsüen soen apac xemeaats sanayac nichech wüx Imbás; sanarang leaw lanayac xepoch nasaj ic. ¡Imiün wüx TEAT DIOS leaw apmawün wüx nipilan! ¹⁰ Ndoj miün, TEAT DIOS tendeac masaj a cüet quiaj tamb majtiür wüx nawaag iüt a Jonás.