¹ وَعْلَى هَذِي نْخَلُو اَلْبِدَيَة تَاعْ كْلاَمْ اَلْمَسِيحْ، وُنْكَمْلُو لَلْقُدَامْ بَاشْ نْكُونُو كَامْلِينْ، وُمَانْحَطُوشْ سَاسْ تَوْبَتْنَا بْأَعْمَالْ مَيْتَة، وَالْإِيمَانْ بَالله، ² وُتَعْلِيمْ تَاعْ اَلْمَعْمُودِيَة، اَلصْلاَةْ وُحَطْ اَلْيَدِينْ، قِيَامَةْ اَلْأَمْوَاتْ، وُيُومْ اَلْحِسَابْ، ³ وُهَادْ اَلشِي لِي غَادِي نْدِيرُوهْ، إِلاَ بْغَا الله. ^{4 6} عْلَخَاطَرْ لِي عَرْفُوا الله، وُنَالُوا هِبَةْ الله مَنْ اَلسْمَا، وُوَلاَوْ فِي شَرِكَة مْعَ اَلرُّوحْ اَلْقُدُسْ، وُذَاقُو كَلِمَة الله اَلصَالْحَة، وُعَرْفُوا قُوَة الله لِي مَاتَفْنَاشْ، ⁵ وُنَكْرُوا إِيمَانْهُمْ، مَاقَدْرُوشْ يْتُوبُوا مَنْ جْدِيدْ، عْلَخَاطَرْذَلُو نَفْسْهُمْ وُصَلْبُو يَسُوعْ اَلْمَسِيحْ مَنْ جْدِيدْ. ⁷ كِي التْرَابْ لِي بَزَافْ رْوَى لْمَّا نْتَاعْ اَلنُو، وُمَدْ حْشِيشْ صَالَحْ لَلنَاسْ لِي تْخَدْمْ عْلَجَالْهُمْ، هُوَ يْمَدْ بَرَكَة مَنْ عَنْدْ الله. ⁸ بَصَحْ إِلاَ مَدْ اَلسَدْرَا وَالشُوكْ، يْرَفْضُوه وُخَاصْ غِيرْ يَلَعْنُوه، وَلِي يَتْنَحَا مَنَهْ يْقِيسُوهْ فَي النَارْ. ⁹ وَحْنَا عَارْفِينْ مَنْ جِيهَتْكُمْ يَاحْبَابْنَا صْوَالَحْ مْلاَحْ، لِي تْخُصْ اَلسْلاَكْ وَالْإِيمَانْ، حَتَى وُإِلاَ قُولْنَا هَادْ اَلشِي. ¹⁰ وَالله مَايَظْلَمْشْ بَاشْ يَنْسَى خَدْمَتْكُمْ وُالتْعَبْ نْتَاعْ لَمْحَبَةْ لِي بَيَنْتُوهَا لله، كِي رَحَبْتُو وُإهْتَمِيتُو بَالْقِدِيسِينْ وُمَازَالْ تَهْتَمُو بِيهُمْ. ¹¹ وُنَتْمَنَاوْ بَاشْ كُلْ وَاحَدْ فِيكُمْ يَبَيَنْ هَادْ اَلْإِجْتِهَادْ وُيْثَبْتُو فَي الرَّجَاءْ حَتَى لَلتَالِي، ¹² بَاشْ مَاتْكُونُوشْ فَنْيَانِينْ بَصَحْ تَتْشَبْهُوا بْهَادُوكْ لِي يْوَرْثُو وَعْدْ الله بَالْإِيمَانْ. ¹³ وُالله مَلِي حْلَفْ لْإِبْرَاهِيمْ، حْلَفْ لَهْ بْأَسْمَهْ اَلْقُدُوسْ عْلَخَاطَرْ مَكَاشْ إِسْمْ وَاحَدْ اَخَرْ عَظِيمْ، ¹⁴ وُڤَالَهْ: «بَالْبَرَكَاتْ نْبَارْكَكْ، وُنْكَثَرْ ذُرِيْتَكْ». ¹⁵ وُهَكْذَا صْبَرْ، وُنَالْ لِي وَعْدَهْ لَهْ الله. ¹⁶ وُالنَاسْ تَحْلَفْ بَالْلِي كْبِيرْ، وُالْحَلْفْ هُوَ لِي يْخَلِي اَلْمُشْكَلْ يَخْلاَصْ. ¹⁷ وُهَكْذَا تَانِي كِي الله حَبْ يَثْبَتْ وَعْدَهْ لَلنَاسْ لْلِي يْوَرْثُوهْ، كَانْ يَحْلَفْلْهُمْ. ¹⁸ وُكِي الله يَوْعَدْ وُيَحْلَفْ، هَادُو اَلزُوجْ كِي الله يْڤُولْهُمْ مَايَتْبَدْلُوشْ وُمَايْكَذْبْشْ فِيهُمْ، وُهَادْ اَلشِي يْعَزِينَا وُيْخَلِي اَلرَّجَاءْ نْتَاعْنَا ثَابَتْ فِيهْ كِي نْجِيوْ عَنْدَهْ، ¹⁹ وُهَادْ اَلرَجَاءْ كِيمَا اَلْمَرْسَاةْ نْنَاعْ اَلسَفِينَة لِي يْخَلِيهَا ثَابْتَة وُمَاتَتْحَرَكْشْ، وُلِي يْرُوحْ مُورْ الَحْجَابْ تَاعْ اَلْمَوْضِعْ لْمُقَدَسْ، ²⁰ وِينْ دْخَلْ يَسُوعْ عْلَجَلْنَا حْنَا بَاشْ يَسَلَكْنَا، وَلَي كَاهَنْ كِيمَا مَلْكِي صَاَدْق، رَايَسْ كَهَنَة لِلَبْدَا.