¹ مَلاَ لاَزَمْ نْرَدُو بَالْنَا، مَادَامْ اَلدَخْلَة لْرَاحَة الله كَايْنَة، يَضَنْ كَاشْ وَاحَدْ بَلِي هُوَ تْحَرَمْ مَنْهَا! ² عْلَى خَاطَرْ حْنَا ثَانِي سْمَعْنَا بْلَخْبَرْ لِي يْفَرَحْ كِيمَا جْدُودْنَا بَصَحْ مَانَفْعَتْهُمْشْ، عْلَخَاطَرْ كِي سَمْعُوهَا مَابْغَاوْشْ يْأَمْنُوا بِيهَا، ³ وُحْنَا لِي مْأَمْنِينْ بِيهْ رَاحْ نَدَخْلُو لَلْمَلَكُوتْ، كِيمَا ڤَالْ: «حْلَفْتْ فِي زْعَافِي، مَايْدَخْلُوشْ لَرَاحَة نْتَاعِي» وَحْنَا عَارْفِينْ اَلْخِدْمَة تْكَمْلَتْ مَلِي تْخَلْقَتْ اَلدَنْيَا، ⁴ وُ ڤَالْ فَي مَوْضِعْ وَاحَدْ اَخَرْ عْلَى اَلنْهَارْ اَلسَابَعْ هَكْدَا: « وُرَيَحْ الله فَي النْهَارْ اَلسَابَعْ مَنْ ڤَاعْ وَاشْ خْلَقْ» ⁵ وُتَانِي ڤَالْ: « مَايْدَخْلُوشْ لَرَاحَة نْتَاعِي» ⁶ 6 وِإذَا كَايَنْ نَاسْ لِي رَايْحِينْ يَدَخْلُوهَا، وُاللَوْلِينْ لِي سَمْعُو خْبَرْ لِيْفَرَحْ مَا دَخْلُوهَاشْ بْسَبَة عَصْيَانْهُمْ لله، ⁷ مَلاَ الله وْجَدْ نْهَارْ وَاحَدْ آخَرْ وِينْ دَاوَدْ ڤَالْ: «اَلْيُومْ» وُبَعَدْ كِي فَاتْ وَقْتْ طْوِيلْ، كِيمَا تْڤَالْ: «مَلاَ اَلْيُومْ إِلاَ سْمَعْتُو صُوتَهْ مَا تَقْسِيوْشْ قْلُوبْكُمْ». ⁸ عْلَخَاطَرْ لُوكَانْ يَسُوعْ رَيَحْهُمْ كِي دَخْلُوا لَلاَّرْضْ، مَاكَانْشْ رَايَحْ يَهْدَرْ عْلَى نْهَارْ وَاحَدْ اَخَرْ. ⁹ مَلاَ هَكاَ يَبَيَنْ بَلِي كَايَنْ رَاحَة لَشَعْبْ الله! ¹⁰ عْلَخَاطَرْ لِيَدْخَلْ للَرَاحَة نْتَاعْ الله رَاهْ يْرَيَحْ مَنْ خَدْمَتَهْ، كِيمَا تَانِي الله رَيَحْ مَنْ اَلْخِدْمَة نَتَاعَهْ، ¹¹ مَلاَ نَجْتَهْدُو بَاشْ نَدَخْلُو للَرَاحَة هَدِيكْ، بَاشْ مَايَفْشَلْشْ حَتَى وَاحَدْ كِيمَا لِي عْصَاوْ الله، ¹² عْلَخَاطَرْ كَلِمَةْ الله حَيَة وُقْوِيَة وُقَاطْعَة مَنْ زُوجْ جْوَايَهْ كْثَرْ مَنْ اَلسِيفْ، تْوَصَلْ وُتَفْصَلْ بِينْ اَلنَفْسْ وَالرُّوحْ وُلَمْفَاصَلْ وُمُخْ الَعْظَمْ، وُيْمَيَزْ اَلنِيَة وُتَخْمَامْ اَلْقَلْبْ. ¹³ وُمَكَاشْ حَاجَة لِي تْخَلْقَتْ مْخَبْيَة ڤُدَامَهْ، بَصَحْ كُلْ شِي بَايَنْ وُمَكْشُوفْ ڤُدَامْ اَلْلِي غَادِي نَتْحَسْبُوا عَنْدَهْ. ¹⁴ وُحْنَا عَنْدْنَا رَايَسْ نْتَاعْ اَلْكَهَنَة وُهُوَ عَظِيمْ وُلِي عْڤَبْ مَنْ اَلسْمَا، يَسُوعْ إِبْنْ الله، لِي لاَزَمْ إِيمَانْنَا يْكُونْ فِيهْ ثَابَتْ. ¹⁵ عْلَخَاطَرْ مَاعَنْدْنَاشْ رَايَسْ كَهَنَة لِي مَايَقْدَرْشْ يَفْهَمْ اَلضُعُفَاتْ نْتَاعْنَا، وُهُوَ جَرَبْ فْي كُلْ شِي كِيمَا حْنَا، بَصَحْ بْلاَ مَايْطِيحْ فَالدُنُوبْ. ¹⁶ مَلاَ نَتْقَدْمُو مَتْيَقْنِينْ ڤُدَامْ عَرْشْ اَلْنِعْمَة بَاشْ يَرْحَمْنَا وُنَلْقَاوْ اَلنِعْمَة وُالْمَعُونَة مَنْ عَنْدَهْ.