¹ بَصَّحْ عْلَابَالِي فِي اليَامَاتْ التْوَالَى يْجِي وَقْتْ صْعِيبْ ، ² عْلَاخَاطَرْ النَّاسْ يَبْغُو غِيرْ رْوَاحْهُمْ ، يَبْغُو الدْرَاهَمْ ،يَتْكَبْرُو ،يَسْتَهْزَاوْ ، مَيْطِيعُوشْ وَالْدِيهُمْ ،مَيَشَكْرُوشْ رَبِي ، يْعِشُوا فِي نْجَاسَة ، ³ مَاشِي حْنَانْ مَاشِي رَاضْيِيينْ ،يْلُومُو لُخْرِينْ ، مَعَنْدْهُمْشْ النِّيفْ ، شَرِسِينْ ،مَيَبْغُوشْ الصَلاَحْ ⁴ ،خَايْنِينْ ،يَسْتَخَدْمُو القُوَة ، مَتْكَبْرِينْ ، يَبْغُو رْوَاحْهُمْ مَيَبْغُوشْ رَبِي، ⁵ عَنْدْهُمْ الصُورَة تَاعْ التَقْوَى ، بَصَّحْ مَيَعَرْفُوشْ القُوَّة تَاعْهَا .بَعَدْ عْلَى هَادُو ⁶ .هَادُو هُمَا لِي يَدَخْلُو وَيَسْبُونْ نُسَيَّاتْ مُحَمَلَاتْ بالذْنُوبْ ، يْتَبْعُو فِي الشَهَوَاتْ ⁷ .يَتْعَلْمُو فِي كُلْ وَقْتْ ،وْمَيَقَدْرُوشْ يَتْقَرْبُو بَاشْ يَعَرْفُو الحَقْ . ⁸ كِيمَا قَاوَمْ يَنِّيسُ وَيَمْبِرِسُ مُوسَى ،هَادُو تَانِي يْقَاوْمُو الحَقْ .نَاسْ عْقُولْهُمْ فَاسْدَة ،وْمَنْ جِهَة الاِيمَانْ مَرْفُوضِينْ . ⁹ بَصَّحْ مَيْقَدْمُوشْ كْتَرْ ، عْلَاخَاطَرْ النَاسْ يْفِيقُولْهُمْ ،كِيمَا كَانْ الحُمْقْ تَاعْ ذَيْنِكْ تَانِي. ¹⁰ بَصَحْ نْتَا تَبَّعْتْ تَعْلِيمْ تَاعِي ، وْسِيرْتِي وْ القَصْدْ تَاعِي ، والاِيمَانْ تَاعِي ، اَنَاتِي ،وْالمَحَبَة تَاعِي ، وْالصْبَرْ تَاعِي ¹¹ ،وْاِضْطِهَادِي ، وْوْجَعْ تَاعِي ، كِيمَا صْرَالِي فِي اَنْطَاكْيَة وْ اِيقُونَة وْلِسْتْرَة . وَاشْ مَنْ اِضْطِهَادَاتْ سْتَحْمَلْتْ ! سَلَكْنِي رَبِي مَنْ كَامَلْ ¹² .وْجْمِيعْ لِي يَبْغُو يْعِيشُو بالتَقْوى فِي المَسِيحْ يَسُوعْ يَضْطَهْدُوهُمْ ¹³ .بَصَّحْ نَاسْ شَرَانِيينْ لَمْزَوْرِينْ يَتْقَدْمُو للْأَسْوَءْ ،خْرَجُو عْلَى لْحَقْ وْيْخَرْجُو لُخْرِينْ . ¹⁴ وْنْتَا ثْبَتْ عْلَى وَاشْ تْعَلَمْتْ وْتْيَقَنْتْ ،عْلَابَالَكْ عَنْدْ مَنْ تْعَلَمْتْ . ¹⁵ وْنْتَ مَلِي كُنْتْ صْغِيرْ تَعْرَفْ لَكْتُوبَا لَمْقَدْسَة لِي قَادْرَة ، لِي قَادْرَة تَدِيكْ للْخَلَاصْ ،بالْاِيمَانْ لِي فِي يَسُوعْ لْمَسِيحْ . ¹⁶ كَامَلْ لَكْتَابْ تَوْحَى مَنْ عَنْدْ اللَّهْ ، وْيَنْفَعْ لِلتَعْلِيمْ وْ التَوْبِيخْ وْ التَأْدِيبْ لِي فِي الحَقْ ، ¹⁷ بَاشْ يْكُونْ اِنْسَانْ اللَّهْ كَامَلْ ،وَاجَدْ لْكُلْ خَدْمَة مْلِيحَة .