¹ إِلاَ رَانِي نَتْكَلَمْ بْلُغَاتْ الَنَاسْ والْمَلاَيْكَة، ومَا عَنْدِيشْ الْمَحَبَة، رَانِي كِي نْحَاسْ يْطَنْطَنْ وَلاَ نَاقُوسْ يَزَنْزَنْ. ² وِإلاَ كَانَتْ عَنْدِي مَوْهِبَة تَاعْ اَلنُبُوَة، ونَعْرَفْ ڤَاعْ اَلْأَسْرَارْ والْعِلْمْ، وِلاَ عَنْدِي إِيمَانْ بَاشْ نْحَوَلْ الَجْبَالْ ومَا عَنْدِيشْ الْمَحَبَة، رَانِي مَا نَسْوَ وَالُو. ³ وِإلاَ صَدَقْتْ كُلْ مَاعَنْدِي، وسَبَلْتْ جَسَدْ تَاعِى بَاشْ نَحْتَرَقْ، ولَكِنْ مَا عَنْدِيشْ الْمَحَبَة، رَاهْ هَادْ اَلشِي مَا يَنْفَعْنِي بْوَالُو. ⁴ الْمَحَبَة تَصْبَرْ، وتَتْحَنَنْ، الْمَحَبَة مَا تَحْسَدْشْ، الْمَحَبَة مَا تَفْتَخَرْشْ ومَا تَتْكَبَرْشْ. ⁵ الْمَحَبَة مَا تَقْبَاحْشْ وتْحَوَسْ عْلَى مَصْلَحَتْهَا،ومَا تَتْقَلَقْشْ ومَا تْحَوَسْشْ عْلَى الشَرْ. ⁶ الْمَحَبَة مَا تَفْرَحْشْ بَالضُلْمْ، ولَكِنْ تَفْرَحْ بَالْحَقْ. ⁷ الْمَحَبَة تْسَامَحْ عْلَى كُلْ شِي، وتْثِيقْ فْكُلْشِي، وتَصْبَرْ عْلَى كُلْشِي. ⁸ الْمَحَبَة مَا تْطِيحْشْ، ولَكِنْ اَلنُبُوَاتْ مَا تْدُومْشْ، واللُغَاتْ تَكْمَلْ، والْمَعْرِفَة مَا تْدُومْشْ. ⁹ الْمَعْرِفَة تَاعْنَا مَحْدُودَة، والنُبُوَة تَاعْنَا مَحْدُودَة. ¹⁰ بَصَحْ كِيجِي لْكَامَلْ يَقْلَعْ ڤَاعْ اَلْلِي هُوَ نَاقَصْ. ¹¹ مَلِي كُنْتْ وَلْدْ صْغِيرْ، كُنْتْ نَتْكَلَمْ كِي وَلْدْ اَلصْغِيرْ، ونْفَكَرْ كِي وْلَدْ اَلصْغِيرْ، ونْمَيَزْ كِيمَا وَلْدْ اَلصْغِيرْ. وبَصَحْ كِيوَلِيتْ رَاجَلْ بَعَدْتْ كُلْ هَادْ اَلشِي اَلْلِي كَانْ فِيَا مَلِي كُنْتْ وَلْدْ الصْغِيرْ. ¹² وضُرْوَكْ حْنَا نْشُوفُو فْالَمْرَايَا تَصْوِيرَة مَاهِيشْ تْبَانْ بَزَافْ، ولَكِنْ مَنْ بَعْدْ غَادِي نْشُوفُوهَا وَجْهْ لَلْوَجْهْ، ضُرْوَكْ نْعَرْفُو غِيرْ شْوَيَا. وفْهَدِيكْ اَلسَاعَة غَادِي تْكُونْ الْمَعْرِفَة تَاعْنَا كَامْلَة كِيمَا يَعْرَفْنِي الله. ¹³ وضُرْوَكْ هَادِي اَلثْلاَثَة لِغَادِي تْدُومْ: اَلْإِيمَانْ والرَجَاء والْمَحَبَة، ولَكِنْ اَلْلِي قَاوِي فْهَادْ اَلثْلاَثَة هِيَ الْمَحَبَة.