¹ Jesús rabi laaca': "Dxandipe' gabe laatu, nuu caadxi de ca ni nuu rari' que zatica' dede que guceda reinu sti Dios ne guenda nandxo'. ² Xhoopa' dxi gudi' di, Jesús zinee Pedru, Santiago, jne Juan, yenebe laaca jne laaca jne bicaabe laaca quibaca' ti dani ro'. Oraque bidxaabe ra luu ca'. ³ Ca xhababe bizaanica', naquichi bee, jma naquichi' que intica ni rusuquichi lari. ⁴ Oraque Elías jne Moíses bedareeca' ra luu cabe, jne cani' neca Jesús. ⁵ Pedru gunabadidxa jne rabi Jesús: "Rabí, aque gala' nuunu rari', bidii laadu gunidu chona yoo. Gunidu tobi para lii, tobi para Moíses jne tobi para Elías". ⁶ Pedru que guidxela xhi guini', purti guiraa ca discipulu que cadxibi ca'. ⁷ Beeda ti zoa jne bitaagu bandaa sti laacabe. Oraque gucua ti ridxi laade zaa que: " Ndi nga xi' ne' ninadxiee. Leguca' diaga laabe. ⁸ Maalasi, ora biyadxica' ca cue' ca, ma que ñuuyaca' guiruti', Jesús si. ⁹ Laga ziyete cabe de danique, bica' be laaca cadi chi tidxica' guiruti' ni biiyaca; dede ora ma biasa xhiñi' hombre de lade ca gueetu'. ¹⁰ Para bisaana cabe ni guca que para laa si cabe, peru gundaa yu' ne cabe, xi rinii, " Guiasabe lade gue' tu' ". ¹¹ Gunabadiidxa cabe Jesús: "¿Xiñee ca ni rucaa, naaca gueeda Elías prime? ¹² Rabibe laaca:" dxandipe zeeda Elías prime para cuaqui chaahui' guira xixe". Yanna ¿Xiñee caa xi' ñi' Hombre naquiine' gaca naa stale jne gaca nanalaadxicabe laa? ¹³ Peru gabe laatu ma bedandaa Elías, jne biinicabe laa guiraa ni gupacabe gaana, casi ca caa lu xqui' chi' Dios de laabe. ¹⁴ Ora bibigue' tacabe ra nuu ca discipulu, biixa cabe staale binni ca cue' cabe, jne ca ni rucaa cani' xhatanee laacabe. ¹⁵ Jne ora bi' yacabe Jesús, guiraa binni que bidxagayaa jne bixooñe ca' ra nuube jne bichagalucabe laabe. ¹⁶ Jesús gunabadiidxa' ca discipulu sti: "¿xi canii xhatanee cabe?". ¹⁷ Tobi lade guiraa binni que rabi laabe "Maestru niaa xi' ñe' ra nuulu'; nuuti binidxaba Laabe que rudii lugar guini' be. ¹⁸ Ne rudi' ni laabe ataque ne ruchendani laabe layuu de rire bichi' ña ruaabe ne de ruxhidxi layabe ne ruzichonga ni laabe ne gunaba la disipulu stiu' nibe' cani de laabe peru queñanda laaca ¹⁹ Oraque Jesús gunabadiidxa laabe: binn' ni que runi' creca' ¿ pabia' na quiiñe guiaana' lade tu? ¿pabia' naquiñe gune' guantar laatu pue? la tane laabe ra nuaa. ²⁰ Ne bedane cabe xcuidi huiini que ra nuube ne ora bi' ya binidxaba que Jesús bi' ni pue bidii ataque la' ne xcuidi huiini que biaba layuu ne bizulu' biree bichiña ruabe ²¹ Ne oraque guanaba didxa Jesús bixhozebe de padxiti nuube zaca oraque na bixhozebe dede dxi na huiini be. ²² Nuu tiru rasaba laabe lu bele o ndani nisa ne ruyubi guxuuxe laabe pazanda gu' nu' xixa bia laadu ne gucane laadu. ²³ Jesús na ¿puzanda naa la? dede guirani zanda naa para tu guni cree. ²⁴ Ne oraque bicaa bixaze xcuidi huiini que ti ridxi inlaa rune cree! ne gucane' naa cadi guza' na de gunecre' ²⁵ Ne ora bi' ya' Jesús zeda guxooñe de guiraa binni que ranu' cabe laa gudindenebe binidxa' ba que rabi be laa lii binidxa'ba ni que rini' ne queruna dia' ga biree de laabe ne ma cadi ibegueta lu' sti tiru'. ²⁶ Ne oraque bicaa binidxabal que ridxi ne bidii ataque jnabee nadipa, xcuidi huiini que, ne biree de laabe ne xcuidi huiini binanacas tobi ni ma guti ne nganga ni gunii ira binni nuu raque "laabe ma guti be" ²⁷ Ne Jesús biruuxha naabe ne gundiza laabe ne xcuidihiin que bizuhuaa. ²⁸ Ne ora Jesús yenda yoo ne ca disipulu sti nagu' chi gunabadiidxa cabe laabe rabicabe laabe ¿Xiñee laadu' que ñanda nibeedu biniidxaaba ca pue? ²⁹ Ne gudxi be laaca: cazindi la que zanda cue' tu laa paque ini' ne tu Diuxi. ³⁰ Ne biree cabe de raque ne gudiidi cabe neza galilea ne quena di be gunna binni paraa nuucabe. ³¹ Pur ti Jesús cusiidi ca disipulu stii ne naa rabi laabe xhiñi hombre la' zudii cabe laabe binni neca binnique zinee ca laabe le endaguti' ne ora ma biitica laabe la, ne de racaa lu gionna gubidxa ziasa be. ³² Peru laaca que ñeneca' ni bisiidibe laaca di, ne bidxibica' ni naba diidxaca' laabe. ³³ No ora yenda cabe capernaúm ora ma nuu Jesús yoo gunaba didxa be laaca ne gunaba didha be laaca ¿xinga zeda caayu' tu idubi neza pue? ³⁴ Peru que nini' cabe gasti purti ni zeda caayui ne' cabe de tobi ne stabi de idubi neza que la' de tu laa de lade cabe ni jma risaca. ³⁵ Ne oraque guri Jesús ne gulidxibe chii ne chupa que ne rabi be laaca pa nuu tobi de laatu racala' dxi saa ni' ru la' naquiiñe pe' gueeda be de atra ne gudiibe ni caquriñe de guiraa. ³⁶ Jesús gucuaa tixcuidi huiini jne gulu' be laa galaui de laaca. Laabe gucaa' be xcuidi huiini que nda' ni naabe jne gui' be: ³⁷ Tutiica guicaa ti xcuidi lu' laaya', laaca cacaa naa, jne pa tuuxha guicaa naa la', cadi naasia' cacaaa, laaca cacaa ni bise' nda naa". ³⁸ Na Juan rabi laabe: "Maestru, biiyadu ti hombre cabee' binidxaba' jne laalu' jne bicucezadu' laa, purti laabe que riza' nandadibe laanu". ³⁹ Peru Jesús na: "cadi gucueezatu' laabe. pPorti guiruti zanda guni Xhiixha nandxo lu laaya jne maatasi' guinii xhiixha malu de naa. ⁴⁰ Tutiica cadi nuu lugianula', nuu ne laanu. ⁴¹ Tutiica gudii' ti basu nisa laatu para gueetu porti sti Cristo laatu, dxandiipe zaabe' laatu, laabe que zuni' tibe ni guiaxabe. ⁴² Tutiica ni guuni guirenda ñee tobi de ca nahuiini ni runi cree na', jma galan ñaca para laa nillibi ti guiee ngola sti molino ra yani jne ñaaba ndani nisado! ⁴³ Pa naalu runi guirenda ñee lu', guxha ni'. Jma' galan chu'lu lu guendaanabanni sin ti chuu naalu, que gapalu' ca naalu jne che'u gabia', ra bele que riuu dxii guizuii. ⁴⁴ Ra bicuti que rati jne bele que rizuii". ⁴⁵ Pa ñeelu runi guirenda ñeelu, bichuuguni. Purti jma' galan chu' lu guendanabani sin ti chuu ñeelu, que gapalu giropachu' ñeelu jne guilaalu gabia'. ⁴⁶ Ra bicuti que rati ñe bele que rizuii. ⁴⁷ Pa luulu' runi guirenda ñeelu, guzhanii. Jma' galan para lii chu' lu nda' ni reinu sti Dios jne ti chu' si luulu', que gapo guiropani jne guiaalu gabia'. ⁴⁸ Ra bicuti que rati jne bele que rizuii. ⁴⁹ Casica rusiaa zidi sacrificio, Dios rusiaa de guira' ora rudiibe tiidica ra nana'. ⁵⁰ Ziidica' galan ni', peru pa guni' tini guenda naxii stini, xhi modo zaanda gudxiguetalu' guenda naxii stiini sti viaje? Lagaapa zidi nda' nitu jne laguni jneeza ne xcaadxi de laatu!