¹ Ya' na laaya zeeda' cabe Jerusalen, nu' cabe gaxha de Betfagé ne Betania, ra nu' daani sti ca olivu, ne Jesús biseenda chupa de ca discipulu sti'. ² Ne gudxibe' laaca: "la che' guidxihuiini nu' sti ladu de laanu. casi pe' chu' tu, zadxe' latu ti burru huiini ni que huaguiiba cabe' laguxhague' laame ne la tanee laame. ³ Ne pa chu' tu gaabi laatu, xhi ñe' cayuni tu' ndi la'?, laatu chi guini' tu: Señor caquiiñe laame ne oraca' sudxigue' ta be laame rari'. ⁴ Laacabe guye' cabe ne bidxela cabe ti burru huiini liibi rua' ti puerta zuxhale' raa' neza, ne bixague' ca' laame. ⁵ Stale binni nu' raque' na rabi laacabe: "Xhi cayu' ni tu cuxague tu' burru hiini ca' pue". ⁶ Laacabe guni' cabe casi gudxi Jesús laacabe, ne ca binni que' bidii ca' lugar zee' cabe. ⁷ Guiropa discipulu que' llene' ca' burru huiini que' ra nu' Jesús ne gula' qui ca' laari sti ca' luguia' me para ganda quiiba Jesús lugia' me. ⁸ Stale binni bichia' tari lu neza, ne xca' dxi gula' qui ca' rama ni bichu' gu ca' lu' ca layu'. ⁹ Cani za' ni' ru lu' be ne ca ni nanda laabe cuca' ca riidxi: "¡Hosanna! Nacha' ui nga ni zeeda lu laa señor. ¹⁰ Nacha' ui nga re' nu ni zeeda de bixhozenu' David; ¡Hosanna! ni dxi' ba ibaa! ¹¹ Oraque' Jesús guyu' Jerusalem ne guyebe ra yu' du ne biyadxi' be guira' ladu. yana ora gunda huadxii, laabe bire' be zeebe betania ne ca chii ne chupa que'. ¹² Xti dxi que, ora bibiguetacabe de Betania, Jesús bindaana. ¹³ Hiiyabe ti yaga du' ga' de zitu cabee bandaga, para guyebe yeguuyabe pa guidxelabe xixa cuananaxhi luuni Ora yendabe ra nuu yaga que, bandaga si bidxelabe, purti ca' ru' ganda dxi gudii du' ga'. ¹⁴ Guni' nebe yaga que: "Que ziu dxi goocabe cuananaxhi stiu'". ca discipulu stibe binadiaga ca' ni guniibe. ¹⁵ Beedacabe Jerusalen, ne Jesús guyuu ndaani' yuudu' ne gulee ca ni rutoo ne ca ni rizii de ndaani yuudu' que. Bisaabibe mexa sti ca ni ruchaa bidxichi ne ca nagu' de ca ni ratoo paloma. ¹⁶ Que nudiibe lugar nindaani guiruti' ndaani yuudu' que intica nizanda gui doo. ¹⁷ Jesús bisiidi' ne rabi laaca: "¿Cadi caanila: 'Lidxe' zaree laa, yoo ra gui' ne cabe diuxhi para guiraa guidxi la ? Peru laatu ma bi' nitu ni lidxi ubaana'. ¹⁸ Ca xaique sti ca Sacerdote jne ca ni rucaa binadiaga ca' ni guni'be purti guiraa binni que cadxagayaa ne cuyubica modo guutica laabe. ¹⁹ Liaa gueela' Jesús ne ca discipulu sti rireeca' de guidxi. ²⁰ Laga zizacabe siado', briyacabe ti yaga du' ga' naguundu' dede xcu'. ²¹ Pedru biete nalaadxi' ne guni': Rabí, biiya', yaga du' ga' naalu' guibidxi que, bibidxini. ²² Jesús bicabi laacabe: "La guni cree duixi. ²³ Dxandi' pe gabe laatu tuti' ca gabi dani di', biassa ne biaba de ndaani nisado' , ne pa laabe que guzaana be de gunicree be ladxido' be sino que runi cree be ni guni' be gaca que, ngue nga guni Diuxi. ²⁴ Nga' runi zaabe' laatu; guira' ni guini' ne tu Dios ne guinabatu, la guni cree de que ma gucua' tu ni' , ne saaca ni stilu'. ²⁵ Ora guiaza tu ne guini' ne tu Dios laguziaanda inti' si guenda ruche' napane' tuxha laatu, para bixhaze tu ni nu'libaa, ganda guichia guira' guenda ruche' stitu. ²⁶ Peru pa taatu que gueiaanda tu ni biche' ne cabe laatu, nin ca' bixhoze tu ni nu' guiba' que zusiaanda guenda ruche' stitu. ²⁷ Laacabe beeda cabe Jerusalen stitira. Laga sizaa ndani yu' du, ca xaique sti ca sacerdote, ne ca ni ruca' ne ca ni nagola beeda ca' ra nu' be. ²⁸ Laacabe gudxi cabe laabe; xhi guenda runi mandar runi neu ca cosa di'?, ne tu bidii lii guenda runi mandar para guinu ca ni?" ²⁹ Jesús gudxi cabe laabe: "Na zanaba dxiidxa laatu, lagaabi na' ne zaabe laatu xhi guenda runi mandar runenia' ca ndi'. ³⁰ Guenda rugu' nisa sti Juan, sti guiba' ni ta' o sti binni? Laguca' bi naa. ³¹ Laacabe gucua' yu' cabe ni laade cabe ne guni' cabe: "pa guini' nu de guiba' ni la' laabe zani' be, xhiñe' que ñuni cree tu laabe ya'? ³² Peru pa guini' nu sti binni la'...? Laaca ridxibi ca' ca binni que', purti guira' tu na' de que Juan guca tobi de ca ni rini' ni na' Dios. ³³ Oraque' raabi cabe Jesús: "Que ganna di du'". Ora que' Jesús raabi laacabe: "Naa Laaca que zaabe dia' laatu xhi guenda runi mandar rune nia' ca cosa di'.