¹ Gudidisi chona gubidxa, guyu'u ti enda xheela guidxi Caná de Galilea, ne ña'a Jesús nu'u raquee. ² Jesús ne ca discípulo xti' uca invitarca' ra enda xheela qué. ³ Ora bibidxi vinu que lá, na ñaa Jesús rabi laa: "La'cabe' ma que gapacabe vinu." ⁴ "Jesus gudxi la'be': "Guna'a, ¿xiñee se'du' ra nuaa? Ca'ru' gueda'nda dxi xtine'." ⁵ Ñaabe' rabi ca ni canagui'si' qué: "Intisi ni gábibe la'atú'lá, la gúnini." ⁶ Raqué nu'u xoopa hruba' de guie ni riqui'ñe para purificación (ni ria'ri lu guendaxeela') xti ca judíu; nda'ni' cada hruba' riné de chona late gande chii a ti gayuaa chii ne gaayu' rii nisa. ⁷ Jesús rabi laaca': " La guchá ca hruba'ca ne nisa.” Ne saquee bichácanii de ra yanni ni. ⁸ Ora qué guchibe ca ni canagui'si': Lacuee cadxii yanna ne la chinenii ra nu xhuaana." ne saquee bi'nicanii. ⁹ Xhuaana qué bini prueba nisa bidxa' gu'ca' vinu qué, peru que gannabe de padee beedanii (peru ca ni canagui'si', ni gulee ca nisa qué,nánaca'). Ora que gulidxibe xheela badudxapa qué. ¹⁰ Ne gudxibe laa: "De guira' nguiiu riga'a primé vinu ni jma galan ca', ne de ora ma guee xataca', riga'a vinu ni huaxie' risaca ca'. Peru lii gupalu' vinu ni jma galan ca de últimu." ¹¹ Prime milagru di' bi'ni' Jesús ni Caná de Galilea, ne bilui' guendanandxo' xti', ne ca discípulo xtibe bini cre ca' la'be'. ¹² Gucasi ndi laa, Jesús,ñaa'be, ne ca bichi'bé ne ca discípulo xtibe, bietecabe Capernaúm ne raque bia'naca' pur cadxii dxi. ¹³ Sedayuba zaa xti ca judíu, ne Jesús gudxi'ba Jerusalén. ¹⁴ Ne bidxelabe nda'ni' yu'du' ni rutoo yuse', dendxu ne berextiá, ne ca ni rucha' bidxichi subaca raqué. ¹⁵ Ne zaqué bini chahuibe ti cuarta de do', ne gule'be guiraca de nda'ni' yu'du', ne ca dendxu',ne ca yuse'. Ne la'be' bichechebe guira' bidxichi xti'ca ni rucha' qué, ne bisábibe mexa xti'ca'. ¹⁶ Gudxibe ca ni ruto' berextiá qué: " La cuee ca ndi' de rari'. La gusaana de gúnitu lidxi bixozhe' ti luguiaa'." ¹⁷ Ca discípulo xtibe bietenala'dxica' ca lu gui'chi': " GUENDARANAXI' LIDXU' DI ZUSIDUBINI NA'A". ¹⁸ Ora que ca xaique xti ca judíu bicaabica' la'be': "¿ Xi cusi'di' ni cului'lu', yaque xa cayunu ndi ya'?" ¹⁹ Jesús bicabi la'cabe': "La guxaá yu'du' di', ne lu chona si gubidxa sandisa nii." ²⁰ Oraque ca xaique xti ca judíu guni'ca': " Binda'a chupa late gande ne xoopa' iza' gu'ca' yu'du' di', ne lii zandisuni lu chona si gubidxa?" ²¹ Peru la'be' canibe de yu'du' de lu xcuerpubé. ²² Ne zaqué, gudidisi de biasabe de lade gue'tu, ca discípulo xtibe bietenaladxi'ca dequé laábe' ma guniibe ndi', ne bini cree cabe gui'chi' qué, ne didxá ni Jesús gudxi laácabe'. ²³ Yanna de ora laábe nu'ube Jerusalén lu pascua, ca dxi cayaca zaa'que, xtale binicre lú laabe' de ora bíyaca ca guendanandxo' ni laábe' binibe'. ²⁴ Peru Jesús que nu'u ladxido' ne laacabe' purti runibia' ira cabé, ²⁵ Purti cadi' caquiñe'be que guiruti' gabi laábe' de nguiiu, purti laábe' ma nánabe xi nu nda'ni' ladxido' nguiiu.