¹ Cadi xtale de laatu seda gaca ni ruziidi, biche ca', nana ca tu de que zacaa tu ti Juiciu jma naroba. ² Ti purti guira ni rirenda ñee nu de xtale forma, Pa tuuxha de laatu de laatu que rirenda ñee lu laaca ni rini', hombre di naca tobi hombre riza jneza, ni randa rucueza interu naca xcuerpu ³ Yana pa laanu cu' nu frenu rua ca caballu, laaca zuuna ca laanu, ne zanda guca bique nu interu naca xcuerpu ca. ⁴ Laaca laguuya ca barcu, neca pe laaca izaa naro'ba ca ne vi reciu ruza laaca, ti timon huiini si ruzaa ni ladu tica ni naaze timon di gacaladxi guzeeque ni ⁵ Sacaca, ludxi naca ni jma nahuini de ti cuerpu, ne nin ne nga rini' xtale didxa naro'ba. ¡Laguuya pabia naroba ti guiixhi ni ti bate' huiini si ruzaqui! ⁶ Ludxi laaca naca ni casi ti bele, ti guidxilayu de guenda ruche' ni nu lade ca nda' xcuerpu nu', ne laa nga ni ruzitui lu interu cuerpu ne ruca gui ti bele lu neza xti guenda nabani, ne laaca laa caagui lu bele xti gabia. ⁷ Guira clase mani guiixhi, ni ripapa, ni rixubi ndani ne mani de ndani nisa raca do' ne bisi do' binni guidxilayu' laa. ⁸ Peru guiruti lade ca hombre randa ruzido' ludxi; nacani ti guenda nadxaba ni que randa rucueza cabe, dxa tipa de venenu ni ruti. ⁹ Ne ludxi nu rusisaca nu Señor xtinu ne ne bixhoze nu, ne laaca ne laani rigu'di nu ca hombre, ca ni guya ca casi ca imagen xti Diuxhi. ¹⁰ Ne ngueca rua nga riu'di ne riu' ndaya. Biche ca, ca cosa que sanda di gaca ca sacarí ¹¹ ¿Jñe ti ra dida' nisa randa gudi guiropa nisa, nanaxhi ne naxhi? ¹² Biche ca ¿sanda ti yaga du'ga gudi aceituna, o yaga uva gudi du'ga? Ninca ra rida' nisa xhi que sanda gudi nisa naxhi ¹³ ¿Tu laa lade tu nu' xpiani ne riene? Lagudi binni ca gului ti guendanabani neza pur ca ni runi be nachaui ni seeda de lu guenda nu' xpiani. ¹⁴ Peru pa tuuxha de laatu napa ti guenda ridxichi nanda' ne guenda rapa gana gapa jma que xtobi ndani ladxido', cadi guini', ne gusigui luguia ni dxandi. ¹⁵ Guenda nu' xpiani di' cadi seeda ni de guiba, peru naca ni de ndani guidxilayu, cadi de espiritu, xti binidxaba ni. ¹⁶ Ra guenda ridxichi pur ni napa xtobi nu', guenda racaladxi gapa jma que xtobi laaca nu', raca nu' bieque' ne guira guenda raca ni cadi jneza. ¹⁷ Peru guenda nu' xpiani ni seeda de guiba' niru do' naca ni naya guie', nachaui, dxa tipa de guenda ria', ne rudi cuananaxhi sicaru, que runi jma pur cadxi binni si', ne que rusigui. ¹⁸ Cuananaxhi xti Justicia zuhua lu guenda ratadxi, pur ca ni runi ca ni nexhedxi.