¹ Yanna, ni nápa gana guienetu de ni canínu nga ndi', laanu nápanu ti Xaique xti ca Sacerdote ni laa ma gurí neza ndiga de bangu ndxo' xti Diuxi ni nuu lu ca iba'. ² Laabe nga ni runi dxiiña ndaani ra nandxo', Tabernaculo dxandi' ni Xpixua'nanu ma bisucha'ui, cadi binni guidxilayú. ³ Purti guira xaique xti ca sacerdote riuuca para gudiica ni ra'de' ne ni rati para icaa Diuxu, guiropa ca ndi'. Nga runi napa xide gápanu xixa para gudínu Diuxi. ⁴ Yanna pa Cristu ñuu ndaani guidxilayú di', que ñeda gacadibe sacerdote nin ti ndaa, ya que xa ma nuu tu laa rudii ca ni ra'de' casi ca ná lu Ley. ⁵ Xiiñaabe nuu ndaani Tabernáculo, na'cani ti copia ne banda' de ca xiixa ni nadxo' nuu iba'. Casi ca hulaquiná Diuxi Moises ora laa gucaladxi nuza' Tabernaculo qué, "BIIYA GÚNILU' CASI CA GULAQUE GA'CA' NI BILUÉ LII LU DÁNI QUÉ." ⁶ Peru yanna Cristu ma gucuaa ti dxiiña jma galán. Ne laaca naca que pur Laabe Diuxi guni' zúni cosa jma galán ra laa bidii xtiidxa. ⁷ Purti pa ñaca que nuchee né cabe niru bidagudiixa que la?, que ñuu di' xi pur guiropa tiru nibigueta nutagudiixabe ne laaca. ⁸ Ora Diuxi bidxéla de que nuu guendaruchee ndaani guidxi que la?, Laabe guníbe: "LAGUUYA, SEEDA RU DXÍ, ORA NAA GUNE NA CUBI GUENDA RIDAGUDIIDXA NE LIDXI ISRAEL, NE LIDXI JUDÁ. ⁹ NDI LA? QUE ZACANI CASI CA PRIME BITAGUADIIDXA NIA CA BIXOZEGOLA TÚ DXI GUNAAZE NÁ CABE, NE BISAYA LAACABE PARA GUIREE CABE NDAANI GUIDXI EGIPTO. PURTI LAACABE MA QUE NIZÁ CABE LÚ NI BIDIEE XTIIDXA, NGUÉ RUNI MA QUE NIZAA LADXE LAACABE, NÁ XPIXUAANA TÚ. ¹⁰ YANNA NDI NGA ENDA RIDAGUDIIDXA NI NAA ZÚNE' NE LIDXI ISRAEL TIDISI CA DXÍ QUÉ, NÁ XPIXUAANA TÚ: "NAA SUGUAA CA LEY XTINE' NDAANI XQUENDABIAANI CABÉ NE ZAQUECA SUCAANI NDAANI LADXITO CABÉ. NAA SÁCA DIUXI XTI CABÉ NE LAACABE ZACACABE XQUIDXE'. ¹¹ LAACABE QUE SUZIIDICABE TOBI PUR TOBI CABE XPECINU NIN CA CADA TOBI DE LAACABE NE BI'CHI', ZACARI': 'BINIBIA' XPIXUA'NANU'. PURTI GUIRA SUNIBIA' NAA' DE NI JMA NAHUIINI' HASTA NI JMA HUANIISI DE LAACABE. ¹² PURTI NAA SAPAXPIAAYA DE NI CADI JNEZA BI'NI CABÉ, NE MA QUE SIUU DXÍ GUIETENALADXE DE CA XQUENDARUCHEE CABE."' ¹³ Ora cani'be "NA CUBI", Laabe ma bi'nibe niru enda rutagudiidxa qué nayooxo' ne ni ma gudiidi ne ma nayooxo' la? ma gaxa nuu de guinitilú.