¹ Ndii nga Melquisedec, xaique xti Salem, xaique yu'du xti Diuxi ni Nandxoo', ni bidxagalú ne Abraham dxí viguéta de lleguti ca' xaique xti ca guidxi ne gúluu ndaya laa'be. ² Ne laa'be nga guca be ni bidii Abraham ca tobii xti chii'. Lá be nga ''Melquisedec'' ne ni rinii ni nga ''xaique xti enda xneza''. Xtí xlá be ni rabii cabe laabe nga ''xaique xti Salem'' ne ni rinii ni nga ''xaique ni ribaquidxi ladxidoo''. ³ Laabe que ñapa diibe bixhoozebe nin jñia be, nin de padé zedaa be, ninca' ra bisulú ca dxí xtibe ne ninca rá biluxhe xquendanabani be. Laga nga la? laabe sedaga'cabe casi xhiñii Diuxi, ti purti nacabe ti xaique yu'du dede yanadxí ne de guira izaa. ⁴ La gu'yaa pabia bisacaa hombre dii. Bixhooze bída'nu' Abraham bidii ca tobii de chii' xti ca ni laa gucua ra bidxelaza ne guiidxi. ⁵ Tobii la? ca xhiñii Leví cani gucuaa ca ti guenda de xaique yu'du napa ca shide chi nandaca ni na ley ne gutopaca tobii de chii' bichichi xti ca binii, ne ndi la, xti ca biichi cabe, neca laa'ca laca seeda ca de ca xiñii Abraham. ⁶ Ne xtobii la?, Melquisedec, nii lacabe que ganadi cabe pade seeda, laa' gucua ca tobii de chii' ni bidii Abraham ne gulube ndaya laa' ti máca napa xtidxa Diuxi. ⁷ Cadii lica'pe raabe aana' pa' dxandí binni' ni huaxie' risáca ricaa ndaya xtí tobii ni jmá risáca. ⁸ Ne de ca ndi la?, binni guidxi la'yu ricaaca' ca tobii de chii' bidxichi, peru ni gúcaa dxique canini laa'be nabani rube. ⁹ Ne gaabe pia ni laa'tu sacari',Leví,ni bidii cabe tobii de chii' bidxichi, laaca gudixhe tobii de chii' xpidxichi ra gudixhe Abraham ni, ¹⁰ tí Levi nuúbe lu xcuerpu bixhooze biida'be dxí Melquisedec bidxagalú nee Abraham. ¹¹ Yana la? pañaca guenda que riuu dxí guchee' ñanda ñáca pur ca xaique yu'du xtí Leví la? (pur ti pur ca ndií nga gucuaa' guiidxi'di ca Ley) ¿xii xtí guenda riquiñe ñapa xhide ñuu tí ñaza xtí xaique yu'du, casi ca gúca' Melquisedec, ne cadii ñuuya cabe laa casi cá' Aaron? ¹² Tí dxi guidxaa de gaaca cabe xaique yu'du, laca naquiñe guidxa ley. ¹³ Tí Xhá de ni guuni laa' biree ca didxa de ca ndí zedaa'be de xti tribu, ni cadi zeeda' de laade ca ni ruuni dxiiña ndaani yu'du. ¹⁴ Yana la? nayánii pe, Xpixhuananu gúle'be de Judá, ti tribu ni que ñuu dxí nuzee'te Moisés zee'da de ca xaique yu'du. ¹⁵ Ni laadu caniidu yanna jmarusi nayaani pa guiasa xti xaique yúdu casica Melquisedec. ¹⁶ Ne ndii la? Cadi zéni casi na ley ñeedabe de lisaa' binni guidxilayú ne Laabe gu'cabe xaique yu'du, laga nga la? gucabe ni gúni guenda nandxo' xti guenda nabaní ni que záti xtiibe. ¹⁷ Ti xqui'chi' Diuxi rinii de Laabe: "LII NÁCALU' TI XAIQUE YU'DU' NI QUE ZIUU DXI GUIREE DE LAANI CASICA MELQUISEDEC." ¹⁸ Nga runi bibeza de iquiiñe nima bíaana gaca' ni guzá níru, purti natende ní ne que guiquiiñe ní. ¹⁹ Purti ley que ñúni gaxti bíaasi, ne yanna la? Nuu ti ni culuii ni jma risaca ni cabézanu ni guedandaru' ni gúni laani' laanu guidxiñanu Diuxi. ²⁰ Ne ndi que ñácani pa qué nudii xtiidxa cabe. Ne laga xtóbi, ca xcaadxi racaca xaique yu'du' neque nudii xtiidxaca. ²¹ Ne laga xtóbi, ndi, Jesús di gúca xaique yu'du'ne bidii xtiidxa' de xa ni gúdxi Laabe: "XPIXUAANA NU BIDII XTIIDXA' NE QUI ZUCHAA DI' XQUENDA BIAANI: 'LII NACALÚ TI XAIQUE YU'DU' NI QUI ZIU'DXI GUIADXHA.'" ²² Ne gúni ndi la? Jesús laca bisaana be xtiidxabe de ti nacu'bi ra bitagu diidxa ne binni. ²³ Ne cherii la? xtale tu cayaca xaique yu'du', ne gúni guenda gúti la? ma que niza néru ca ni. ²⁴ Ne cherica, casi Jesús nabáni de guira xixé dxí, Laabe napabe guenda xaique yu'du' ni que zalúxe. ²⁵ Ngá runi, Laabe laca zanda gulábe guira xixé cani guidxiña ra nuu Diuxi guni Laabe, ti Laabe nabánibe de guira xixé dxí ne guinábabe pur laaca. ²⁶ Purti xaique yu'du' di nga ni bia'sipe nuu para laanu. Laabe que gápabe guenda ru chee, que gapabe donda, nayábe, biduubabe de guira cani ruchee ne gúcabe ni jma na soo que ca iba'. ²⁷ Laabe cadi caquiiñebe; casi ca xcaadxi xaique yu'du', níru gútibe mani' guira dxí gudiibe guni ca guenda ruchee xti pebé, ne de raque ma guenda ruchee xtii ca xcadxi binni. Laabe bi'nibe ndi ti tiru si ne para guírá, dxi Laabe bidiibe laca Laabé. ²⁸ Ne ley rúni binni guidxilayú xaique yu'du' ne nápaca' ra na dá' laaca, peru diidxa xti guenda rudii xtiidxa, ni beedarú ra guzá níru ley, gule' la' ni xiiñi Diuxi, ni laa naca ni que ziuu dxi guidiiñe yú.