¹ Cadi' gusanatu de ganaxhi lizaatu. ² Cadi gusianadatu' guicalu binni ralidxuca ni zeda' de xti guidxi. Pue ti pur ndi' laa, nucabe ma' bigu' cabe ralidxicabe ca angel sin laacabe' ganna cabe'. ³ La guedasilu' laatu de ca ni daguyo ndani lidxi guiba que', casi ñaca laatu libitu' ne laaca be'. La gusiete naladxi' cani cadidi guenda nana' que', casi ca ñaca laatu ñaca tu' lacabe ndani xcuerpu cabe'. ⁴ Ne guiratu gala xpiatu ne guira' ca ni jma bichaga na'. Ne cadi guni mucu tu ra rata nee tu xhelatu, ti Diuxi zuya' pabia cuchee ca ni ruyubi' chu' ne xtobi neca' ni riu' ne ca ni cadi xhelaa'. ⁵ Ne laatu cadi ganaxhitu bidxichi'. laguieche ne ca ni napatu' ca', ti purti Diuxi pe' guni': ''NIN QUE SIU ORA GUSAANA' LII, NE NIN GUDXIE DECHE LII.'' ⁶ Ne guiunu' nayeche ti ganda laanu gudxiba lunu' ne guini nu': ''NE SEÑOR NGA CHIGACA NEE NAA'; NE QUE ZADXIBE' DIA'. ¿XHI ZANDA GUNNI HOMBRE NAA?''. ⁷ Cadi' guianda laatu de ca xhaique xti tu', ca ni guni nee laatu de ca didxa xti Diuxi, laguya chahui guire ndu ni gunni tu'. lagunni cree casi modo runni cree be'. ⁸ Jesucristu laca' laabe nga de negue, de yana dxii, ne dede guiraa dxii. ⁹ Cadi chinanda tu' guinticasi' ni cusidi' ni que runni bia tu'. Pue galan nga chuu xtipa ladxidoto' pur guenda nandxo, cadi ra quiñe yutu pur guenda roo ni que racanetu ca ni que nabani pur lani'. ¹⁰ Naapa du' ti altar ra ni laaca runni ca dxiña ndani ti yoo de lari' que gapa di cabe xhi dee goo cabe'. ¹¹ Pue rini' xti ca mani', ni bidi ca gati ca' pur ca guenda ruche xti cabe, reda ni' ra lugar nandxo di', ti ladi ca cayaqui ca ni zitu de ra nu yoo huini xti cabe'. ¹² Ne saca ca', Jesus guca naa be' xhitu de ra nu puerta xti guidxi ca', ti ganda chu ndaya guidxi ca' pur rini' xtibe. ¹³ Yanna chu ra nuube de ra nabeza, ne chinee nu' guenda ritui lu' xtibe. ¹⁴ Pue quegapa' didu ti guidxi ni chi guiana xhidxi rari', ne luxcar ni', ruyubidu' ti guidxi ni jma nu guedaa'. ¹⁵ Ne guni Laabe la?, gudinu guirá xixé dxi xtipa xtinu ra guidundanu para Diuxi, guendariunda de cuananaxi xti ruanu ra lanu gunibia' nu Laabe. ¹⁶ Ne que gusiandanu guninu ni jneeza ne gacane lisa' nu, ca xtipa di ca nga ni riuladxi' Diuxi xtale pe'. ¹⁷ La guzuuba diidxa ne la guni ni na ca xhaique xtiitu, ti lacabe runicabe dxiña para gapacabe xquendatu, casi ni chitixe pur latu. Laguna ti ca xhaiquetu guni cabe ne ti guenda' nayeche' cadi di ne ti guenda' nagundu', pa ca que iquiñe ni de gaxti para laatu. ¹⁸ La guini' ne Diuxi pur laadu, pue laadu nanna dxichidu de que nayaa ladxido'do, ne racaladxi du guibanidu ne xpia' lu guirá xixé ni ladu gunidu. ¹⁹ Na ruchaya latu gana jma rusi gunitu ndi, de ti modo na ganda guibigueta ra nutu jma naguenda. ²⁰ Yanna, Diuxi de guenda' ratadxi ladxido', ni biasa de lade guetu Ni jma nandxo' rapa dendxu', Señor Jesús xtinu, pur ti ri'nii ni bitagu diidxa be ni que zaluxe, ²¹ cuaquichahui latu ne guirá xixé ni chahuí ti zaca gunitu ni racaladxi be. Ne labe guninebe lanu dxiiña ni Labe riuladxi' be, pur Jesucristu, ni Laa guicaa guenda nadxo' dede guirá xixé dxi. Amén ²² Yana na ruchaya latu de gana, bicheca, guicatu ca diidxa gola ni naa ma bica ra nutu nagasi ru. ²³ La gana de que bichinu Timoteu ma bila', ni naa guedania' ra nutu pa labe guibiguetabe naguenda. ²⁴ La gudi ti diuxi guirá xixé ca xhaiquetu ne guirá xixé ca ni nandxo'. Ca de Italia rusenda diuxi para latu. ²⁵ Guenda nachahui' guianane guirá xixé tu.