¹ Pue Ley ni bisaana Moises la? nacani casi ti bandaa de ca xixá sicarú ni gueda, cadi ximodo pe' xi'cani. Cani ridxiña Diuxi, que zanda di guia' ladxido' ca pur guenda rudi Diuxi rini si xti mani, ni ca sacerdote redaneca iza ne iza. ² ¿Paca nusana cabe de gudicabe Diuxi rini xti mani la?, pa lacabe ña cabe tobi si tirú la? ca ni rusisaca que ñete naladxi ca de ca guenda ruche xtica. ³ Pur ti cumu runicabeni iza ne iza la?, cayetenala'dxi' cabe de que cuche' cabe nga. ⁴ Pue rini xti yu'ze ne chivu barracu que zanda guxia' xtonda tu. ⁵ Dxi Cristu beda ndani guidxilayú, Labe gunibe: "CADI RINI XTI CA MANI NIN CA NI CUSIGA'DE CABE LII NGA BILUÍ' LADXILU. HUAXHA LII, BIZUCHAHUILU GUIRANI TI GACA TI BINNI GUIDXILAYÚ. ⁶ NIN GUIRA NI BISIGADE CABE LI NI BICAGUICABE NIN CA RINI XTI MANI NI BIXHII CABE TI GUIXHIA' XTONDA CABE, QUE NUSIECHE DI CA NDI LII". ⁷ Ne ora que la? na gunie': "BIYA' RARI' NUAA GUNE NI RACALADXI LUU, CASI CA DE NA NAA LU CA GUI'CHI XTI DIUXI" ⁸ Nirú labe gunibe: "CADI RINI DI XTI MANI NIN CA NI GUSIGADE TU NA NE BEELE, NIN NI RUDITU NA TI GUIXIA' XTONDA LU, NIN GAXTI DE CA NDI QUE NUSIECHE DI NI LI". Ca ndinga ni napaxide' gusigade tu modo na Ley xti Moises. ⁹ Ne ora que labe gunibe: "BIYA' RARI NUAA GUNE NI RACALADXI LUU" Labe raxabe ni nirú runinu ne riguidxebe xixa' nacubi ni gaca. ¹⁰ Ne pur ndi la? lanu ma bianú tobi si tirú ne gucanú nandxo', pur guenda guti xti Señor Jesucristu. ¹¹ Ne zicarí la?, guirá xixé ca sacerdote riasaca dxi ne dxi ti gusisaca Diuxi. Labe puru si rini mani rusigade be Diuxi, ne que ganda guixhia' xtonda cabe. ¹² Huaxa, Cristu bixhii rini ti guixia' guirá xixé guenda ruche' dede nagasi ne dede guiraa xixé naca dxi; ¹³ Laabe guribe cue' Diuxi ladu ndiga. Labe cabezabe guedanda' dxi guyabe cani nanala'dxi' labee xaa ñe be. ¹⁴ Pur ti pur si ni bisigadebe Diuxi ma binichahui be guirá xixé ca ni cayaa ne cani cayaca nandxo'. ¹⁵ Ne Espiritu Santu laca cayui' ne lanu. Labe nirú gunibe: ¹⁶ "NDINGA NI BITAGUANIA LATU DIIDXA NI ZUNE LATU DXI GUEDANDA CA DXI QUE, NAA SEÑOR. NAA CA LEY XTINE NDANI LADXIDO'TO, NE ZUCÁNI LU XQUENDA BIANITU. ¹⁷ MA QUE ZIU' DXI NA GUZIETE NALADXE' CA GUENDA RUCHE' XTITU NE CA NI NADXABA XTITU". ¹⁸ Yana la?, para nu? guenda rixia' donda xti cabe ya, ma que naquiñe di guxiitu rini xti mani pur ca guenda ruche' xtitu. ¹⁹ Nga runi, bicheca ne bizana ca, laanu ma zanda guidxiñanu ne ti guenda runi cree ro'ba' ra nandxo' xhata pur rini ni bixii Jesús. ²⁰ Ne ndinga nezaa ni nacubi ne ni nabani ni labe bixhalebe para lanu pur ca lari ni randa ni ruchi', pur ti gucabe binni guidxilayú. ²¹ Ne pur ti napanu ti Sacerdote Gola ndani lidxi' Diuxi, ²² chuu guidxiñanu ne guidubi naca ladxido'no de dxandi ne ti guendarunicre naro'ba, gapanu ladxido'no nayaa de ti guendabiani ni nadxaba ne guzia' nu ladinu ne nisa ni nandxo' ²³ Yanna la? guinaaze dxiichi' nu ni lanu ma runi cree nu di, pur ti Diuxi ni bidii xtiidxa laanu, que zaguite di lanu. ²⁴ Guyu'binu xhimodo guiasanu ne gana lu guenda' ranaxhii ne ca dxiiña sicarú. ²⁵ Cadi gusana nu de guiu' nu tobi si, casi tudxi ma bini. Laca lagacane lii sá cada tobi jma ne jma, ne jma ru si ora laatu ma guyatu zeda guidxiña dxi. ²⁶ Pur ti pa lapenu cayuni nu pur guche' nu, ne ca ma gucuaanu ca diidxa ni dxandi, ti guenda ruxhii rini pur guixiá xtonda tu ma que risaca ni. ²⁷ Laca, zusa'bana Diuxi laa ne ti guii ni gusinitulú cani rucá lú Diuxi. ²⁸ Tu tica si ni que nicaa Ley xti Moisés la? rati sin guiacabe la nezalu chupa o chona binni ni bi'ya' que nicacabe ley ca. ²⁹ ¿Pabia' rabitu guenda nanaa nica ni bituñee xiiñi Diuxi, ni gucua' riini ni bixhii Jesús casi ti ni que iquiñee, riini ni pur laabe gucabe nandxo' ne gulu dii Espiritu de Guenda Nachahui'? ³⁰ Runibia' nu ni guní: "NAA XCUENTA GUQUIXEE; NE NAA ZAGUIXEE" Ne xti tirú: "SEÑOR ZUSABANA' XQUIDXII" ³¹ ¡Nabé nanaa ora guiabanu lu ná' Diuxi ni nabaani! ³² Peru laguietenala'dxi dxi nacubi binibiatu Cristu, ximodo latu gudiditu guendaridinde nagana ca yuba nanaa que. ³³ Bizitui' cabe lutu nezalú binni gulu dii cabe laatu ne guza nanda cabe laatu, ne gucane lisá tu ti tiditu ca yu'ba que. ³⁴ Gupatu xilase de cani gunaze cabe ne biteguyo' cabe que, ne gucua tu ne guenda nayeche' guxa cabe ca xtitu. Nanatu de que jma galan ni latu napatu que. ³⁵ Nga runi que gusaabi tu ndani guixii guendaruni cree xtitu, pur ti naro' ba ziaxaalu'. ³⁶ Laatu caquiñe tu ganatu cuezatú , ti ganda guicatu ni Diuxi ma bidii xtiidxa laatu, ora ma bini si tu ni ná be. ³⁷ "PUR TI NAGASI CA, NI ZEDA, DXANDÍ ZEDA, NE QUE CANDAA DI. ³⁸ NI NACHAHUI' ZABANI PUR GUENDA RUNI CRE. PA LABE IBIGUETA' BE, MA QUE ZUSIECHE' DIBE NAA". ³⁹ Peru laanu cadi nacadinu nin tobi ribigueta ti ganda guxuxe'. Laca, nacanu tudxi de ca ni runi cre ti zaca ganda gapanu xquenda nu.