¹ Peru Saulo, ne ca'nibe suni naabe dede gutibe' luguía ca discípulu xti Señor, guyebe ranú sacerdote gola ² ne gunababe' gucaa ca guiichi para ca yudu' huini xti, Damascu, tí pa guidx laabe tutica' ní naca neza dí, gucabe hombre o guna' ganda guinazebe ne gueda neeba laaca Jerusalén. ³ Laaga zeebe la?, guca de que ora yendabe gaxa de Damascu, ma laasi bitaagu tí bíaani nayaaní dede guiba; ⁴ ne biababe laayu' ne binadiaga be ti ridxi cayabilaabe: ''Saulo, Saulo, ¿xhiñe cana zabinandú naa? ⁵ Saulo bicabí: ''Tu lii, Señor?'' Señor gudxi laabe: ''Naa nga Jesús ni líí cana zabinandú; ⁶ Peru biasa, guyuu' guidxi roo ca', ne zabi cabe líí ni naquiñe guní lú.'' ⁷ Ca hombre ni zee ne Saulo bizuhúa ca' sin niníca', cuca' diaga ca ridxi que' ñugaa cabe guiruti. ⁸ Saulo biasa de layu que', ne ora bixhalelú be la?, que ñanda ñuyaabe gaxti; nque runi laacabe gunaa. ze cabe na' ne ñene cabe la' Damascu. ⁹ Pur chonna dxi laabe que ñuyadibe', ne laaca que ñoo ne que ñee' dí bee. ¹⁰ Yann guyú te discipulu Damascu ni laa' Ananías, ne guni ne Diuxi laabe casi ca ñuyabe xhiixha. "Ananías''. Ne laabe gunibe: ''biyaa, rarí nua, Señor''. ¹¹ Señor gudxi laabe:''biasa, ne guyee lu neza ní laa ndiga', ne ralidxi Judas gunabadidxa pur tí hombre de Tarso ni laa Saulo, ti laabe cani nebe Diuxi; ¹² ne laabe ma biyabe ra biluí Dios laabe tí hombre ni laa Ananías beeda ne gulaquinaa' luguiabe ti ibigueta guyabe','' ¹³ Peru Ananías bicabi: "Señor, na ma binadiaga de xtale de hombre di, pabia ma bini nabe ca ni naya ndani Jerusalen. ¹⁴ Labe napabe xqui'chi' ca xhaiqué ca sacerdote para guinase tu ticasi guca ridxi Laalu". ¹⁵ Peru Señor gudxi labe: "Guyé, pur ti labe na ma gulie labee, para chinebe laya' nezalú ca gentil ne ca xhaique guidxi, ne ca xhiñi Israel; ¹⁶ pur ti na sulue labe pabia napa xhidé gacanabe pur Laaya". ¹⁷ Nga runi, Ananías biré ne guyú ndani yoo. Ne gulaqui na luguiabe, ne gudxilabe: "Biche Saulo, Señor Jesús, ni biré luulu neza ora li zedu, bizendabe na para ganda guyalu xti tirú ne guixha tipalú de Espiritu Santo". ¹⁸ Ne oraqueca casi ti jlaza biaba de lu Saulo, ne labe biiya be xti tirú; labe biasabe ne guyu nisa be, ¹⁹ gudobe ne bigueta xtipa xtibe. Labe bianane ca discipulo Damasco pur xtale dxi. ²⁰ Ne oraque biyu' be de Jesús nda ca yu'du, ne nabe Labe nga xhiñii Diuxi. ²¹ Ne guirá ni cucadiaga labe bixhagaya cabe ne na'ca: "¿Ñe cadi labe nga guzabi nanda be cani ruca ca ridxi Laabe ndani Jerusalen? Ne bedabe rari, ti chinebe laca liibica ranu ca xhaique sacerdote. ²² Peru Saulo guca jma ne jma nadipada ne gulebe xhibii lade ca Judiu ni nu ndani Damasco ra bini prueba cabe de que Jesús nga Cristu. ²³ Gudidisi xtale dxi, ca Judiu gulaqui xtidxa cabe guticabelabe. ²⁴ Peru ni gunicabe di guna Saulo ni. Ne laca'be cundachi ca puerta dxi ne gueela ti guticabe labe. ²⁵ Peru ca discipulo xtibe gucuacabe labe lu gueela gulucabe labe ndani dxumi sú gundeca'be labe lu lindaa xti guidxi que. ²⁶ Ne ora labe bedabe Jerusalén, Saulo gucaladxi ñegu ca discípulo, peru lacabe cadxibi cabe labe, ne que ñuni cree cabe de que ti discipulo labe. ²⁷ Peru Bernabe gucua labe ne bedane labe ra nu ca apóstol. ne byui' nebe laca xhimodo Saulo biiya Señor lu neza ne gunine Señor labe, ne xhimodo Saulo guni ne nadxibalu de lá Jesús ndani guidxi Damasco. ²⁸ Labe bidxelabe laca ra siyuca ne sireca de ndani Jerusalén. Labe canibe ne nadxibalu de lá xti Señor Jesús ²⁹ ne canilizaa cabe ne ca Greco Judiu; peru ca ndi nuru cabe guticabe labe. ³⁰ Ne ora guna ca bichibe de ndi, yenecabe labe ndani guidxi Cesarea, ne bisendacabe labe situ ndani guidxi Tarso. ³¹ Ne zaca, yu'du ni nu ndani guidubi guidxi Judá, Galilea ne Samaria gutadxi ladxidoca ne ma bizuhua chahuica; ne sisaca ne dxibi xti Señor, ne lu xtipa xti Espiritu Santu, ne yu'du que bidalecabe. ³² Yana gucasi laaga Pedru se guidubi naca ca guidxi, labe laca bietebe ra nu ca ni runi cree ni nabeza ndani guidxi xti Lida. ³³ Raque bidxelabe tobi hombre lá Eneas, ni nexhe lu cama raca xhono iza', pur ti labe que rizabe. ³⁴ Pedro gudxilabe: "Eneas, Jesucristo cusianda lii. Biasa, ne gundiza cama xtiu". Ne oraqueca biasabe. ³⁵ Ne guira ca ni nu ndani guidxi Lida ne Saron biiya cabe hombre que ne guzanandacabe Señor. ³⁶ Yana ndani guidxi Jope nuu ti discípula laa Tabita, ni si guini casi "Dorcas". Guna di dxa tipabe de dxiña galan ne xhilase ni bini be pur ca ni que gapa bidxichi'. ³⁷ Ne guca lade ca dxi que labe biababe guca guará be ne gutibe; ne gudidusi de gudibecabe labe, gulucabe labe ndani yoo ra naso'. ³⁸ Lida nu gaxha de Jope, ne ca discípulo binadiagacabe de que Pedro nuu ra que, lacabe bisencabe chupa hombre ra nube, guiza' de canaba lacabe: "Guda ra nudu nagasi ca". ³⁹ Pedro biasa ne guye ne lacabe. Ne ora yendacabe, yenecabe ndani yoo ra naso' que. Ne guirá ca ni ma guti xhela ca, suguacabe cuebe, cayunaca ne ne culuica xhaba ca ni Dorcas bini dxi nabani. ⁴⁰ Pedro gulee guirá cabe ndani yoo ra naso' que, ne bisuxhibi, ne gunine Diuxi. Oraque, bitixhi lube ne biyabe gue'tu que, ne gunibe: "Tabita, biasa". Labe bixhale lube, ne ora biyabe Pedro guribe. ⁴¹ Pedro oraque bidi na labe ne gundisa labe; ne ora labe bicaridxibe ca ni runi cree ne ca ni ma guti xhela, bichiñabe la ma bibani. ⁴² Ni guca di bireche guidubi naca ndani guidxi Jope, ne xtale binni bini cree Señor. ⁴³ Gucasi que Pedro biana xtale dxi ndani guidxi Jope ra nu ti hombre la Simón, ti ni runi dxiña ne guidi.