¹ Ora beda gánda dxi xti Pentecostes, laacabe nú lisáa cabe tobisi lugar. ² Malasi beeda de guiba ti ridxhi casi ti bíi reciu ne naduxhu, ne bidxha ni ndani guidubi yoo' ra zuuba cabe que'. ³ Beda guire ra nu' cabe casi ludxi bele ne bireche ni ne guutacani luguia cada tobi de laacabe. ⁴ Laacabe bidxa cabe de Espiritu Santu ne bizulu cabe guni' cabe xcadxi diidxa, casi Espiritu bidíi laacabe guiníi cabe. ⁵ Yana nu' Judiu ni nabeza Jerusalén, Hombre ni riá, de guira' guidxiro' xha iba'. ⁶ Ora binadiaga cabe ridxi di', xtale bini bidxiña ne que gana ca xhi cayaca, ti purti cada tobi cayunadiaga laacabe caní' cabe lu' xtiidxa ca. ⁷ Laacabe cadi cabesa cabe ngue ne cadxagaya cabe; ne na' cabe: "Cadi dxandi Galileu guira ca ni caníi ca'? ⁸ Xhi jñe ndi cayunadiagadu cada tobi lu diidxa ni gule needu?. ⁹ Partu, Medu ne elamita, ne ca ni nabani Mesopotamia, Judea ne Capadocia, ce ca layu xhiro'ba de Asia, ¹⁰ de Frigia, de Panfilia, de Egipto, de de ca layu xti libia, gaxha de Cirene, ne cani zeda gana si de Roma, ¹¹ Judiu ne ca ni nabeza si', cretense ne Arabe, laadu binadiagadu laacabe cani' cabe xtiidxa du de ca guenda nandxo' ni ma bíni Diuxhi". ¹² Laaca cadxagaya ca ne que gana ca xhi cayaca; ne cayabi lisa' ca: "xhi rini' ndi pue?" ¹³ Peru xcaadxi cuxidxi ca ne na' ca: "laacabe ma bidxa cabe de vinu cubi". ¹⁴ Peru Pedru biasa ne ca chii ne tobi que', ne gundisa xtiidxi ne rabi laacabe: "Hombre de Judea ca', ne guiratu' ni nabezatu ndani Jerusalen, lagana ndi; La guca' diaga chahui ca xtíidxa. ¹⁵ Ti ca binni di cadi naxhudxi ca' casi laatu sacaxa tu', ti purti deru ga' xhigaba siado' ndi'. ¹⁶ Peru ndi nga ni guníi Diuxhi ra biquiiñe be Profeta Joel: ¹⁷ "SACA RA SILUXHE CA DXI, NA DIUXHI, NAA SUXHIE' ESPIRITU XTINE LUGIA GUIRA BINNI, CA XHIIÑI CABE SANÍI CA NI NA' DIUXHI, CA BADUNGUIU SUYA CA' NI CHI GACA NE CA NI NAGOLA ZANI XCAANDA CA' BACAANDA. ¹⁸ NGACA LUGUIA CA NI RUNI XHÍIÑA CA DXII QUE' NAA SUXHIE ESPIRITU, NE LAACABE SANÍ' CABE NI NAA GABE LAACABE. ¹⁹ NAA SULUE LAACABE GUENDARIDXAGAYA LUGIA, GUIBA CA' NE NI RULUI XHAGUETE NDANI GUIDXILAYU, RINI, BELE NE GUBAA' XTI GUXHU. ²⁰ GUBIDXA ZACA NACAHUI NE BÉU' ZACA RINI, ANTE GANDA DXHI NAROBA NE NABE ZAHUINI ORA GUEDA XAIQUENU. ²¹ NE ZAZAACA' GUIRA NI GUCA RIDXI LA' XAIQUENU ZALA." ²² Hombre de israel ca', la gucadiaga ca diidxa di': Jesus de nazaret, tobi hombre ni Diuxhi ma guli chaui pur ca guenda nadxho ni ma biini be ne ca guendaridxagaya, ne ca ni ma bizihuinibe, ca ni biquiñe Diuxhi laabe para guni, casi laacatu maca nanatu, ²³ pur ni maca nexhe chi gaca ne ni maca nanabe de Diuxhi, bidii laabe, ne laatu, pur ná ca hombre sin diidxa runi mandar, bica'ca laabe lu yaga cruz ne biiti ca laabe; ²⁴ Ni Diuxhi gundisa, ne bilá laabe de ca guenda naná xti guenda guti, ti purti que zanda laaca gucuezaca laabe. ²⁵ Ti David guní de laabe: NA' NABE BIIYA XAIQUENU RA LUA, TI PURTI LAABE NABE NUUBE LADU DERECHU XTINE PARA CADI GUINIBI CABE NA'. ²⁶ NGA RUNI LADXIDUA NU' NAYECHE NE LUDXE CANAYECHE. NGACA NA' ZABANE SIN GUENDARIDXIBI. ²⁷ TI PURTI LÍ QUE SUZAANU GUENDA XTINE GABIA, NINCA QUE ZUDIU HOMBRE NANDXHO XTIU GÚYA NI CADI JNEZA. ²⁸ LÍ BILUI LU NA' CA NEZA XTI GUENDANABANI, NE LÍ ZUCHA LU DE GUENDANAYECHE LUA'." ²⁹ Biche ca'. na' zanda guinienia laatu sin guendaridxibi de bixhozegoola nu David: laabe gutibe ne bigachibe, ne ba' xtibe nu'ne laanu dede yanadxi. ³⁰ Nga runi, laabe gucabe ti profeta ne gunabe de que diuxhi ma bidi xtiida ne ti diidxa risaca laabe, deque laabe suzuhadiichi be tobi ni bire de la' lu bangu runi mandar xtibe. ³¹ Laabe maca biyabe ndi ne guni de ora chi guisa cristu lade guetu: QUE NUSAANA LAABE GABIA, NE NINCA LADIBE GUIRUTI NIGUITE." ³² Jesus di', Diuxhi gundisa laabe, ne de ndi guiranu biiyanu. ³³ Nga runi, ma biasabe ladu derechu xti Diuxhi y ne gucuabe diidxa risaca xti espiritu santu xti bixhoze nu, laabe bichechebe ndi, ni laatu cayuyatu ne cucadiagatu. ³⁴ Purti David que niguiba guiba', peru laabe na'be: XAIQUE GUDXI XAIQUE': "GURI LADU DERECHI XTINE, ³⁵ DEDE NA' GUNE CA NI NANALADXI LÍ RA CUAQUIÑE LU'." ³⁶ Nga runi lagudi interu ludxi Israel dxandipe gunibia' ni Diuxhi biini, guiropacabe biinicabe, xaiquenu ne cristu, Jesus di' ni laatu bicatu lu yaga cruz". ³⁷ Yana ora laacabe binadiagaca ndi, gudidilaga ndi ladxido' cabe ne rabi cabe Pedru ne xcadi apostol: "Bichidu' ca', Xhi naquiñe gunidu?." ³⁸ Ne pedru rabi laacabe: lacuisa' de ca guendaruche' ne lachu' niza cada tobi de laatu, lu la' Jesucristu para guixhia xquendaruche' tu, ne laatu zacaatu ni rusiga'de guenda xti Diuxi. ³⁹ Para laatu ca ni bizaana Diuxhi ne para ca xhiiñitu, ne guira ca nu nuu zitu, ca guira binni casi Diuxi bixhozenu guiniíne". ⁴⁰ Ne xtale xcadxi diidxa laabe biliu'be laaca ne gunii'ne chaui be laaca ne guni'be: la guila' de guira binni de yana ni nadxaba" ⁴¹ Oraque' laacabe gucua' cabe xtiidxabe ne guyu' nizacabe ne guyu' dxii que gaxa de chona ixhiapa binni. ⁴² Laacabe zee'cabe lu ca ni biziidi ca apostol, lu guenda biichi, lu guenda rinda' gueta ne lu ca guenda riini ne Diuxhi. ⁴³ Dxiibi beeda lugia' guira binni, ne xtale guenda ridxagaya guca pur ca apostol. ⁴⁴ Guira ca ni bini cre' nu'ca tobisi ne napa cabe guira cosa nguecasi', ⁴⁵ Ne laacabe bito'cabe ca layu' xticabe ne guira ni napacabe ne bichéche cabe ni lu' de guira, casi ca ni naquiiñe tutiisi. ⁴⁶ Ngue runi guira dxi laacabe zee cabe lu tobisi ni ca' ique cabe ndani yu'du, ne rinda' cabe gueta ndani lidxicabe, ne rudi' cabe de xquendaro cabe ne xcadxhi ne guenda nayeche', ne xtale guenda nacha'hui ndani ladxido' cabe , ⁴⁷ Laacabe rusizaca cabe Diuxi ne napacabe guenda racane xti de guira binni. Xhaiquenu zindu' de guira dxi ca ni cala'.