¹ Ndani iconio que Pablo ne Bernabé guyu' ca tobi si ndani ca yu'du hiuni xti ca Judiu ne byuí' ca de xtidxa Diuxi ngue runi xtale de laaca, Judiu ne ca Griegu bini cre ca. ² Huaxha ca Judíu cani que ñuna que la? gudxite cabe xquendabiani ca Gentil ne gaca nanaladxi ca ca bichi ca. ³ Ngue runi biana cabe ra que' xtale dxi', byuí cabe de ca guenda nandxó xti Diuxi sin nidxibi cabe, laga Laabe culuí be laca de ca didxa de guenda nachahui xtibe. Laabe bi'ni be ndi bidii be guni ca xhixha ne guendaridxagaya ti guni Pablo ne Bernabé ni. ⁴ Huaxha casi de guiraa de cani nuu ndani guidxi que naca ca chupa ndaa; cadxi binni que nu pur ca Judíu, ne xcadxi nuu ca pur ca apóstol. ⁵ Ora ca gentil ne ca Judíu gucaladxi ca niguite ca xquendabiani ca xhaique xti ca ti quiñe ca ne guchaa ca guié Pablo ne Bernabé, ⁶ laacabe gunna cabe ni ne biree cabe ra qué ne guyé cabe cadxi guidxi xti Licaonia, Listra ne Derbe ne ca guidxi ni nuu gaxha de ra que, ⁷ ne ra que laacabe byuí' cabe xtiidxa Cristu. ⁸ Ndani guidxi Listra zuba tobi hombre, que gapa xtipa ca ñee, que ri zaabe dede dxi laabe nuu be ndani ñaabe. ⁹ Hombre di binadiagabe Pablo ra ca yuí didxa. Biya dxii Pablo laabe ne biya de que runi cre be de que zanda guianda be. ¹⁰ Ngue runi bicaa ti ridxi ne ná rabi laabe: "bizuhua." Ne hombre que guchesa ne guzá. ¹¹ Ora bi'ya guiraa xhixhé ca binni que xhi bi'ni Pablo la? bicaa ca ridxi , lu diidxa Licanoa: "Ca diuxi que biete ca ra nuu du casi binni guidxilayú." ¹² Laacabe gudxicabe Bernabé "Zeus", ne Pablo la? "Hermes," ti laabe nga ye nee be ca diidxa que. ¹³ Xhaique xti Zeus, xhiu'du nuu ni uriá guidxi que, bedané yuze ne doo guie'; laabe ne guiraa binni que gupa cabe gana nu dii ca yuze que. ¹⁴ Huaxha ora ca apóstol, bernabé ne Pablo, binadiaga ca ndi la?, gucheeza ca xhaba ca ne naguenda gu yee ca ra nuu guiraa binni que, bi caa ca ridxi ¹⁵ ne na' ca: "binni ca, ¿xhi ñee ca yuni tu ca ndi pue? Laadu laca naca'du binni guidxilayú ne ngueca'si guendaruni sentir casi laatu. Laadu zeda nee du ca diidxa cubi di ra nuu tu, ti gusaana tu de guni tu guiraa ni runi tu di, purti que iquiiñe cani, ti saa nanda tu Diuxi ni nabani, ni bizá ibá', guidxilayú, ne nisadó ne, guirá xhixhé ni nuu ndani cani. ¹⁶ Dxiqué, bidii be lugar xtale binni de ca guidxi que bi'ni ca ni na ique ca. ¹⁷ Huaxha la?, Laabe que hua yana di be xtubi be, lu ni Laabe bi'ni be ni nuu xneza ne bidii be laaca nisa guie' de ibá' ne dxii guicá xquela ca, bichaa tipa be ladxidó ca de guenda roo ne guendaneyeche". ¹⁸ Neca guní' be ca diidxa, Pablo ne Bernabé que ñanda ga di nucueza cabe guiraa binni que de ñuti'ca ca yuze que. ¹⁹ Hauxha cadxi de ca Judíu de Antioquía ne Iconio yendá ca ne gudxite cabe xquendabiani ca binni que. Laacabe bichaa cabe guie' Pablo ne guxhubiyú' cabe la dede gulé cabe la de ndani guidxi que, zacaxhaca'be ma guti be. ²⁰ Laga ca discípulu nu guu lee ca laabe la? laabe biasa be ne guyú be ndani guidxi que. Xti dxi que la? laabe ye nee be Bernabé ndani guidxi Derbe. ²¹ Gudiidi si de byuí cabe xtidxa Cristu ndani guidxi que ne bitale cabe xpini Jesús la? laacabe bibigueta cabe Listra, Iconio la? ne Antioqía. ²² Laacabe yeuzuhuaa chaahui cabe xpinni Cristu ne bicha cabe laaca de gana para saa ru ca lu guenda runi cre que, ne laca rabi cabe laaca: "Laadu napadu xhi dé chu' du ndani Guenda runi mandar xti Diuxi luu de guiraa ca guenda nagana." ²³ Ora laacabe ma ulii cabe ni gaca binni gola ndani ca yudu que, ne guní ne cabe Diuxi sin goo cabe, guláqui cabe laaca ndani naa Señor, ni laacabe ma bi'ni cre cabe la?. ²⁴ Laacabe gudiidi cabe Pisidia ne yendá cabe Pamfilia. ²⁵ Gudiidi si de byuí cabe xtiidxa Cristu ndani Perge la? biete cabe Italia. ²⁶ De ra ca la? gucua cabe ti barcu ne guyé cabe Antioquía, ra laacabe gucua cabe guendanachahui xti Diuxi ne guni nee cabe ni dxiiña ni laacabe bindúxhe cabe ora que. ²⁷ Ora lacabe yenda cabe Antioquía ne guliidxi cabe guiraa xpini Diuxi la? laacabe gudxi cabe laaca de guiraa ni bi'ni ne Diuxi laacabe, ne xhimodo Diuxi bixhale puerta de guenda runi cre para ca gentil. ²⁸ Laacabe bianane' cabe ca discipulu xtale dxi.