¹ Ya na ndani yudu de Antioquia, biu caadxi profeta ne maestru. Lacabe nga Bernabe, Simon (ni rabi cabe ya'se'), Lucio de Cirene, manaén (bichi Herodes tetrarca, ni gucuasi casi ca'bixhosebe), ne Saulo. ² Laaga laaca be cusi sacaca caabe Shaique ne sin go caabe, uni espiritu santu : lacuee chu bernabe ne Saulo, para guini caabe dxiña xhi pur na' gulidxelacabe'. ³ Gudisi de gusana cabe de ti cabe, guini ne caabe Diuxi, gulaqui naabe luguia ca hombre di, bisenda caabe laaca. ⁴ Neora que Bernabe ne Saulo bina caabe espiritu santu ne guye caabe Seleucia; dede ra la cabe gucua cabe barco le ne la cabe galayui nisa la chipre. ⁵ Ne ora laacabe nu cabe ndani guidxi Salamina, raquè bizulú cabe byui cabe xtidxa diuxi ndaani ca yu'du huini xti ca Judiu. Ne laa cabe laaca napa caabe Juan Marco casi nigaca ne laacabe. ⁶ Ora laaca be uzacabe idubi ca guidxi ni nu galahui nisado pafos, bidxe la cabe tobi hombre rubí brujeria, ti Judiu ni cadi dxandi profeta la, ni la Barjesús. ⁷ Bruju di nu nebe tobi si xaique xti gidxi, Sergio Paulo, ni naca tobi hombre nu xpiani hombre di bisenda caabe Bernabe ne Saulo, purti labe napabe. ⁸ Yana guca diaga be xtiidxa Diuxi.Peru Elimas "bruju que" (nga rabi cabe bruju que xtidxa cabe) que na di be: labe guca ladxibe nibechube Shaique guidxi que de guendaruni cree xti. ⁹ Peru saulo ni laaca la Pablo, dxa tipa be de espiritu santu; ne biya Dxi chahui be la' ¹⁰ Ne nabe: "Lii' xhiñi binidxaba, li esa tipalu de guira lu guendariguite ne guenda nadxaba. li cadi xpici guira ni runi xnesa li'. Li que siu dxiu di guzanalu de cue chulu ca neza xti Señor, ¿zunu ni la?. ¹¹ Yana biya, na Shaique xtinu nu luguialu ne que suya lu'. Li que suyalu gubidxa cadxi dxi. "Ne oraqueca biaba luguia Elimas ti guxhu ne guendanacahui; labe bisulube cudibe buelta canabe ca bini que capica nabe sane ca labe' . ¹² Biyasi xaique xti gudxi huini xi uca , laabe bini creebe, purti laabe cadxaga yabe de guira ni casidibe de xaique xtinu. ¹³ Yana Pablo ne ca xhamigube' gucuacabe barcu dede pafos ne yendacabe Perge ti guidxi de panfilia. Peru juan bisana lacabe ne higuera ndani Jerusalen. ¹⁴ Pablo ne ca xamigu biree cabe secabe dede perge ne bedacabe Antoquia de pisidia. Raque la' cabe guye cabe ndani yudu dxi guendarisiladxi ne guricabe. ¹⁵ Gudidisi bindacabe ni ca lu gichi xti ca ley xti ca' profeta, ca xaique xti ca' yudu bisenda ranu cabe ti didxa ni rabi lacabe: "bicheca, ñe panapa tu chicha didxa ni gudi xtipa hijo di la' la guini ni. '' ¹⁶ Ne ora que Pablo suhua necunibi na; ne na': ''Hombre de Israel ca' ne latu ni rusisaca tu' Diuxi, la uca diaga. ¹⁷ Diuxi xti guidxi Israel guli ca' bidxhoze gola nu ne bini ti guidxi xtale ora lacabe nuu cabe guidxi Egipto, ne nandisa nabe ulebe laaca de raque. ¹⁸ Gaxha de chupa laate gande iza sin que nixhacala'dxi be laaca lu layu nda. ¹⁹ Udidisi de que labe bini debe gadxe guidxi ni layu de Canaán, Laabe bidibe guidxi xtinu guidxi laayu casi ga bisi gade beni la. ²⁰ De guira xixe ndi guca ca ni gaxha de tapa gayua nu cupa laate gande ne chi lu. Gudidi si candi , Diuxi bidi la cabe ca ni guya pa xnesa cayuni cabe' dede Samuel ni naca profeta. ²¹ De raque, unaba guidxi que gunaba ti xhaique xti ca', ne diuxi bidi lacabe Saulo xiiñi Cis, tobi hombre ni za de lisa Benjamin, ti gaca xhaique xti cabe pur chupa laate gande iza. ²² Gulesi si Diuxi laabe ra subabe casi xhaique xti guidxi que la', Labe gundisabe David ti gaca shaique xti guidxi que'.De David nga guni Diuxi:''Na ma bidxela de que David xhiñi Jesé nacabe ti hombre casi ni na ladxi duaya; ni suni de guira ni rabe guni.' ²³ Ne de ca ni sa de lisa sti hombre di' Diuxi beeda ne ndani Israel ti ni guedagula guidxilayu, Jesús, casi bidii xtiidxabe gunibe. ²⁴ Ne ndi bisulu gucani, de dxi caru gueda Jesus, Juan niru do guni ne lacabe de guendariunisa de cuisacabe de lu quendaruche xticabe guira ca' binni guidxi xti Israel. ²⁵ Laaga Juan caludxe dxiña xti, labe gunibe : '¿ Tu na xpiani tu naca na? Na cadi naca dia ni Guli cabe. Peru la uca diaga seda xtobi dechee , ne nala cadi nacadia iruti para uxhadxe guelaguidi ca ñebe.' ²⁶ biche ca, xiiñi Abraham, ne ira ni ridxibi diuxi lade tu, para laatu nga ca didxa ni rabi laanu ximodo ila nu. ²⁷ Ca biini de Jerusalen ne ca xaique xtica que ñunibia' ca jesus ne que ñene ca ni bicaa ca profeta ni runda ca ira dxi enda riziila'dxi' peru bi'ni ca ni na laaca gudixhe ca gati be. ²⁸ Neca que nidxela ca gaxti donda luguiá be peru unaba ca pilatu useenda guuti laabe. ²⁹ Ne biluxe si bi'ni ca ira ni maca cá gaca be la, undete ca laabe lu cruz bicaachi ca laabe. ³⁰ Peru diuxi undisa laabe de laade gue'tu. ³¹ Ne òraque bidxiña be ra nuu cani yené laabe dxi biree be galilea uye be jerusalen. yaana ca bini dila cani biyaca nacaca cani biya ca ndani guidxi di. ³² Nga runi laadu cayeda nedu ranutu ca dixda nacubi de cani bica ca bidxoze golanu. ³³ Ca didxa ni bizana ne diuxi laacabe , ca dxiñi caabe, ni jesus bidxi geta delu guenda nabani. Ndi laaca ca lu guiropa guichi de salmo:''LII NGA XIIÑE', NA MA SENDA PARA GACA BIDXOZO''. ³⁴ Saque ca de ni bizaca la laabe gundisa bela de lade guetu para que laanu cadi guibi guetanu lu cosa cadi jneza, laabe gunibe zacari: '' NA ZUDIE LAATU CA NDAYA NANDXO XTI DAVID.'' ³⁵ ‘LI QUE ZANADIO CANI MA GULILU GUYACA NI CADI DXNEZA.’ ³⁶ Gudidi si de que David bi bani ne guca ni raca laadxi dios gatibe ne bigaachi be ra bigaachi ca bixdosebe ne biiya be enda nayudxu, ³⁷ peru ni undisa dios de lade gue'tu que la que ñu'dxu di cuerpu xti. ³⁸ La gana, biche ca, ombre dinga gueda uxia donda xtitu. ³⁹ Pur laabe guira xixe zanda guixia ca guenda ruche xti ni que zanda guixia ca ley xti moises ⁴⁰ Laguuya ga que izaaca tu casi ni uni ca profeta ⁴¹ 'LAGUUYA, LATU CANI QUE RAACA LAADXI, NE GUI DXAGA YAATU NE LAACA INITI LUTU; ZANITILU TU PURTI ZUNE TI MILAGRU NARO'BA LADE TU NI QUE ZUNI CRE TU NECA GÜI NÈ CABE NI LAATU.. ⁴² Laaga pablo ne Bernabè se ca, ca bini que canaba ca laabe gui ne be laaca ca didxa di xti dxi enda risi ladxi ca.. ⁴³ Ora biludxe cabe de gui cabe ndani yu'du yuini que xhate de ca judiu ne xtale de ni bicudxi ne bi yuini bini cree ca yenanda ca pablo ne Berabe ne gudxi cabe laaca cadi usaana ca ni ma bidii dios laaca.. ⁴⁴ Xti dxi enda risi ladxi que, casi idubi guidxi que bixdiña para ucaa diaga xtiidxa Diuxi. ⁴⁵ Ora bi'ya ca judiu ira binni que biidxa cabe de enda ridxichi ne bizulu ca na ca cadi dxandi ni cani pablo que ne udindenè ca laabe. ⁴⁶ Peru pablo ne bernabe uni cabe ne que nidxibi di caabe ne naaca: "Nirudo laatu nexhe gui ne du xtiidxa Dios. peru ma bidxii tu laca laatu cusihuinni tu que iquiiñe tu para icaa tu enda nabani ni que zaluxe yaana ma chine du ni ra nuu cani cadi judiu. ⁴⁷ Purti nga nga ni gudxi señor laadu na: casi ñaca lii nga ti biaani ni chi guzaani ira binni guidxilayú para ganna ca modo ilá ca. ⁴⁸ ora bina diaga cani cadi judiu la laaca bieche ca ne cusi saca ca xtidxa Diuxi. Ira ni ma nedxe gapa enda nabani ni que zaludxe bini creca.. ⁴⁹ Ne bireeche xtiidxa señor idubi naca neza que ⁵⁰ Peru ca judiu ulica ca guna nachau ca de guidubi ladxido ca' ne ni risaca ne laaca gulica be ca ombre ni risaca de ndani guidxi que ca ndi bisuluca gusa nanda ca pablo ne Bernabe ne gula dxi cabe laaca cheria dera riludxe xidxi . ⁵¹ Peru pablo ne Bernabe udxibica yu'u de ñeca lugia caabe. ⁵² Ne ca disipulo bidxaa tipa ca de enda nayeche ne espiritu santu.