¹ Yanna, cadxi que rey Herodes ulu'u nabe de cadxi ni riuu' ndannínyuduu que para que labe gaanda gunninabe' laaca'. ² Laa' be bitibe ne espada que Santiago bichi Juan. ³ Ora biyabe de que nge que' riu' ladxi ca judíu, laa be' bizeendabé igaa Pedro nge la ucaa ni ca dxi ca pan que gaapa levadura. ⁴ Unazezibelaa',biteguyubelaa' ne bizendabe tapa' dxuu' para gapalabe'; laabe' ucaladxibe' ninebe l ne zaluú gidxi que después de Pascua. ⁵ Yanni Pedro biannabe' deguyobe', peru oración uca' ni' pur laa be' ne Diuxi ne de iraa' pa yuduu' que'. ⁶ Dxi ante que Herodes ului labe', guelaa' que' Pedro cayasibe la de ca dxuu' que, libibe ne chupa guibaa', ne ca guardia que nuca rua yoo que' ca yapa cabé cárcel que. ⁷ Laguya, ti ángel de Señor ma la' cí' uyuraque' ne ti bianni bisani raque'. La be' udannabé Pedro ra xiqueé ne bicuani belaa' ne naabe': ''Biaaza' naguenda''. Ora que ca guiba que biabacanni de lu nabe' que'. ⁸ Ángel que gudxilabe: ''Ucuu xábuu' ne bicañe elagi di xtiu.'' Pedro binini'. Ángel que gudxilabe: ucuu' lari'mlugiaa' ne usa' lari lugiaa' ne usa' nandanna'.'' ⁹ Ne oraque Pedru biré ne ye nanda ángel que. Laabe que ganna di be de que ni bini ángel di dxandi ni. Laabe guní ique be cayuya be casi ñaca caní xcaanda be. ¹⁰ Gudídi si cabe primé ne guiropa ra cayapa ca dxu que la? laacabe yendá cabe ra puerta de guiiba' ni nuu guidxi que, ne ndi la? bixele xtubi ni. Laacabe biree cabe ne udidi cabe ti calle, ne ángel que ora queca' bisaana laabe. ¹¹ Ora Pedro bi dii cuenta la? na: "Yana pe nga ma nanna de que Señor nga bisenda Ángel xti ne bilaa naa de lu ná Herodes, ne de guirá ni gucala'dxi ca Judiu ñuni naa." ¹² Ne ora bi'ya be ngue ni la? guyé be ralidxi María , jña Juan ni rabi cabe Marcos; xtale de cani runi cre Cristu nuu ca raque ne caní né ca Diuxi. ¹³ Ora bixhidxi ná be ra zaguán que la? ti badu dxapa runi xhiña xpixuana lá Rode bicabi laabe. ¹⁴ Ora badu dxapa que bina diaga de que xtidxi Pedro ni la? de tantu cayeche que nuxhele puerta que; laga bigueta guxhoñe nda yoo; la' ye guiní de que Pedro ngue zu hua rua puerta que. Oraque rabi cabe laabe: "Cayaca ique lu nga laani." ¹⁵ Huaxha la' guní ru de que laabe ni. Ra que na ca: "Xpisi be nga." ¹⁶ Huaxha Pedro que ñana dxi de nu xhidxi ná', ne ora laacabe bixhale cabe puerta que la? biiya cabe laabe ne bidxagayá cabe. ¹⁷ Pedro bi'ni seña laacabe igaani cabe, ne la' gudxi laacabe xhimodo gulé Señor laabe de ndani lidxi guiiba'. Ne rabi be laaca: "Lagüí' ne ca ndi Santiago ne ca hermanu." Ne ora que biree be zee be xti ladu. ¹⁸ Ora birá gueela, guyú ti dxiibi lade ca dxu, pur ni guca ne Pedro que. ¹⁹ Gudídi si de biyubi Herodes laabe ne que nidxela laabe la?, la' gunaba diidxa ca ni rapa ra que ne bidii xtiidxa be guticabe ca dxu que. Ne oraque laabe biré be de Judea ne guyebe Cesarea ne biana be ra que. ²⁰ Yanna bidxichi né Herodes ca binni de Tiro ne Sidón. Lacabe guyu cabe tobi si tí guidxiña cabe ra nuu be. Laaca bicudxi ca Blasto , ni raca nee laabe, ti gaca ne laacabe. Ne oraque gunaba ca gatadxi ladxidó cabe, purti de xquidxi be reeda guendaró xtica'. ²¹ Dxi bizá dxi güí cabe diidxa la? Herodes bizuchahiu ne gurí ra ribí' para guni mandar; ne gudxi be laaca cadxi didxa. ²² Ca binni que cu guá ca ridxi: "¡Ndi la xtiidxa ti dios ni, cadi xti di ti hombre!". ²³ Oraque ca ti ángel xti Señor bi'ni ná' laabe, purti que hua gusisacabe Diuxi; gudó bicuti laabe ne guti be. ²⁴ Huaxha xtiidxa Diuxi birooba ne bidale. ²⁵ Biluxe si Bernabé ne Saulo xhiiña ca Jerusalén la? bigueta ca'; ne yené ca Juan, ni rabi cabe Marcos que.