¹ Yanaa ca' apostol ne ca bichica'be ni nuu Judea, binadiaga cabe de que ca' gentil lacaa ucuacabe didxa' Diuxi. ² Ne ora Pedru gudxiba' Jerusalén xti tiru la? lacabee ca ni nú lade cani ma ca' seña, gunnica'be de labe; ³ nacabee rabicalabe "Lii biegulú ca hombre ni cadi ca' seña ne gudonelú lacabe" ⁴ Peru Pedru bizulú cusiidi lacabe xhipe' nga guca'; ne nabe: ⁵ "Nua canie nia Diuxi ndani guidxi' Jope ne casi ñaca lu bacaanda biiya ti xhixha' zeda yete, casi ti lari gueela ngola cayete dede ibá' idapa punta; ne zeda yete ni neza ra nua'. ⁶ Ná biiya dxie'ni ne guni iqué xhindi'; Ná biiya ca maní de tapa ñee stí guidxilaayú, mani duxhú', mani rixhubi ndani layú, ne mani ripapa ibá. ⁷ Ora que naa binadiaga ti didxa' naa rabi naa: "¡Biasa Pedru; biiti ne gudó!" ⁸ Naa gunie': "Pue que zandadi Señor purti que huayuu dxi' gahua ni na ley cadi guidó'do". ⁹ Peru didxa' que bicabi naa xti tiru dede ibá'; "Ni Diuxi jma guní na yaa la? cadi guini'lu na yudxu ni". ¹⁰ Ne guca' ndi chona tiru, ne bigueta guirani tobi si tiru ibá'. ¹¹ Biiya dxie, ora que nuu chona hombre zuhuaca' nezaluu puerta yoo ra nuu du; bisenda cabe laca dede Cesarea ra nuá'. ¹² Espiritu biseenda na' chi nia' laacabe ne que gunedia' pur tuudxi' de laca'be. Xhopa bichica'be guyecabe ne na', guyudu ra liidxi hombre bisenda'cá na' ¹³ Laabe byuí' nebe ladu modo labe biiyabe ti angel ndani lidxibe' ne cayaabi labe "Bizenda cadxi hombre ndani guidxi Jope ne latane' xti tiru Simon, ni laa Pedru. ¹⁴ Labe zaní'nebe laatu ne nebe diidxa ganda guilatu, lii ne guirá bini li'dxu'." ¹⁵ Ne ora bizuluá' byue nia laacabe didxa la?, Espiritu Santu beda luguiacabe, casi beda ni lugiadú dxi' bizulu du. ¹⁶ Bedasilú na' ca diidxa ni guní Señor, labe gunibe: "Juan de dxandí gulu' nisa ne nisa; peru laatu ziu' nisa'tu ne Espiritu Santu." ¹⁷ Ngue runi, pa Diuxi bisigade laacabe laca ni bisigade laadu dxi' bini cre du Señor Jesucristu, ¿Tu naca na' para ucaluá Diuxi?. ¹⁸ Ne ora laacabe binadiaga cabe ca' ndi, laacabe que nucabidi cabe gaxti, laga laacabe bisisacabe' Diuxi ne gunicabe': "Ngue runi' Diuxi bidii cuizaca'be de lu guenda ru ché xti cabe ti laca guilá ca gentil." ¹⁹ Yana, ne cani bireche ndaze runi guendarizá' nanda ni bizulú runi guenda guti xti Esteban la? bireche cabe zitu casi Fenicia, Chipre ne Antioquía, huaxha laacabe guní cabe ca didxa' xti Jesus para ca Judiu si. ²⁰ Huaxha cadxi' de laacabe, hombre xti Chipre ne Cirene, yenda cabe Antioquía ne laca guní ne cabe ca Griegu, byuí' nebe laca ca diIdxa nacubi xti Señor Jesus. ²¹ Ne naa Señor nuu nee laacabe; ne xtale binni bini cre ne yenanda cabe Señor. ²² Ca diidxa' xti cabe bedanda cani ra diaga ca binni ni riu ndani yu'du ndani Jerusalén: ne laacabe bisenda cabe Bernabé zitu casi Antioquía. ²³ Ne ora labe yendabe biiyabe ni Diuxi bisígade', labe bieche'be ne bichaa tiipa be laca de gana guiraa xhixhe ca ti guiana ca ne Señor, ne guidubi naca ladxi'do ca. ²⁴ Purti naca'be ti hombre nachahui ne dxa' tiipa be de Espiritu Santu ne endarunicree, ne stale binni guyuu ca ra nuu Señor. ²⁵ Ngue runi Bernabé guuyé Tarso ne ziuyubi'be Saulo. ²⁶ Ne ora bidxe'labe la bedanebe la Antioquía. Gucani ra chii guiza' ti iza' gucua'lisaa cabe ne ca binni nu ndani yu'du ne bisiidi cabe xtale binni. Ca discípulu ndani Antioquía niru do' biree laa cabe Cristianu. ²⁷ Yana lade ca dxii que, cadxi' de ca profeta biete cabe de Jerusalen ne derá yendaa cabe Antioquía. ²⁸ Tobi de laacabe, ni laa Agabo, bizuhuá ne guní ni gudxi' Espirutu Santu laa, chi gaca ti gubiña guidubi naca guidxilayú. Guca ndi ca dxi' xti Claudio. ²⁹ Ngue runi, ca discipulu, bia' zanda' cada tobi, biseenda cabe tu gaca ne ca hermanu de Judea. ³⁰ Laacabe binica'be ndi; biseendané' cabe Bernabé ne Saulo bidxichi ra nu ca binni gola.